Prentarinn - 01.09.2002, Blaðsíða 16

Prentarinn - 01.09.2002, Blaðsíða 16
og gera vinnuskilyrðin verri. Það er ekki hægt að óska þess að þessi umræða leggist niður heldur verðum við að starfa áfram og rökstyðja mikilvægi samstöðu- starfsins og við munum halda áfram þessu samstöðustarfi svo lengi sem félagsmenn veita okkur brautargengi til þess. Lýöiæöio og verkalýös- hreyfingin Umræðan um lýðræðið innan verkalýðshreyfingarinnar er stöðugt uppi á öllum Norðurlönd- unum. Oft snýst þessi umræða um það hversu mikil völd einstak- lingar eigi að geta haft. Sérð þú einhver vandamál samfara því að vera formaður í sænska samband- inu, formaður í NGU, auk þess að hafa mörg önnur verkefni á þinni könnu? - Nei það er ekki flókið, en það getur tekið á kraftana. Malte leggur áherslu á að lýð- ræðisumræðan megi ekki fara fram ein og sér heldur verði hún að taka tillit til markmiða verka- lýöshreyfingarinnar. - Verkalýðshreyfingin er ekki eins og hvert annað áhugamanna- félag. Hún er enginn leikvöllur eða umhverfissamtök, þar sem allir eiga að vera með og gapa. Verkalýðshreyfingin er engin einnar spurningar hreyfing, held- ur samtök til verndar félagsmönn- um. Hún á að sjá til þess að hlut- ur félaganna sé ekki fyrir borð borinn og verði betri í atvinnulíf- inu, hækka laun, vernda gegn heilsuleysi og sjá til þess að rödd félagsmanna heyrist á vinnumark- aðnum. Þetta eru mikilvæg atriði. Vinnan er jú næstum allt lífið. Ef frá er talinn svefninn kemur í ljós að maður eyðir svo miklum tíma á vinnustaðnum að það er þar sem maður fær sína sérstöðu og þýðingu. - Þess vegna getur verkalýðs- hreyfingin ekki starfað eins og saumaklúbbur. Ég er vanur að lýsa verkalýðshreyfingunni sem baráttuhreyfingu - hreyfingu sem getur slegist þegar þess þarf. Þá getur maður ekki, til að auka lýð- ræðið, byggt hana upp þannig að hún missi þennan hæfileika. Auð- vitað gildir grundvallaratriðið einn félagi - eitt atkvæði, en þeg- ar komið er í baráttuna (stríðið) þýðir ekki að hafa hundrað tillög- ur um það hver eigi að gera hvað. Vonin er að sjálfsögðu sú að losna við átök og oftast fer starfið fram í friði en við verðum að geta hrætt samningsaðilann. Annars núum við engum samningum. Áhrifin eru að sögn Malte jafn- vægisganga milli styrks og þess að hafa áhrif. - Verkalýðshreyfingin verður að hafa kraft og við munum slá niður allar tilraunir til að veikja hreyfinguna. En það þýðir ekki að maður geti ekki haft aðrar skoðanir innan hreyfingarinnar eða að ekki eigi að reka hreyfing- una á lýðræðislegan hátt. Að sjálfsögðu skal hún vera lýðræð- isleg en mín skoðun er sú að fiest fólk fái meiri völd ef það gefur hreyfingunni frjálsari hendur. Á þann hátt fáum við meiri völd til samans. Ef ekki, eru völdin hjá einstaklingnum og hvernig er þá með þau farið? Að vilja ekki sætta sig við lýðræðislega teknar ákvarðanir felur í sér að maður hefur engin völd. Þetta snýst sem sagt um að finna jafnvægið og allir sem starfa sem formenn verða að kljást við þessa spurn- ingu. Hvort manni tekst vel eða illa upp verða aðrir að dæma um. Malte segir að lýðræðisleg samtök eins og verkalýðshreyf- ingin verði að hafa skilvirka for- ustu. - Þú getur ekki stjórnað 30.000 viljum án þess að sumum líki ekki við forustu þína. Það segir sig sjálft. Góð forusta snýst því um það að starfa á þann hátt að maður sé virtur líka af þeim sem eru manni ekki sammála. Félags- menn eiga líka að geta fundið fyr- ir öryggi með því að þurfa ekki að vaða í villu um hver sé skoðun forustunnar. Það er alltaf verra að gera ekkert en að gera eitthvað. Skipulagsbreytingar Sem formaður GF varst þú afar