Fréttatíminn - 18.02.2011, Side 6

GOLF
KORT
IÐ VEI
TIR
40% A
FSLÁT
T
AF GO
LFVÖ
LLUM
UMHV
ERFIS
ÍSLAN
D
AUK A
NNAR
RA GL
ÆSILE
GRA F
RÍÐIN
DA
GOLF
KORT
IÐ FY
LGIR M
EÐ ÁR
SÁSK
RIFT
TRYG
GÐU Þ
ÉR ÁS
KRIFT
Í SÍM
A 595
6000
EÐA Á
SKJA
RGOL
F.IS
NORTHERN TRUST OPEN
FIMMTUDAG – SUNNUDAG KL. 20:00 – 23:00
Í BEINNI UM HELGINA
EINVÍGIÐ
Á RIVIERA!
„Höfði Kópavogsbúa“
Húsafriðunarnefnd fer yfir varðveislugildi hússins sem Guðjón
Samúelsson teiknaði og reist var 1925-26. Bæjaryfirvöld hafa ekki
tekið ákvörðun um eign eða sölu en skipulagsstjóri segir safn
sóma sér vel í húsinu, sem og gamla Kópavogsbænum.
V ið höfum reynt að passa að húsið skemmist ekki meira en orðið er og m.a.
byrgt glugga svo að ekki sé hægt
að komast inn í það,“ segir Birgir
H. Sigurðsson, sviðstjóri skipulags-
og umhverfissviðs Kópavogs, um
gamla Kópavogshælið sem staðið
hefur autt í aldarfjórðung. Húsið
er tvímælalaust eitt hið merkasta í
Kópavogi, „Höfði Kópavogsbúa“ eins
og Birgir segir, teiknað af Guðjóni
Samúelssyni, þekktasta húsameist-
ara Íslendinga, og reist á árunum
1925-26. Niðurníðsla þessa merka
húss er þyrnir í margra augum og í
Kópavogsblaðinu Vogum, sem kom
út í vikunni, er spurt hvort eigi að
varðveita það eða brjóta niður.
Afdrif hússins hafa verið til um-
ræðu árum saman. Fyrir átta árum
sagði forstöðumaður húsafriðunar-
nefndar það til skammar að ekkert
hefði verið gert í málum hússins,
það hefði einhvern veginn lent á
milli. Ríkið átti landið á Kópavogs-
túni og húsið eins og aðrar bygg-
ingar sem tengdust Kópavogshæli
en það komst í eigu Kópavogsbæj-
ar árið 2003 þegar bærinn keypti
hluta túnsins. Birgir segir að fyrir
um ári hefði verið ákveðið að óska
eftir því að húsafriðunarnefnd skoð-
aði varðveislugildi hússins en ekki
fer á milli mála að það er hátt. „Við
erum að biðja menn að fara yfir frið-
lýsingarmálin og líka hvað varðar
gamla Kópavogsbæinn á þessu sama
svæði en hann er elsta hús í Kópa-
vogi, byggður 1903.“
Birgir segir að bæjaryfirvöld í
Kópavogi hafi enn ekki tekið ákvörð-
un um hvort selja skuli eða eiga þetta
merka hús. Sala hússins til Ingunn-
ar Wernersdóttur hafi verið langt
komin fyrir nokkrum árum en þeg-
ar til kom fannst henni nýja byggðin
komin of nálægt því og kaupin gengu
ekki eftir. „Við höfum núna lagt fram
breytta tillögu í skipulagsnefnd um
aukið rými umhverfis húsið og síðan
hafa komið fram frekari hugmyndir
um uppbyggingu á ákveðnu safna-
svæði kringum þetta fallega hús og
gamla bæinn. Þar sjá menn fyrir
sér ýmsa hluti, m.a. að gera alþýðu-
menningunni í Kópavogi ákveðin
skil, sýna hvernig við bjuggum fyrir
árið 1950. Síðan hafa komið fram
hugmyndir um náttúrufræðistofu
og safnahús, nýja byggingu, sem
yrði eins konar sögubygging fyrir
Kópavog,“ segir Birgir. Hann bætir
því við að lóðin umhverfis húsið hafi
ekki verið skilgreind samkvæmt
þessum nýju tillögum en hann telur
að það þurfi að standa á opnu svæði
með möguleika á garði umhverfis og
góðri sýn út á hafið.
„Þetta hús hefur merka sögu að
geyma. Í því myndi sóma sér vel
einhvers konar upprifjun á því sem
þarna fór fram. Það gæti líka verið
íbúðarhús en ég hugsa að saga húss-
ins sé sterkari en svo að við förum
að breyta notkun þess. Það er þess
vegna ekki ólíklegt að þarna verði
eitthvað á vegum bæjarins,“ segir
Birgir, „en ákvörðun um það hefur
ekki verið tekin enn.“
Jónas Haraldsson
jonas@frettatiminn.is
 KópaVogshæli NiðurNítt eN merKilegt
Húsið þarf að standa á opnu svæði
með möguleika á garði umhverfis og
góðri sýn út á hafið.
Kópavogshæli. Húsið var teiknað af Guðjóni Samúelssyni og reist á árunum 1925-26.
Húsið hefur staðið autt í aldarfjórðung. Ljósmyndir/Hari
 sagaN NotKuN frá 1926-1985
Athvarf berklasjúkra, holdsveikra og þroskaheftra
Guðjón Samúelsson húsameistari
teiknaði Kópavogshælið en það var tekið
í notkun 14. nóvember 1926. Hælið var
rekið af kvenfélaginu Hringnum og var
fyrir berklasjúklinga sem voru að ná sér
eftir veikindi. Þessir sjúklingar komu frá
Vífilsstaðaspítalanum. Gert var ráð fyrir
því að hælið gæti tekið 26 vistmenn.
Hringurinn afhenti ríkinu hælið endur-
gjaldslaust um áramótin 1939-40 og
sumarið 1940, að því er fram kemur í
samantekt Björns Þorsteinssonar. Þá
voru berklasjúklingarnir látnir rýma húsið
og holdsveikisjúklingar, sem verið höfðu
á Laugarnesspítalanum, fluttir þangað.
Hernámslið Breta hafði yfirtekið hann.
Árið 1952 var hælið gert að vistheimili
fyrir þroskahefta og var svo allt til ársins
1975. Um tíma fór fram kennsla þroska-
þjálfanema í húsinu og eldhús hælisins
var þar til 1985. Frá þeim tíma hefur
húsið staðið autt. jonas@frettatiminn.is
Gamli Kópavogsbærinn, elsta hús
Kópavogs. Bærinn var byggður 1903.
Helgin 18.-20. febrúar 2011