Fréttatíminn - 22.06.2012, Blaðsíða 8

G l æ s i b æ | Á l f h e i m u m 7 4 | 1 0 4 R e y k j a v í k | Þ j ó n u s t a á l a n d s b y g g ð i n n i | S í m i 5 6 8 6 8 8 0 | w w w. h e y r n a r t æ k n i . i s
Bókaðu tíma í fría heyrnarmælingu í síma 568 6880
og fáðu Intiga til prufu í vikutíma
Intiga eru ofurnett heyrnartæki og hönnuð með það fyrir augum að gera aðlögun að notkun
heyrnartækja eins auðvelda og hægt er. Hljóðvinnslan er einstaklega mjúk og talmál verður
skýrara en þú hefur áður upplifað.
Með Intiga verður minna mál að heyra betur í öllum aðstæðum!
*Í flokki bak við eyra heyrnartækja
sem búa yfir þráðlausri tækni og hljóðstreymingu
Heyrnartækni kynnir ...
Minnstu heyrnartæki í heimi*
S vo virðist sem eitthvað sé í gangi núna en okkur hafa borist tvær eða þrjár fyrirspurnir síðustu daga,” segir
Andrés Magnússon framkvæmdastjóri Sam-
taka verslunar og þjónustu.
Nýverið barst verslunareiganda nokkrum
í miðborginni borist reikningur frá STEF
– sambandi tónskálda og eigenda flutnings-
réttar – sem hljóðaði uppá 15 þúsund krón-
ur. Hann taldi þetta fráleitt þar sem búðin
er nánast lögð þannig upp að þar ómi ekki
tónlist í verslunarrými. Við eftirgrennslan
kom í ljós að reikningurinn byggði á því
að maður á vegum samtakanna hafi komið
við í búðinni og heyrt óm í útvarpi sem er í
kaffistofunni.
„Þetta kemur alltaf upp af og til,“ segir
Andrés. „Við höfum ekkert þurft að standa
í stappi við Stef vegna þessa, yfirleitt leysist
þetta sjálfkrafa þegar menn átta sig á því
hvernig í pottinn er búið. Almennur tónlist-
arflutningur í verslunarrými er stef-skyldur
en ekki ef um venjulega notkun á útvarpi í
vinnustofu eða eldhúsi er að ræða.“
Guðrún Björk Bjarnadóttir, framkvæmda-
stjóri hjá STEF, segir ekkert nýtt í gangi
núna nema að ... „það hefur starfsmaður frá
okkur farið einn rúnt til að kanna hvort það
séu komnar einhverjar nýjar verslanir sem
ekki eru á skrá hjá okkur og bjóða upp á
tónlist í verslunum sínum og kannað það. En
ekkert átak. Ef viðkomandi er ekki með leyfi
byrjum við á að senda viðkomandi kynning-
arbréf þar sem fram kemur að ef hann vilji
hafa tónlist í búð sinni beri honum að greiða
flytjendum, höfundum og hljómplötufram-
leiðendum fyrir það.“
Mikilvægur tekjupóstur
Á höfuðborgarsvæðinu eru 700 verslanir
á skrá hjá STEFi. Að sögn Guðrúnar er
þetta tekjustofn sem skiptir þau hjá STEFi
verulegu máli. Samkvæmt ársreikningi eru
verslanir og þjónustufyrirtæki að greiða
STEF árlega 29 milljónir. Guðrún segir,
þrátt fyrir þetta tiltekna atvik sem vísað er
til, um mikla viðhorfsbreytingu til þessa
gjalds að ræða. „Fyrir um tuttugu árum
var þetta mjög erfitt og gekk þá hreinlega á
með talsvert mörgum dómsmálum þar sem
deilt var um hvað teldist opinber flutningur,“
segir Guðrún Björk og dregur ekki úr því að
átök hafi á árum áður verið býsna harka-
leg: „Menn á vegum STEFs voru hreinlega
lagðir í einelti, var ekki boðið í afmæli og svo
framvegis. En deilumálum hefur fækkað. Þó
alltaf sé einn og einn ósáttur.“
Mikilvægi tónlistarinnar
Guðrún Björk útskýrir hversu jákvæð tónlist
reynist við verslun og þeim skilaboðum
reynir hún að koma á framfæri. „Þetta
styðja kannanir. Viðskiptavinurinn dvelur
lengur inni í versluninni og hann verslar
meira ef tónlist er í búðinni. Þetta gerist allt
í undirmeðvitundinni. Fólk upplifir þögn-
ina neikvætt.“ Hún nefnir dæmi
um áhrif tónlistar á kauphegðun
könnun sem gerð var nýlega þegar
vín frá Frakklandi og Þýskalandi,
svipaðs verðs og gæða, var stillt upp
með sama hætti og reyndist
augljós fylgni milli þess
hvort vínið var valið eftir
því hvers konar tónlist
var spiluð. „Tónlist
er mikilvægur liður í
ímyndarsköpun meðal
annars að teknu tilliti
til mismunandi hópa.
