Fréttablaðið - 01.02.2013, Síða 54

1. febrúar 2013 FÖSTUDAGUR| MENNING | 38
„Ég var svolítið að ögra sjálfri mér með
verkefninu en einhvern veginn hefur mér
hingað til þótt erfiðara að mynda stelpur en
stráka. Ég veit ekki alveg af hverju en það á
ekki við lengur,“ segir Hulda Sif Ásmunds-
dóttir, sem er ein af nemendum Ljósmynda-
skólans og sýnir verk sitt í útskriftarsýn-
ingu skólans sem hefst um helgina.
Lokaverkefni Huldu Sifjar er portrett-
myndir af 33 íslenskum listakonum á aldr-
inum 25-35 ára. Myndirnar voru teknar þar
sem list þeirra verður til, á heimilinu eða
vinnustofum. Í verkefninu taka meðal ann-
arra þátt myndlistarkonur, dansarar, teikni-
myndahönnuður og tónlistarkonur sem allar
eiga það sameiginlegt að lifa af listinni.
„Mig hefur lengi langað til að gera ein-
hvers konar portrettseríu og taka fyrir
stelpur af minni kynslóð. Það var því kjörið
að gera það að lokaverkefninu mínu. Mark-
miðið var að varpa ljósi á allar þessar kláru
stelpur og þeirra list. Þetta gekk framar
vonum og flestir sem ég hafði samband
við tóku vel á móti mér,“ segir Hulda Sif og
bætir við að hún hafi fundið fyrir miklum
meðbyr með verkefninu í gegnum allt ferl-
ið. „Mér fannst mikilvægt að fara til þeirra
og mynda stelpurnar þar sem sköpunin á
sér stað. Það var líka til að ögra sjálfri mér,
hafa samband við ókunnuga og mynda þær
á sínum heimavelli.“
Hulda Sif eltist meðal annars við íslensk-
ar listakonur búsettar í Kaupmannahöfn og
Berlín er hún vann að verkefninu í haust
sem eykur fjölbreytnina. Hún er ánægð með
útkomuna en ferlið gekk þó ekki áfallalaust
fyrir sig. „Harði diskurinn minn ákvað að
hrynja fyrir tveimur vikum og ég endaði
með að þurfa að taka myndir af fjórum lista-
konum aftur. Þær voru sem betur fer allar á
landinu og tóku þessum leiðindum vel. Það
var smá paník ástand svona rétt fyrir sýn-
inguna.“
Beinir linsunni að listakonum
Hulda Sif Ásmundsdóttir myndaði 33 listakonur á aldrinum 25-35 ára fyrir lokaverkefni sitt í Ljósmyndaskólanum. Allar eiga þær það
sameiginlegt að lifa af listinni en Huldu Sif fannst löngu tímabært að vekja á þeim athygli.
PORTRETTSERÍA Hulda Sif Ásmundsdóttir
myndaði 33 listakonur á aldrinum 25-35 ára fyrir
útskriftarverkefni sitt úr Ljósmyndaskólanum.
FRÉTTABLAÐIÐ/GVA
Hallgerður Hallgrímsdóttir
Dóra Jóhannsdóttir
Lay Low
Urður Hákonardóttir
Andrea Maack
Saga Sigurðardóttir
Elísabet Olka Guðmunds-
dóttir
Margrét Bjarnadóttir
Kristín Eiríksdóttir
Dísa Jakobsdóttir
Lilja Birgisdóttir
Anna Marín
Þórunn Árnadóttir
Sóley Stefánsdóttir
Vera Sölvadóttir
Kira Kira
Anna Hrund Másdóttir
Álfrún Helga Örnólfsdóttir
Bryndís Björgvinsdóttir
Sigurlaug Gísladóttir
Elín Hansdóttir
Rut Sigurðardóttir
María Huld Markan
Hildigunnur Birgisdóttir
Hildur Guðnadóttir
Ólöf Arnalds
Rósa Hrund Kristjánsdóttir
Lóa Hjálmtýsdóttir
Hildur Yeoman
Sigga Björg Sigurðardóttir
Edda Hrönn Kristinsdóttir
Sigríður Thorlacius
Sara Riel
33 listakonur
Á sýningunni verða 15 myndir prentað-
ar og rammaðar inn en svo hefur Hulda Sif
látið útbúa bók með öllum 33 myndunum sem
verður á sýningunni. „Ég finn á mér að bókin
er enn þá verk í vinnslu enda listinn yfir
stelpurnar ekki tæmandi og svo mörg fleiri
nöfn sem eiga heima þarna. Það er aldrei að
vita hvað verður úr þessu.“
Fjölbreytnin er í fyrirrúmi á lokasýningu
Ljósmyndaskólans þar sem viðfangsefnin eru
portrett, skrásetning, persónuleg sjálfsskoð-
un, tískumyndir og landslagsljósmyndun.
