Fréttatíminn - 15.07.2011, Blaðsíða 24

Bryggjubúð
í Flatey
V erslun var opnuð í Flatey á dögunum en það telst fréttnæmt því mörg ár eru síðan síðast var búð í eynni. Þessi hefur hlotið nafnið Bryggjubúðin og er í gamla frystihúsinu í Flatey sem verið er að
gera upp í smáum skrefum. Lísa Kristjánsdóttir hannaði búðina og rekur
en í henni eru eingöngu seldar vörur sem tengjast eynni. Þar eru til dæmis
fáanlegar gamaldags og þjóðlegar svuntur sem saumaðar voru upp úr
gömlum gardínum, peysur með flateyskum hempuborða og eftirgerð af
gömlum eldhúskjól sem fannst í Svefneyjum. Fjölmargir listamenn hafa sótt
til Flateyjar til að vinna að listsköpun sinni og eru nokkrar slíkar afurðir
einnig til sölu í búðinni, svo sem bækurnar Flateyjargáta eftir Viktor Örn
Ingólfsson og Flateyjarbréf eftir Kristjönu Friðbjörnsdóttur. Þá var kvik-
mynd Baltasars Kormáks, Brúðguminn, tekin upp í Flatey og sömuleiðis
platan Flatey eftir Lay Low. -þt
Þessi kjóll var saumaður eftir sniði á gömlum eldhúskjól sem fannst í Svefneyjum í ein-
hverri tiltekt. Vörumerkið er „made in sveitin – Flatey“. Ljósmyndir/Lísa Kristjánsdóttir
Ígulker, krossfiskar og uppstoppaðir fuglar eru meðal djásna í búðinni.
Skáldskapur, list og handverk er meðal þess sem fæst í nýju Bryggjubúðinni.
Verslunin selur eingöngu vörur úr eynni eða sem tengjast henni með einhverjum hætti.
24 eyjalíf Helgin 15.-17. júlí 2011