Aðventfréttir - 01.01.2003, Blaðsíða 9

Kirkja Sjöunda Dags
Aðventista
35. aðalfundur
Skýrsla Barnastarfsins
í stjórn Barnastarfs Kirkju sjöunda
dags aðventista sitja Iris Olafsdóttir,
Melanie Davíðsdóttir, Sonja Riedman,
Örn Jónsson og Steinunn H Theodórs-
dóttir. Þar til haustið 2001 starfaði Iain
Matchett með okkur. Iris bættist í hóp-
inn í júni 2001 og Melanie f janúar
2003.
Barnastarfið var sett á stofn sem ein
af deildum Kirkjunnar árið 1998 síðan
þá hefur starfið þróast og mótast.
Markmið Bamastarfsins eru:
Að gera börnin að lærisveinum
Krists.
Að gera kennurum kleift að kenna á
sem bestan hátt og leiða þau til Krists.
Barnahvíldardagsskólar eru starf-
ræktir í Reykjavík, Hafnarfirði, Selfossi,
Keflavík og Akureyri. Þrjár af þessum
kirkjum eru áskrifendur að nýjum lexí-
um sem Aðalsamtökin standa að útgáfu
á. Lexíumar eru mjög góðar og hafa það
markmið að ná til allra bama með boð-
skapinn um náðargjöf Krists. Draumur
okkar er að fá þessar lexíur þýddar þan-
nig að þær séu aðgengilegri fyrir börnin
og kennarana.
Eftirfarandi atriði gefa vonandi ein-
hverja hugmynd um það starf sem við
höfum reynt að vinna á tímabilinu:
• Fyrsta verk nýrrar stjómar Bama-
starfsins var að móta starfsreglur sem
varða misnotkun á bömum. I nóv-
ember 2001 var vinnunni loks lokið
og við skipulögðum fund fyrir alla
leiðtoga kirknanna þar sem starfs-
maður frá Bamahúsi talaði og starfs-
reglurnar voru lagðar fram. Þetta var
mjög erfið en afar mikilvæg vinna
því við þurfum að vera vakandi og
verja börnin okkar.
• Barnastarfið hefur staðið fyrir
nokkrum námskeiðum og fundum
fyrir kennara barnahvíldardagsskól-
ans. Námskeiðin tengdust því að
þjálfa kennara fyrir nýtt kennsluefni
fyrir bömin. Anne-May Wollan kom
í heimsókn til okkar haustið 2001 og
kynnti fyrir okkur nýja efnið og hug-
myndirnar sem eru þar að baki.
Steinunn Theodórsdóttir.
• Einsogáðurhefurkomiðframþásjá-
um við það sem aðal markmið
Barnastarfsins að gera börnin að
lærisveinum. Einn mikilvægur þátt-
ur í því er að bömin finni að kirkjan
sé kirkjan þeirra en ekki einungis
kirkja prestsins eða fullorðna fólks-
ins. Til þess að koma þessu á fram-
færi ákváðum við að deildarstjóri
Bamastarfsins færi á prestafund í leit
að samstarfi við prestana og safnað-
arstjórnir. I október 2000 átti þessi
fundur sér stað. Farið var fram á það
við prestana að börnin væru sýni-
legri þátttakendur í kirkjunni. Þetta
hefur gengið upp og ofan en hefur þó
þokast í rétta átt þó enn megi gera
betur. Einnig var farið fram á að
prestarnir væru sýnilegri meðal
barnanna í sinni kirkju og viti hvað
þau eru að gera. Við teljum þetta
vera mjög mikilvæg atriði sem alltaf
þurfa að vera ofarlega í huga okkar.
• Deildarstjóri Bamastarfsins var þess
aðnjótandi að fá að sækja ráðstefnu í
Englandi um páskana 2002 á vegum
Deildarinnar. Þar komu saman deild-
arstjórar Barnastarfsins frá flestum
löndum Stór-Evrópudeildarinnar.
Þetta var mjög lærdómsríkt og hvetj-
andi.
• Barnastarfið hefur haldið utan um
dreifingu á kennsluefni barnahvíld-
ardagsskólans. Einnig höfum við ver-
ið til taks ef einhver hefur þurft á að-
stoð að halda.
• I nánast hverjum ársfjórðungi hafa
verið sameiginlegar samkomur safn-
aðanna. Það hefur verið hlutverk
Barnastarfsins að vera milliliður
milli safnaðanna og þeirra sem
skipuleggja samkomurnar. Við höf-
um einnig verið tiltæk ef kennara
hefur vantað eða einhverja aðstoð
við barnahvíldardagsskólana. Við
höfum reynt að gera okkar besta
hvað þetta varðar en oft hefur vant-
að talsvert upp á upplýsingar frá
þeim sem skipuleggja samkomurnar.
• Bamastarfið hefur haft það hlutverk
frá upphafi að sjá um dagskrá fyrir
börnin á sumarmóti. Þessi dagskrá
hefur verið að mótast í gegnum árin.
Síðastliðið sumar tókum við þá
ákvörðun að breyta fyrirkomulaginu
frá því að vera bamapössun í það að
hafa skipulagt starf með ákveðnu
þema alla helgina. Þemað tengdist
markmiðum Kirkjunnar þ.e. kær-
leiksríkt samband, bæn, hvíldardag-
urinn, náttúran. Við vorum mjög
sátt við útkomuna og börnin virtust
njóta þess vel. Fráfarandi stjórn
mælir með því að þessu fyrirkomu-
lagi verðið haldið áfram því börnin
þurfa að finna að þau skipta máli.
Starfið fyrir þau þarf að vera vandað
og gott.
• Eitt stærsta verkefni Bamastarfsins
er spurningakeppnin „Jesús lifir“.
Barnastarfið hefur tekið þátt í skipu-
lagningu hennar frá upphafi. Hug-
myndin að keppninni kom frá Suð-
urhlíðarskóla sem sá þetta sem hlut-
verk sitt til samfélagsins. Markmiðið
með þessari keppni er að hvetja
krakkana og foreldra þeirra til að lesa
Biblíuna. Skólinn hefur fengið dá-
litla athygli í kjölfarið meðal krist-
inna á íslandi. A hverju ári hefur
fjöldi fólks fylgst með keppninni af
miklum áhuga og öll höfum við lært
eitthvað nýtt um leið. Það er von
okkar að keppnin fái að lifa og eflast
á komandi árum. Við teljum þetta
mikilvægan þátt í útbreiðslu fagnað-
arerindisins meðal barna.
• Barnastarfið tók að sér að aðstoða
við skipulagningu á jólaskemmtun
barnanna síðustu jól.
• Hvíldardagur barna er síðasti hvíld-
ardagur í október ár hvert. Barna-
starfið hefur hvatt kirkjurnar til að
tileinka börnunum þennan dag.
Flestar kirkjurnar hafa tekið þessu
vel og skipulagt daginn á mismun-
andi hátt.
Aðventfréttir
9