Fréttatíminn - 22.06.2012, Blaðsíða 37

Helgin 22.-24. júní 2012 garðar 5
Viltu skipta
á plöntu?
 plöntuskipti ný mynd söfnunaráráttu
Eitthvað
fyrir alla.
Áhuginn leynir sér ekki.
Hver man ekki eftir að hafa býttað við vinina á serv-
éttum, frímerkjum, leikaramyndum eða öðru í æsku?
Söfnunaráráttan eldist af mörgum, aðrir skipta um
áhugamál og gamla góða söfnunarárattan tekur á sig
nýja mynd hjá mörgum. Margir garðplöntunördar hafa
fundið sig í Garðyrkjufélaginu en þar eru það plöntu-
skiptidagarnir sem hafa átt auknum vinsældum að
fagna undanfarin ár. Í ár var hinn árlegi plöntuskipti-
dagur Garðyrkjufélags Íslands haldinn í sól og blíðu
í Grasagarðinum í Reykjavík, laugardaginn 2. júní.
Plöntuskiptidagar eru einnig haldnir í deildum félags-
ins á landsbyggðinni, flestir voru þeir ýmist helgarnar
á undan eða eftir. Öllum plöntusöfnurnum er ljóst að
ein öruggasta leiðin til að eiga allt sumarið eitthvað
fallegt í garðinum, og helst í blóma, er að eiga nóg úrval
af plöntum. Þó margir séu duglegir við
að sá sér fyrir nýjum plöntum eða versla
í garðplöntustöðvum, koma plöntuskipti-
dagarnir sér afskaplega vel fyrir garð-
yrkjuáhugafólkið og plöntusafnarana:
Ómissandi tækifæri til að eignast eitthvað
nýtt og spennandi í garðinn. Félagar á
öllum aldri skipta á plöntu gegn plöntu við
aðra félaga og einlæg gleði skín úr hverju
andliti. Félagar mæta með plöntur sem
þeir ýmist hafa sáð til eða eru að grisja
og plönturnar eru af öllum stærðum og
gerðum, þó oftar en ekki séu þær ungar
að aldri. Frá ári til árs getur verið mjög
misjafnt hvað er í boði. Þetta geta verið
tré, runnar, matjurtir, fjölæringar, sumar-
blóm, stofublóm, sáðplöntur, berjarunnar
eða garðskálaplöntur. Til að eiga mögu-
leika á að eignast eitthvað verulega fágætt
og spennandi, sem hugsanlega er í boði,
borgar sig að mæta á staðinn með ein-
hverja verðmæta plöntu, sé þess nokkur
kostur. Plöntuúrvalið á plöntuskiptidegi
hefur verulega aukist ár frá ári, enda hefur
orðið mikil aukning á þáttöku og allir fara
glaðir í bragði heim spenntir að gróður-
setja nýfengnu plönturnar.
Valborg Einarsdóttir
framkvæmdastjóri Garðyrkjufélags Íslands
Til að eiga
möguleika á að
eignast eitthvað
verulega fágætt
og spennandi,
sem hugsanlega
er í boði, borgar
sig að mæta á
staðinn með ein-
hverja verðmæta
plöntu, sé þess
nokkur kostur.