Fréttatíminn - 22.06.2012, Blaðsíða 16

Bolli er ekki bara bolli og rétta útlitið getur
breytt öllu. Smekkur manna er mismunandi
og bollarnir frá Kahla eru misstórir, mislitir
og fjölbreyttir í laginu svo flestir geta fundið
þann rétta fyrir sig. Spáðu í bollana hjá Kokku,
í verslun okkar eða á kokka.is
JÓ
N
S
S
O
N
&
L
E
’M
A
C
K
S

•
j
l.
is

•
S
ÍA
Bollaleggingar
Líkur á því að eignast tvíbura
eru um 3,3 prósent. Líkurnar á
þríburum eru 1 af 4.400 og lík-
urnar á fjórburum eru einn á móti
142.000.
Á Íslandi hafa tvisvar sinnum
fæðst fjórburar, fyrst árið 1957
en eitt barnanna fjögurra fædd-
ist andvana. Árið 1988 fæddust
fjórar stúlkur og fékk þjóðin að
fylgjast með uppvexti þeirra í
gegnum fjölmiðla. Þær voru allar
heilbrigðar og voru síðast fréttir
af þeim í fjölmiðlum árið 2008
þegar þær héldu upp á tvítugsaf-
mæli sitt.
Frá árinu 1951 hafa fæðst 6482
lifandi fjölburar á Íslandi, sam-
kvæmt upplýsingum frá Hagstofu
Íslands. Þar af voru 213 börn
sem fæddust í þríburafæðingum,
6262 tvíburar og 7 fjórburar. Á
sama tímabili fæddust 258.380
einburar.
Flest börn sem fæðst hafa í
einu eru átta. Það hefur gerst
tvisvar, bæði skiptin í Banda-
ríkjunum. Árið 1998 fæddust
Chukwu-áttburarnir svokölluðu.
Eitt barnanna fæddist á undan
hinum sjö, 15 vikum fyrir tímann
og lést skömmu síðar. Hin sjö
fæddust tveimur vikum síðar og
voru 500-810 grömm að þyngd en
eru öll heilbrigð og hafa þrosk-
ast eðlilega. Árið 2009 eignaðist
einstæð móðir áttbura. Móðirin
hefur verið mikið í kastljósi fjöl-
miðlanna síðan en hún átti sex
börn fyrir. Áttburarnir eru sagðir
heilbrigðir.
Fyrstu fimmburarnir sem vitað
er að hafi lifað fram á fullorðinsár
eru hinir svokölluðu Dionne-
fimmburar sem fæddust í Kanada
þann 28. maí árið 1934. Talið
er að alls hafi fimmburar fæðst
795 sinnum í heiminum. Elstu
fimmburarnir sem eru á lífi í dag
eru Diligenti-fimmburarnir frá
Argentínu sem eru 61 ára gamlir.
sjaldgæf. „Við reynum að koma í
veg fyrir að svona geti gerst en í til-
fellum sem þessum getur það verið
erfitt,“ segir Guðmundur. Hann
segir að á þeim 20 árum sem fyrir-
tækið hafi starfað hafi slíkt aldrei
áður gerst. Læknar Art Medica
gera um 500 tæknisæðingar árlega
og hafa því gert alls um 10 þúsund
slíkar aðgerðir. „Allt sem getur
gerst gerist einhvern tímann,“
segir Guðmundur.
Læknar á Art Medica mæltu með
því við hjónin að fóstrunum yrði
fækkað í tvö en Guðmundur segir
að konan sé nú komin í hendur
lækna Landspítalans sem munu
nú veita hjónunum áframhaldandi
ráðgjöf.
Konan missti fóstur fyrir rúmu
ári og var það þeim hjónunum
mikið áfall. „Ég veit ekki hvort ég
þori að taka áhættuna sem fylgir
því að láta fækka fóstrunum eftir
að hafa lesið fjölda frásagna þar
sem fimmburameðgöngur ganga
vel og fimmburarnir fæðast heil-
brigðir. Á hinn bóginn vil ég að
sjálfsögðu gera allt sem í mínu
valdi stendur til að tryggja lífslíkur