Sýningin hefst á laugardaginn klukkan 15
og er til húsa í Hugmyndahúsi háskólanna að
Grandagarði 2. Hún stendur til 10. febrúar.
Spurð hvað tekur við að loknu nám-
inu stendur ekki á svari hjá Huldu Sif.
„Mig langar að mynda og ég vona að
ég fái tækifæri til að gera það áfram.“
alfrun@frettabladid.is
SIGRÍÐUR THORLACIUS MARGRÉT BJARNADÓTTIRHILDUR GUÐNADÓTTIR
„Ég hef alltaf verið mjög heilluð af
fangelsum,“ segir Þóra Tómasdótt-
ir, ritstjóri tímaritsins Nýs lífs og
umsjónarmaður útvarpsþáttanna
Inni ásamt myndlistarmanninum
Arnari Ásgeirssyni.
Þættirnir Inni fjalla um þá
sköpun sem hefur átt sér stað í
íslenskum fangelsum gegnum
tíðina og vekja þeir athygli á því
hvernig fangarnir hafa tjáð sig í
listformi á meðan þeir sitja inni.
„Við tökum afbrotin og glæpina til
hliðar og ræðum um ástandið að
vera innilokaður og þörfina fyrir
að skapa eitthvað. Það hefur alltaf
verið sköpun í fangelsum þó að við
höfum kannski lítið vitað af því.“
Í fyrsta þættinum, sem er í dag
klukkan 13, er greint frá sögu
Bárðar R. Jónssonar, þýðanda
Ríkissjónvarpsins. Hann sat inni
á Litla-Hrauni fyrir þrjátíu árum
og strauk. Það var upphafið að
betrun Bárðar en er hann náðist
aftur, eftir nokkurra daga sukk í
Reykjavík, var hann settur í ein-
angrun. „Þar gerði hann merki-
lega uppgötvun og ákvað að snúa
við blaðinu. Hann bað um að fá að
afplána restina af dómnum í ein-
angrun og fékk þar með næði til að
skrifa og skapa. Hann hefur verið
edrú í mörg ár og kemur í þáttinn
með muni og ljóð sem hann gerði
er hann sat inni.“
Einnig verður fjallað um hljóm-
sveitina Fjötra frá Litla-Hrauni,
sem var mynduð í fangelsinu á
níunda áratuginum af meðal ann-
ars Rúnari Þór Péturssyni tón-
listarmanni og Sævari Ciesielski,
og verður hlustað á plötu þeirra
Rimla rokk. „Í formála plötunnar
kemur þessi setning fram „listin
dafnar aldrei betur en í einrúmi“
en hún fangar hinn rauða þráð
þáttanna.“ - áp
Heilluð af fangelsum
Þóra Tómasdóttir og Arnar Ásgeirsson segja sögur
af list og sköpun sem tengjast fangelsum í útvarps-
þættinum Inni sem hefur göngu sína á Rás 1 í dag.
LISTASAGA FANGELSANNA Þóra Tómasdóttir og Arnar Ásgeirsson fjalla um sköpun
fanga í útvarpsþættinum Inni en Bárður R. Jónsson er gestur fyrsta þáttarins.
FRÉTTABLAÐIÐ/STEFÁN