Fréttatíminn - 25.03.2011, Blaðsíða 2
CHELSEA - MAN UTD
MEISTARADEILDIN 6.APRÍL Á “BRÚNNI”
95.900 kr.*
VERÐ FRÁ AÐEINS:
*INNIFALIÐ: FLUG, SKATTAR, MIÐI Á LEIKINN, HÓTELGISTING m.v 2 í herbergi !
TOTTENHAM - REAL MADRID
MEISTARADEILDIN 13 .APRÍL Á “WHITE HEART LANE”
88.900 kr.* VERÐ FRÁ AÐEINS:
*INNIFALIÐ: FLUG, SKATTAR, MIÐI Á LEIKINN
Bókaðu ferðina þína á urvalutsyn.is
U ppselt! Aukatónleikar! Aukaauka-tónleikar! Þessi orð hafa verið vinsæl að undanförnu í tónleika-
auglýsingum á Íslandi. Íslendingar eru
gripnir tónleikaæði. Ekkert mál er að borga
20 þúsund krónur fyrir að berja ellismell-
ina í Eagles augum. Björgvin Halldórsson
fyllir Háskólabíó í þrígang og varla skiptir
máli hvaða listamann Sinfóníuhljómsveit Ís-
lands dregur á flot inn í Hörpuna. Miðar á
tónleikana seljast upp á núll komma einni
sekúndu.
Samkvæmt útreikningum Fréttatímans
hafa íslenskir tónlistarunnendur keypt miða
á tónleika fyrir 290 milljónir nú á vormán-
uðum. Stærsti bitinn í þeirri köku er Eagles
sem heldur tónleika í nýju Laugardalshöll-
inni í júní. Alls seldust tíu þúsund miðar á
örskotsstundu og skipti engu þótt miða-
verðið væri frá fimmtán þúsund krónum
upp í tuttugu þúsund. Tekjur af sölu að-
göngumiða á tónleikana nema að öllum
líkindum um 175 milljónum króna. Miðar
á þrenna afmælistónleika Björgvins Hall-
dórssonar í Háskólabíói seldust upp hratt
og örugglega. Þar koma fimmtán milljónir
í kassann. Sena skipuleggur báða þessa
viðburði og segir Ísleifur Þórhallsson hjá
Senu að fólk hafi verið í tónleikasvelti und-
anfarin þrjú ár. „Ef fólk er á lífi þá leyfir það
sér eitthvað. Og fólk virðist líta á tónleika
sem góða afþreyingu og er tilbúið að eyða
peningum í það,“ segir Ísleifur.
Og hið umdeilda tónlistarhús Harpan,
sem vígt verður í maí, fer heldur ekki var-
hluta af tónleikaáhuga landsmanna. Ekki
er langt síðan byrjað var að selja miða á
fyrstu tónleikana í húsinu. Að sögn Önnu
Margrétar Björnsson, kynningarfulltrúa
Hörpunnar, hafa alls selst um tuttugu þús-
und miðar frá því að miðasalan var opnuð.
Varlega má áætla að tekurnar af því nemi
um 100 milljónum. Þannig er uppselt á
þrenna opnunartónleika Sinfóníuhljómsveit-
ar Íslands og Vladimirs Ashkenazys og á
fimm tónleika Sinfóníuhljómsveitarinnar og
Páls Óskars. Samanlagt hafa selst tæplega
þrettán þúsund miðar á þessa átta tónleika.
Nær uppselt er á tónleika píanósnillingsins
James Cullen, eftir nokkurra daga sölu,
og sömuleiðis á tónleika Sinfóníuhljóm-
sveitarinnar og þeirra Sigríðar Thorlacius
og Sigurðar Guðmundssonar. Steinunn
Birna Ragnarsdóttir, tónlistarstjóri Hörp-
unnar, segir að fólk forgangsraði öðruvísi
í kreppunni. „Tónlistin er fóður andans,“
segir Steinunn Birna
kampakát með frábærar
undirtektir við viðburði
í Hörpunni.
oskar@frettatiminn.is
Páll Óskar lætur sig ekki
muna um fimm tónleika
með Sinfóníunni.
tónleikar UppáhaldstómstUndagaman Íslendinga
Kaupa tónleikamiða
fyrir 290 milljónir
Íslenskir tónlistarunnendur flykkjast sem aldrei fyrr á tónleika og greiða hundruð milljóna fyrir.
Og fólk
virðist líta
á tónleika
sem góða
afþreyingu
og er tilbúið
að eyða
peningum í
það.
Eagles hafa enn aðdráttarafl á Íslandi.
Hálfur milljarður með jólatónleikum
Og það eru ekki bara tónleikarnir nú á vormánuðum sem
trekkja að íslenska tónleikagesti. Um síðustu jól sáu og
heyrðu alls um 35 þúsund manns Frostrósir og Jólagesti
Björgvins á fjölmörgum tónleikum úti um allt land. Upp-
selt alls staðar. Og ætla má að tekjurnar af tónleikunum
hafi ekki verið undir 220 milljónum króna. Þegar við
bætist holskeflan nú á síðustu vikum, hafa miðar verið seldir fyrir
tæpan hálfan milljarð á nokkrum mánuðum.
