Bókbindarinn - 01.04.1973, Qupperneq 14

14
BÓKBINDARINN
LÁTNIR
FÉLAGAR
ASalsteinn Sigurðsson var
fæddur að stóru-Ásgeirsá í
Víðidal 26. febrúar 1910, sonur
hjónanna Kristjáns Sigurðar
Jónssonar og Guðbjargar Sím-
onardóttur. Hann lauk bók-
bandsnámi hjá Arinbirni Svein-
bjarnarsyni 1932, en stofnaði á-
samt fleirum bókbandsstofuna
Bókfell h.f. haustið 1943 og
starfaði þar sem verkstjóri og
síðar framkvæmdastjóri. Hann
var ritari B.F.Í. 1940—42 og í
stjórn Félags bókbandsiðnrek-
enda frá 1955. Kona hans var
S'igurleif Þórhallsdóttir. Þau
áttu tvo syni og eina kjördótt-
ur. Aðalsteinn lést 19. ágúst
1969.
Angantýr Guðmundsson var
fæddur 11. jan. 1904 í Reykja-
vík. Hann var sonur Guðmund-
ar skólaskálds Guðmundssonar
og Ásu Ásgrímsdóttur. Hann
lauk námi í bókbandi í Nýja
bókbandinu 1. maí 1920 og vann
þar til ársins 1925 en fluttist
þá til Siglufjarðar og stundaði
þá vinnu, sem til féll, bókband,
málaraiðn og alm. verkamanna-
vinnu. Fékk meistarabréf í mál-
araiðn 1933.
Angantýr starfaði mikið að
félagsmálum og þá sérstaklega
í verkalýðshreyfingunni. Hann
var lengi í stjórn Verkamanna-
félags Siglufjarðar og formaður
Iðnaðarmannafélags Siglufj. um
skeið og lengi erindreki Alþýðu-
sambands Norðurlands. Hann
fluttist aftur til Reykjavíkur
1941 og vann að málaraiðn og
bókbandi frá 1947, þar til hann
varð að hætta störfum vegna
heilsubrests. Kona Angantýs var
Ester Landmark, kjördóttir Jó-
hanns Landmark á Siglufirði.
Þau skildu, en áttu tvo syni,
Atla og Agnar.
Angantýr lést 13. des. 1971.