Og þá er mikilvægt
að þeir sem skapa
tónlistina fái greitt
fyrir hana. Þessari
hugsun þurfum
við að koma inná
internetið. Það
er hið stóra
verkefni sem
við stöndum
frammi
fyrir.“
Jakob Bjarnar
Grétarsson
jakob@
frettatiminn.is
 VerSlun og ViðSkipti Stefgjöld
Njósnað um tónlist í búðum
Reikningur frá STEF kom verslunareiganda í miðborginni spánskt fyrir sjónir, ekki síst vegna þess að
verslunin er beinlínis þannig hugsuð að ekki sé þar tónlist. Borið hefur á kvörtunum vegna reikninga
frá STEF nú uppá síðkastið en talsmaður þar segir á móti eðlilegt að rétthafar tónlistar, þeir sem
skapi hana, fái nokkuð fyrir sinn snúð.
Guðrún Björk Bjarnadóttir
hjá STEF segir skilningur á
því að þeim sem skapi hina
mikilvægu tónlist beri að fá
nokkuð fyrir sinn snúð hafi
aukist til mikilla muna í seinni
tíð. Ljósmynd/Hari
„Menn
á vegum
STEFs
voru hrein-
lega lagðir
í einelti,
var ekki
boðið í
afmæli og
svo fram-
vegis...“
Landsframleiðsla á mann
yfir meðaltali ESB-ríkjanna
Landsframleiðsla á mann, leiðrétt fyrir kaup-
mætti í hverju landi, var 10% yfir meðaltali
ESB-landanna hér á landi á síðasta ári sam-
kvæmt tölum sem hagstofa ESB birti fyrr í
vikunni og Greining Íslandsbaka vísar til. „Er
þessi mælikvarði,“ segir Greiningin, „oft notaður
á velferð og virðist hún vera nokkuð viðunandi
í þessum samanburði þrátt fyrir allt sem hér
hefur gengið á í efnahagsmálum á undanförnum
árum. En þetta er ekki eini mælikvarðinn á
velferð. Annar slíkur mælikvarði sem endur-
speglar sennilega betur velferð heimilanna í
hverju landi fyrir sig er neysla á mann leiðrétt
fyrir kaupmætti. Á þann mælikvarða var Ísland
með neyslu á mann sem var 7% yfir meðaltali
ESB-landanna á síðastliðnu ári samkvæmt tölum
hagstofu Evrópusambandsins.“ - jh
Þrír starfsnemar á leið til
Malaví, Mósambík og Úganda
Þróunarsamvinnustofnun hefur ráðið í þrjár starfs-
nemastöður sem auglýstar voru í vor, að því er fram
kemur í veftímariti stofnunarinnar. Alls bárust 49
umsóknir um stöðurnar. Heiður M. Björnsdóttir fer
til Malaví. Hún er að ljúka M.Sc. gráðu í þróunarhag-
fræði frá Háskólanum í Glasgow, með áherslu á að-
ferðafræði við mat á árangri í heilbrigðisverkefnum í
þróunarlöndum. Ester Straumberg Halldórsdóttir fer
til Mósambík. Hún er að ljúka MA gráðu í alþjóða-
samskiptum frá Westminster háskóla í London, með
áherslu á sjálfbæra þróunarsamvinnu. Jórunn Edda
Helgadóttirfer til Úganda. Hún er með MA gráðu í
alþjóða- og samanburðarlögfræði frá London School
of Oriental and African Studies, með áherslu á mann-
réttindi, umhverfis- og auðlindamál. Gert er ráð fyrir
að starfsnemarnir hefji störf í síðari hluta ágúst og
starfi í Afríku í fjóra mánuði. - jh
Gullverðlaun í matreiðslukeppni
Matreiðslumaðurinn Völundur Snær Völ-
undarson keppti á þriðjudaginn í matreiðslu-
keppninni Yi Yin Cup og hlaut fyrstu verðlaun
í erlendu keppninni, að því er fram kemur í
tilkynningu bókaútgáfunnar Sölku. Keppt var í
liða- og einstaklingskeppni og hlaut Völundur
fyrstu verðlaun í þeirri síðarnefndu. Keppnin
fer fram árlega en var nú í fyrsta skipti opin
erlendum matreiðslumönnum. Alls kepptu tvö
þúsund kínverskir kokkar í innlendu keppninni
og tvö hundruð í þeirri erlendu. Margir af
fremstu matreiðslumönnum heims tóku þátt
í keppninni, t.d. var franska liðinu meðal
annars stýrt af hinum kunna matreiðslu-
manni Cyril Rouquet sem jafnframt er kynnir
í þáttunum Top Chef. Keppnin fór fram á
Ólympíuleikvanginum í Peking. - jh
Umframeftirspurn
eftir hlut í Regin
Landsbankinn hefur selt 75% eignarhlut
sinn í fasteignafélaginu Regin en opnu
hlutafjárútboði lauk á þriðjudaginn. Um-
frameftirspurn var í útboðinu en alls seldi
Landsbankinn 975 milljónir hluta á geng-
inu 8,2 krónur á hlut sem er í lægri enda
verðbilsins sem gefið var út en það var
8,1-11,9 krónur á hlut, að því er fram kemur
hjá Greiningu Íslandsbanka. Heildar-
söluverðmæti útboðsins var 7.895 milljónir
króna en heildareftirspurn í útboðinu nam
10,3 milljörðum. Landsbankinn heldur eftir
25% hlut í félaginu og skuldbindur sig til að
selja þann eignarhlut ekki í 10 mánuði eftir
skráningu félagsins. Samkeppniseftirlitið
hefur sett fram skilyrði um sölu bankans
fyrir miðjan maí 2013. - h
8 fréttir Helgin 22.-24. júní 2012