Fréttatíminn - 14.10.2011, Page 12

Góð hugmynd
á skilið að verða að veruleika
Svanni - lánatryggingasjóður kvenna
auglýsir eftir umsóknum um lánatryggingar
Svanni veitir lánatryggingar til kvenna með góðar viðskiptahugmyndir
en sjóðurinn er í samstarfi við Landsbankann um lánafyrirgreiðslu.
Eingöngu verkefni/fyrirtæki sem eru í meirihlutaeigu konu/kvenna og
undir stjórn konu/kvenna geta sótt um tryggingu. Gerð er krafa um að í
verkefninu felist nýsköpun/nýnæmi að einhverju marki og að verkefnið
leiði til aukinnar atvinnusköpunar kvenna.
Unnt er að sækja um lánatryggingu vegna eftirtalinna þátta:
Stofnkostnaðar •
Markaðskostnaðar•
Vöruþróunar •
Nýrra leiða í framleiðslu eða framsetningu vöru/þjónustu.•
Lánatrygging skal ekki vera undir einni milljón króna og að jafnaði skal
trygging ekki fara yfir tíu milljónir króna.
Allar nánari upplýsingar auk umsóknareyðublaðs má finna á heimasíðu
verkefnisins www.svanni.is og er umsóknarfrestur til og með
19. október 2011.
Nánari upplýsingar veitir starfsmaður verkefnisins í síma 582 4914.
Einnig er hægt að senda fyrirspurnir á netfangið svanni@svanni.is.
Djúp gjá milli leigjenda og leigusala
Óbrúanleg gjá virðist vera á milli leigutaka og leigusala á höfuðborgarsvæðinu. Leigusalar þurfa mun hærra leiguverð til að
standa undir fjárfestingu sinni en leigutakar hafa ekki efni á að borga meira.
H
inn almenni leigumarkaður á Ís-
landi er í tómu tjóni ef marka má
orð þeirra sem til þekkja. Mark-
aðurinn er vanþróaður, íbúðirnar
henta ekki leigjendum og hvorki
leigjendur, sem eru komnir að þanmörkum í
greiðsluþoli leigu, né leigusalar, sem
sérfræðingar eru sammála um að þurfi
hærri leigu til að standa straum af aukn-
um kostnaði vegna eigna, eru ánægðir.
„Það er í raun bara þannig að engar af
þessum hagstærðum á leigumarkaðnum
smella saman. Markaðurinn er í ójafn-
vægi. Leiguverð er of hátt fyrir leigj-
endur og of lágt fyrir leigusala. Ég fæ
þetta bara ekki til að ganga upp og því
miður sé ég ekki neina aðra lausn en að
auka kaupmátt fólks með hærri launum
og lækka vexti,“ segir Svanur Guðmunds-
son, formaður Félags leigumiðlara, um
ástand leigumarkaðarins á höfuðborgar-
svæðinu.
Nýverið birti Ársæll Valfells, lektor
við Háskóla Íslands, greiningu sína á ís-
lenskum íbúðamarkaði. Þar var sérstak-
lega vikið að leigumarkaðnum á Íslandi
sem Ársæll taldi ekki arðbæran fyrir
leigusala. Hann talaði um að leiguverð
þyrfti að hækka um 36 prósent til að
útleiga væri raunhæfur fjárfestingar-
kostur. Friðjón Sigurðsson, leiguráð-
gjafi hjá Sedrusi, er sammála Ársæli að
því leyti að leigan þurfi að hækka til að
það borgi sig að leigja út íbúðir en segir
jafnframt að útgangspunktur greiningar
Ársæls hafi verið rangur, að hans mati.
„Útgangspunkturinn er að þeir gefa sér
að þú kaupir fasteign og leigir hana út til
að græða á henni. Það hefur enginn orðið
eða verður milljónamæringur á því að
leigja út húsnæði. Það er ekkert nýtt að
ávöxtunin í útleigu er léleg. Menn hafa
grætt á því að kaupa og selja fasteignir,“
segir Friðjón en bætir við að aðstæður nú
séu hins vegar vondar fyrir leigusala.
„Eins og staðan er í dag nær leigan
ekki upp í kostnað, í það minnsta ekki í
meðalstóru og stóru húsnæði. Það getur
enginn byggt í dag og komist klakklaust
frá því og ég held að 30 prósent hækkun
á leiguverði sé ekki fjarri lagi þegar horft
er til þess hvað þarf til að leigusalar kom-
ist úr dæminu á að minnsta kosti sléttu,“
segir Friðjón.
Og Svanur tekur í sama streng. „Þetta
er hárrétt og ég held reyndar að leigu-
verð þyrfti að hækka um helming miðað
við verðmyndun. Á sama tíma er leigu-
verð fáránlega hátt miðað við greiðslu-
getu fólks. Þetta er galið ástand,“ segir
Svanur.
Ekki horft á þarfir markaðarins
Það er ekki bara ójafnvægi í þörfum leigj-
enda og leigusala. Eitt stærsta vandamál
leigumarkaðarins er að byggðar hafa
verið íbúðir á undanförnum árum sem
þjóna ekki þörfum þeirra sem leita á
leigumarkaðinn. „Það er alltof mikið af
eignum á leigumarkaðnum sem eru of
dýrar af því að þær eru of stórar. Það
vantar fleiri íbúðir fyrir fjölskyldur
með þrjú til fjögur börn – aðallega fyrir
ungt fólk. Fyrir þetta fólk er varla hægt
að finna eignir sem það ræður við að
borga af,“ segir Svanur og bætir við að
leigumarkaðurinn á árunum fyrir hrun
hafi verið svo vanþróaður að í óefni var
komið. „Alvöru leigumarkaður hefði sagt
okkur hvað fólk gæti borgað og hvernig
húsnæði fólk vildi. Í góðærinu var byggt
alltof stórt á röngum stöðum. Síðan var
auðvitað ekki hægt að keppa við þessi
hundrað prósentna lán. Það keyptu allir
– enginn hafði áhuga á að leigja. Núna
er eftirspurn á markaðnum. Það vantar
fleiri eignir og það vantar réttu eignirn-
ar,“ segir Svanur.
Og undir þetta mat Svans á leigumark-
aðnum tekur Friðjón. „Leigumarkaður-
inn á Íslandi hefur verið vanþróaður.
Hann stækkaði eftir hrun en þá komu inn
á markaðinn söluíbúðir sem breytt var í
leiguíbúðir. Þær pössuðu ekki endilega
við það sem markaðurinn var að leita að,“
segir Friðjón.
Sigurður Helgi Guðjónsson, fram-
kvæmdastjóri Húseigendafélagsins,
segir í samtali við Fréttatímann að það
vanti íbúðir – sérstaklega hentugar
minni íbúðir. „Byggingarlöggjöfin hefur
frekar stuðlað að byggingu stórra íbúða
með kröfum um til að mynda stærð
þvottahúsa,“ segir Sigurður og bendir
Óskar Hrafn
Þorvaldsson
oskar
@frettatiminn.is
Það þarf
að lækka
vexti og
auka kaup-
mátt. Þetta
hangir
saman við
almenna
húsnæðis-
markaðinn
og kerfið í
heild sinni.
Leigjendur og leigusalar eru langt hver frá öðrum. Leigjendur geta ekki borgað meira en leigusalar þurfa hærri leigu. Samsett mynd
12 fréttaskýring Helgin 14.-16. október 2011