Aðventfréttir - 01.01.2003, Blaðsíða 15

Kirkja Sjöunda Dags
Aðventista
35. aðalfundur
Skýrsla upplýsingafulltrúa
Það kirkjutímabil sem nú er að líða,
2000-2003, hefur einkennst af miklum
breytingum í þjóðfélagi okkar. Um það
bil 10% landsmanna eru nú af erlendu
bergi brotnir og allt bendir til þess að
það hlutfall fari hækkandi. Þessari
breytingu, þ.e.a.s. frá einsleitu þjóðfélagi
í átt til fjölþjóðlegs, fylgir breytt um-
hverfi sem við lifum og hrærumst í.
Stöðugt heyrast raddir um meiri aðlögun
vegna þessa og fer Kirkja sjöunda dags
aðventista ekki varhluta af því.
A síðastliðnum árum hafa sprottið
upp hreyfingar hér á landi sem krefjast
úrbóta á stöðu samtaka og kirkjufélaga
sem standa utan Þjóðkirkjunnar. Nefna
má samtökin Siðmennt og Frjálslynda
flokkinn, sem berjast fyrir fullum að-
skilnaði ríkis og kirkju.
Skoðanakannanir sýna svo ekki
verður um villst, að sífellt stærri hópur
þjóðarinnar vill þennan aðskilnað.
Kirkja sjöunda dags aðventista er frí-
kirkja og styður slík sjónarmið út af fyrir
sig. Opinberunarbókin varar eindregið
við samtengingu ríkis og kirkju. Ekki
þarf annað en fletta í blöðum mann-
kynssögunnar til að sjá alvarlegar afleið-
ingar slíks samkrulls.
Hver eru helstu rökin fyrir því, að
við viljum fullan aðskilnað ríkis og
kirkju hér á landi? Þau eru lagaleg, fjár-
hagsleg og félagsleg.
1. Lagaleg rök.
Hér á landi er lögbundin mismunun
trúfélaga. I 62. gr. Stjórnarskrár lýðveld-
isins Islands, frá 1944 nr. 33, 17. júní
stendur:
• Hin evangeliska lúterska kirkja skal
vera þjóðkirkja á Íslandi, og skal rík-
isvaldið að því leyti styrkja hana og
vemda. Breyta má þessu með lögum.
Þetta lagaákvæði er greinilega í mótsögn
við 1. mgr. 65. gr. sömu stjómarskrár,
þar sem segir að:
• Allir skulu vera jafnir fyrir lögum og
njóta mannréttinda án tillits til kyn-
ferðis, trúarbragða, skoðana, þjóð-
ernisuppruna, kynþáttar, litarháttar,
efnahags, ætternis og stöðu að öðru
leyti.
Þessar greinar stangast á, því verður
önnur að víkja, fyrr eða síðar.
2. Fjárhagsleg rök.
Þær aukatekjur, sem Þjóðkirkjan fær
umfram aðra söfnuði, þ.e.a.s. fyrir utan
sóknargjöld, sem er um 2 milljarðar á
ári, eru réttlættar með yfirtöku ríkisins á
kirkjujörðum.
Kirkjujarðirnar, sem ríkið yfirtók
voru eign allra landsmanna. Hvers
vegna fá ekki öll trúfélög greitt fyrir
kirkjujarðirnar, heldur aðeins eitt útval-
ið?
Ríkið greiðir fyrir menntun presta og
guðfræðinga við guðfræðideild Háskóla
íslands með almannafé. Hvers vegna
greiðir ríkið t.d. ekki fyrir stofnun og
rekstur guðfræðideildar Kirkju sjöunda
dags aðventista við Háskóla Islands?
Sóknargjöld þeirra sem standa utan
trúfélaga renna til Háskóla Islands. Þar
með taka þeir þátt í rekstri guðfræði-
deildar Háskóla Islands. Þetta heitir að
koma aftan að mönnum. Þannig eru alÞ
ir landsmenn látnir styðja eitt trúfélag
umfram önnur sama hvar þeir standa.
Dæmin eru miklu fleiri, en ljóst er að
hér er um mikla fjárhagslega mismunun
að ræða milli trúfélaga, sem brýtur í bága
við 1. mgr. 65. gr. stjórnarskrárinnar.
3. Félagsleg rök.
I 3. gr. laga um Ríkisútvarpið frá ár-
inu 2000 nr. 122, 30. júní segir m.a.:
• Ríkisútvarpið skal halda í heiðri lýð-
ræðislegar grundvallarreglur og
mannréttindi og frelsi til orðs og
skoðana. Það skal gæta fyllstu óhlut-
drægni í frásögn, túlkun og dagskrár-
gerð.
Þessi lög eru þverbrotin á hverjum
einasta degi í Ríkisútvarpinu með því að
veita einu trúfélagi umfram önnur ein-
okunaraðstöðu. Hvers vegna fá ekki
Mormónar, Vottar Jehóva og önnur lög-
gild trúfélög aðgang að fjölmiðli allra
landsmanna? Annað hvort er að hafa
jafnræði eða hreinlega að sleppa þessu.
Trúaráróður Ríkisútvarpsins er mjög ein-
hliða.
Eins og er sér ríkið um að skrá
ómálga börn í trúfélög. Þetta er nokkuð
sem foreldrar eiga alfarið að sjá um en
ekki ríkið.
Ríkið hefur með löggjafarvaldi sfnu
hyglað einu trúfélagi umfram önnur með
því að löggilda frí á helgidögum þessa
eina trúfélags. Það skal gilda fyrir alla
landsmenn, sama hverrar trúar þeir eru.
Hér er átt við jól, páska, sunnudagslög-
gjöf o.fl.
Með tilkomu netsins er auðvelt að
fylgjast með fréttum af heimskirkju Sjö-
unda dags aðventista. I Adventist News
Network er stöðugt að finna nýjar frétt-
ir af starfi kirkjunnar um víða veröld. Eg
beini þeim tilmælum til þeirra sem geta
fært sér þetta í nyt að fylgjast með reglu-
lega.
Skúli Torfason, upplýsingafulltrúi
kirkjunnar.
Aðventfréttir
15