Olífélögin vilja sektir endurgreiddar
Málarekstur vegna verðsamráðssekta stóru olíufélaganna þriggja
mjakast hægt áfram. Næsta fyrirtaka í málinu verður 7. apríl hjá
Héraðsdómi Reykjavíkur en stefnendur, Ker hf., Olíuverslun Íslands hf.
og Skeljungur hf., krefjast þess að sektirnar sem lagðar voru á félögin
verði felldar niður og endurgreiddar, og til vara að þær verði lækkaðar.
Málið er sótt á hendur Samkeppniseftirlitinu. Hafi olíufélögin fulln-
aðarsigur má reikna með að ríkissjóður þurfi að endurgreiða hverju
þeirra sektarupphæðina auk verðtryggingar og vaxta. Varlega áætlað
er sú upphæð aldrei undir þremur milljörðum króna, eða um einn
milljarður til hvers félags að jafnaði.
Það var vorið 2005 sem stóru olíufélögin þrjú, Esso, Olís og
Skeljungur, voru úrskurðuð af áfrýjunarnefnd um samkeppnismál
til að greiða Ríkissjóði samanlagt um einn og hálfan milljarð króna í
sektir fyrir áralangt ólögmætt verðsamráð við sölu á bensíni og olíu.
Að þávirði greiddi Esso 490 milljónir króna, Skeljungur 450 milljónir og
Olís 560 milljónir. Félögin áfrýjuðu öll þeirri niðurstöðu til dómstóla.
Dóms er ekki að vænta fyrr en í fyrsta lagi í haust.
700 á biðlista eftir iPad 2
Í dag, föstudaginn 25. mars, verður hulunni svipt
af iPad 2, sem er önnur kynslóð af spjaldtölvunni
vinsælu frá Apple. Margir eru um hituna að
krækja sér í eintak af fyrstu sendingunni, um 700
eru á biðlista eftir tæki. Formleg kynning hefst
klukkan 17 í versluninni Epli.is á Laugavegi 182.
iPad 2 er algjörlega endurhönnuð frá fyrri gerð,
33 prósentum þynnri og um 15 prósentum léttari.
iPad 2 er með nýjan gjörva sem skilar mun meiri
afköstum í hraða og grafík en áður. Að auki er
vélin með tvær innbyggðar myndavélar. Þótt hún
sé þynnri og léttari er rafhlöðuending enn allt að
10 klukkustundir á iPad 2.
h agdeild ASÍ telur að nú sé viðsnúningur að verða í ís-
lensku efnahagslífi og að fram
undan sé hægur bati. Reiknar
deildin með því að landsfram-
leiðslan vaxi um 2,5% í ár og 2,1%
á því næsta en síðastliðið haust
spáði hún 1,7% hagvexti á þess-
um árum. Engu að síður er þetta
minni hagvöxtur en Seðlabanki
Íslands gerir ráð fyrir í nýjustu
spá sinni sem var birt í febrúar,
en spá bankans hljóðar upp á
2,8% hagvöxt í ár og 3,2% á næsta
ári. Líkt og aðrir telur hagdeild
ASÍ að staðan á vinnumarkaði
verði áfram erfið en lagist í takt
við efnahagsbata. Reiknar hún
með að atvinnuleysi verði 7,4%
að meðaltali í ár, 6,1% á næsta ári
og verði 5,2% árið 2013.
Hagdeild ASÍ reiknar með
nokkuð meiri verðbólgu nú
en hún hafði gert í haust, sem
m.a. má skýra með hækkandi
heimsmarkaðsverði á olíu og
kornvörum sem þegar er farið
að gæta. Telur ASÍ að áhrifin
muni jafnframt aukast þegar líða
tekur á árið. Er nú reiknað með
að verðlag muni verða að meðal-
tali 2,2% hærra í ár en í fyrra
en áður hafði verið spáð 1,7%
hækkun á milli ára. Á næsta ári
gerir deildin ráð fyrir 2,1% verð-
bólgu og svo 2,3% á árinu 2013
en í haust hafði hún spáð 1,7% og
svo 1,9% á þessum árum.
jonas@frettatiminn.is
asÍ hægUr bati fram Undan
Hagdeildin spáir viðsnúningi í efnahagslífinu
Reiknar með að landsframleiðslan vaxi um 2,5% í ár.
Atvinnuleysi
verði komið
í 5,2% árið
2013.
Greina má verð-
hækkun á fasteigna-
markaði
Veltan á íbúðamarkaði í þriðju
viku marsmánaðar var nokkuð
yfir meðaltali þess sem verið
hefur að jafnaði í viku hverri það
sem af er þessu ári, að því er
fram kemur hjá Þjóðskrá Íslands.
Var þinglýst 71 kaupsamningi
með íbúðarhúsnæði í vikunni en
meðaltalið fyrir árið er 66. Tals-
verðar sveiflur eru í veltu á milli
vikna en almennt hefur heldur
verið að bæta í veltuna undan-
farið. Þannig var að meðaltali
þinglýst 44 kaupsamningum í
viku hverri á sama tímabili í fyrra
og er aukningin því um 51% á
milli ára. Á sama tímabili 2009
var þinglýst 32 kaupsamningum
með íbúðarhúsnæði í viku hverri.
Veltan hefur því ríflega tvöfaldast
síðan þá. Lækkun nafnverðs
og raunverðs íbúðarhúsnæðis,
sem einkennt hafði markaðinn
frá upphafi árs 2008, hefur nú
stöðvast. Jafnvel má greina
nokkra verðhækkun þegar litið er
til síðustu mánaða. -jh
3 milljarða
króna
krafa.
2 fréttir Helgin 25.-27. mars 2011