barnanna þannig að við hjónin
stöndum frammi fyrir afar erfiðri
ákvörðun,“ segir hún.
Að sögn Huldu kvensjúkdóma-
læknis felur fækkun á fóstrum í
sér um 5 prósenta áhættu á fóstur-
láti fyrir þau fóstur sem eftir eru.
Fóstrum hefur áður verið fækkað
hér á landi, en aldrei úr fleiri en
þremur. „Áhættan á fósturláti er
ekki meiri þótt fækkað sé úr fimm
í tvö en úr þremur í tvö. Hún eykst
hins vegar eftir að fóstrin eru orðin
sex eða fleiri,“ segir Hulda. Þegar
valið er hvaða fóstrum á að eyða er
fyrst og fremst litið til þess hvaða
fóstur eru aðgengilegust, að sögn
Huldu, en einnig hvort einhvert
fóstranna sé að þroskast hægar en
hin eða sé minna.
Talaði við aðrar fjölbura-
mæður
Hulda segir að hættan á fósturláti í
fimmburameðgöngu sé hins vegar
meiri en 5 prósent og jafnframt séu
aðrir áhættuþættir sem líta beri til
við fjölburameðgöngur. „Fjölbura-
meðgöngur fela í sér meiri áhættu
fyrir móðurina og eykur hættuna
á meðgöngutengdum sjúkdómum
svo sem meðgöngueitrun og með-
göngusykursýki,“ segir Hulda.
Engin hætta er þó á varanlegu
heilsufarstjóni vegna fjölburameð-
göngu.
Fjölburar eiga jafnframt á hættu
að fæðast fyrir tímann og að verða
fyrir vaxtarskerðingu reynist fylgj-
an ekki nógu stór. Öllum fyrirbura-
fæðingum fylgir jafnframt hætta á
þroskaskerðingu, að sögn Huldu.
Konan hefur sett sig í samband
við fjölburamæður hér á landi og
erlendis með það fyrir augum að
geta betur vegið og metið þá kosti
sem hún stendur frammi fyrir. „Ég
talaði við konu í Bandaríkjunum
sem eignaðist fimmbura með sama
hætti og ég, þar sem fimm egg
frjóvguðust. Hún sagði mér að lík-
urnar á því að svona geti gerst séu
einn á móti 15 milljónum. Hennar
meðganga gekk vel og þótt börnin
fæddust lítil og fyrir tímann voru
þau öll heilbrigð,“ segir hún.
„Auðvitað hugsa ég líka um hvað
þetta yrði erfitt fjárhagslega þó ég
reyni að láta það ekki hafa áhrif á
þá ákvörðun sem ég tek. Fyrst og
fremst vil ég verða góð móðir sem
getur gefið börnunum mínum þann
tíma og þá athygli sem þau þurfa.
Ég geri mér grein fyrir að það yrði
krefjandi ef öll fimm börnin koma í
heiminn,“ segir hún.
Hjónin hafa sagt nánustu vinum
og fjölskyldu frá því að þau eiga
von á fimmburum. „Við finnum
mikinn stuðning frá okkar nán-
ustu. Við vitum að við munum eiga
stuðning þeirra vísan hvort sem við
ákveðum að reyna að eiga öll fimm
eða förum að ráðleggingum lækna
og látum fækka í tvö. En það eru að
sjálfsögðu allir í áfalli yfir þessum
fréttum,“ segir konan.
Hún á bókaðan tíma hjá Huldu
í næstu viku þar sem hún fer
aftur í sónar og þroski fóstranna
verður metinn. „Við verðum að
taka ákvörðun um hvað við ætlum
að gera fljótlega upp úr því,“ segir
konan.
Fyrstu fimmburarnir árið 1934
Ég geri mér grein fyrir
að það yrði krefjandi
ef öll fimm börnin
koma í heiminn.
Fyrsta sónarmyndin af börnunum fimm sem kona í Reykjavík gengur með.
16 viðtal Helgin 22.-24. júní 2012