virkur í hinu svokallaða SEGEL- verkefni, sem hafði að leiðarljósi að sameina prentiðnaðarmenn, rafiðnaðarmenn og fólk innan verkalýðssambandsins SEKO* í eitt samband. Þetta starf hætti þó það virtist vel á veg komið. Er verkefnið úr sögunni? - Það eiga sér aftur stað við- ræður, síðast þann 26. ágúst, en hvers þessar umræður leiða til veit ég ekki. Víst er þó að þær munu fara hægar að þessu sinni. Þar að auki er breyttur hugsunar- háttur af hálfu SEKO forsenda þessa að nokkuð gerist. Verkefhið hafði að markmiði að stofha nýtt samband, yfirgefa m.a. þá upp- byggingu sem SEKO hefur í dag, en SEKO vildi halda sinni upp- byggingu. Endurspeglar sameiningarum- ræðan hina almennu þróun í starfsgreinunum á Norðurlönd- um? - Þróunin gerir að maður verð- ur að líta til þess hvert er grund- vallarform sambandsins. Við komum til með að meðhöndla hugsanlega sameiningu á sama hátt og maður meðhöndlar þessi mál á íslandi, Danmörku eða hvar sem er. Maður lítur á uppbygg- inguna, spyr sig hvað sé aðalatrið- ið, iðnaður eða þjónustugrein? Þegar um er að ræða Danmörk og Svíþjóð getur maður sagt að prentformagerðin (prepress) hafi orðið hvers manns eign. Sú vinna er framkvæmd hvar sem er og oft fyrir utan prentiðnaðarfyrirtækin. Á þann hátt hverfur hin hefð- bundna iðngreinauppbygging. Hvað er þá eftir í félögunum? Komi í ljós að félögin séu að verða hreinræktaðri iðnaðarfélög ætti maður ef til vill að leita sam- starfs í þá átt í staðinn. Þessa spumingu munum við ræða í okk- ar sambandi. Stærsti hópurinn í okkar samtökum er innan um- búðaiðnaðarins. Þetta hefur í för með sér iðnaðarhefðir í okkar samtökum og þessi hópur hefur aldrei verið jafn stór og nú. Andlit sambandsins hefur því breyst og iðnaðar- (iðju)hefðin verður meir áberandi og til þess verður að taka tillit. Það hafa Danirnir gert. Getur þessi skilgreining þýtt breytingar á skipulagi prentiðnað- arins, landfræðilega, yfir landa- mæri? - Hugsunin er ekki ný. Við höfum t.d. rætt um norrænan heildarsamning til að vinna gegn samningum sem rýra skilyrðin, en þar sem slíkir samningar eru ekki á ferðinni hefur þörfin ekki held- ur verið til staðar. - Út af fyrir sig gæti það orðið raunhæft að stofna eitt norrænt samband ef vinnuaflið verður nægjanlega hreyfanlegt á milli landanna. En þá stöðu höfum við ekki í dag. Ef þörfin fyrir sam- skipulagningu kemur upp á viss- um svæðum, þar sem hreyfingin er mikil á milli landa, eins og við Öresund, munum við að sjálf- sögðu skoða það mál. Verkalýðs- hreyfingin verður alltaf að starfa með hagsmuni félagsmanna að leiðarljósi. Það er ekki hægt að kveðja for- mann NGU án þess að fá að vita hvort hann hafi einhvem sérstak- an boðskap handa íslenskum prentiðnaðarmönnum? - Gangið í Alþýðusambandið, berið fram skoðanir ykkar og krefjist réttar ykkar. Texti og myndir: Magnús Einar Sigurosson *SEKO - Fackct fbr Scrvice och Komm- unikation, þ.e. samtök fólks í mörgum ólík- um starfsgrcinum. Meginstofninn eru þeir sem áður tilheyröu starfsmannafélagi ríkis- stofnana eins og t.d. fólk hjá pósti og síma. Ef fólk vill kynna sér þetta nánar, sjá þá grcin í Prcntaranum 2. tbl. 2001. **Utopia var rannsóknarverkcfni á veg- um NGU uppúr 1980 i samstarfi viö fclags- fræöinga um þróun prentformageröarinnar. Hugmyndin var sú aö vera betur i stakk bú- inn aö mæta þeim tæknibreytingum sem framtíöin fæli í skauti scr. Um þctta verk- efni er fjallað í nokkrum tbl. Prcntarans 1983. 16 PRENTARINN

x

Prentarinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Prentarinn
https://timarit.is/publication/952

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.