Fréttatíminn - 19.07.2013, Blaðsíða 2

einungis unnið
úr safa ungra
grænna
kókoshneta
himneskt.is
Y ngri dóttir Sophiu Hansen, Rúna Aysegul, heimsótti móður sína og fjölskyldu á dögunum ásamt
eiginmanni sínum, Ahmed Erkul, og
tveimur sonum þeirra. Þetta er í fyrsta
sinn sem Rúna kemur til Íslands eftir að
faðir hennar, Halim Al, rændi henni og
eldri systur hennar, Dagbjörtu Vesile,
og flutti þær til Tyrklands fyrir 23 árum.
Þar hafa þær búið síðan og lítið fengið
að hitta móður sína þrátt fyrir áratuga-
langa baráttu hennar fyrir því að fá
dætur sínar aftur. Liðu mörg ár án þess
að Sophia og dæturnar fengu að hittast.
Þann 15. júní árið 1990 fór Halim Al
með dæturnar í frí til Tyrklands, að því
er Sophia var látin halda. Þær voru þá
sjö og níu ára. Hann sneri ekki aftur
með þær og upp hófst átakanleg barátta
Sophiu um að endurheimta dætur sínar
sem öll þjóðin fylgdist með um margra
ára skeið. Sophia höfðaði mál gegn
Halim Al í Tyrklandi og dæmdu tyrk-
neskir dómstólar Halim Al forræðið en
Sophiu umgengnisrétt. Gegn þeim rétti
braut Halim Al margítrekað án þess að
Sophia fengi rönd við reist. Árið 2003
vann Sophia mál gegn tyrkneska ríkinu
fyrir mannréttindadómstóli Evrópu þar
sem dæmt var að tyrkneska ríkið hefði
brotið gegn mannréttindum hennar
með því að framfylgja ekki rétti hennar
til umgengni við dætur sínar.
Rúna giftist eiginmanni sínum árið
2004 og eiga þau tvo syni, fjögurra
og sjö ára. Rúna og synirnir fengu öll
íslenskt vegabréf sem þau sóttu um
skömmu eftir komu sína til Íslands en
systurnar Rúna og Dagbjört eru með
tvöfalt ríkisfang, íslenskt og tyrkneskt.
Samkvæmt heimildum Fréttatímans
grét Rúna af gleði þegar hún fékk ís-
lenska vegabréfið sitt í hendurnar.
Sophia Hansen treysti sér ekki til að
koma í viðtal vegna málsins en sam-
kæmt heimildum Fréttatímans nutu
þær mæðgur þriggja vikna samvista til
hins ýtrasta. Rúna heimsótti ættingja og
vini sem hún hefur ekki hitt frá því hún
var lítil stúlka. Hún heimsótti einnig
æskuheimili sitt að Túngötu, fór með
syni sína og gaf öndunum á Tjörninni
brauð og haldin var mikil veisla fjöl-
skyldunni til heiðurs.
Sophia talar reiprennandi tyrknesku
og túlkaði því allt sem fram fór, þannig
að Rúna, eiginmaðurinn og synirnir
gátu talað við fjölskyldu sína. Rúna
skildi þó nokkra íslensku og var farin
að geta sagt nokkur orð þegar hún sneri
aftur til Tyrklands. Sophia hefur hitt
dætur sínar úti í Tyrklandi á undanförn-
um árum og hefur því fengið að hitta
dætrasyni sína fjóra.
Rúna stundar háskólanám í ísl-
ömskum fræðum og hefur starfað við
kennslu undanfarin ár, líkt og systir
hennar. Fjölskylda stúlknanna vonast
til þess að Dagbjört, sem einnig er gift
og á tvo syni, geti fljótlega fylgt í fótspor
systur sinnar og heimsótt landið sitt og
fjölskylduna. Þær eru í engu sambandi
við föður sinn.
Sigríður Dögg Auðunsdóttir
sigridur@frettatiminn.is
 Endurfundir rúna aYsEgul hitti fjölskYldu sína á íslandi
Yngri dóttir Sophiu
Hansen aftur heim
Rúna Aysegul, yngri
dóttir Sophiu Hansen,
heimsótti móður sína
og fjölskyldu ásamt
eiginmanni og tveimur
sonum á dögunum.
Rúna og synirnir
fengu íslenskt vega-
bréf og grét hún af
gleði. Fjölskyldan von-
ast eftir því að eldri
dóttirin, Dagbjört
Vesile, geti fljótlega
komið í heimsókn með
syni sína tvo.
Íslenska þjóðin fylgdist með baráttu Sophiu Hansen fyrir dætrum sínum í gegnum fjölmiðla og sýnd henni mikinn stuðning.
 gamE of thronEs tökur að hEfjast á íslandi
Vopnaglamur í íslensku sumri
Tökur fyrir fjórðu þáttaröð hinna vinsælu þátta
Game of Thrones hefjast á Íslandi í næstu viku
og munu standa fram í ágúst. Þetta er í þriðja
sinn sem íslensk náttúra verður bakgrunnur
ævintýranna í Game of Thrones en í fyrsta skipti
sem kvikmyndað er hér að sumarlagi en landið
hefur hingað til verið notað sem vetrarríkið í
þáttunum.
„Við erum að flytja til landsins kvikmyndabún-
að, hluta leikmyndar, búninga og fleiri leikmuni
fyrir Game of Thrones. Það er allt að verða klárt
fyrir tökur,“ segir Þórður Björn Pálsson, deildar-
stjóri í sérverkefnum hjá TVG-Zimsen, sem sér-
hæfir sig í flutningum fyrir kvikmyndageirann.
Pegasus er framleiðendum Game of Thrones
til halds og trausts á Íslandi en mikil ánægja er
með Ísland sem tökustað.
„Þetta stóra verkefni hefur mjög jákvæð áhrif
fyrir Ísland. Þetta hefur gengið mjög vel og
framleiðendur þáttanna hafa verið ánægðir með
Ísland bæði sem tökustað og þá þjónustu sem
þeir hafa fengið hér við gerð þáttanna. Á þriðja
hundrað manns unnu við síðustu tvær þátta-
raðir, þar á meðal fjöldi Íslendinga og er ráðgert
að svipaður fjöldi vinni að verkefninu nú,“ segir
Þórður.
Bandaríska kapalstöðin HBO sýnir Game of
Thrones við miklar vinsældir og ekkert er til
sparað við gerð þáttanna sem jafnast á við fyrsta
flokks kvikmyndir að gæðum.
Ísland verður nú vettvangur ævintýranna í Game of Thrones í þriðja sinn en framleiðendur
þáttanna eru yfir sig ánægðir með allar aðstæður hérlendis.
Hátíðardagskrá vegna
Carlo Skarpa
verðlaunanna
Boðið verður til hátíðardagskrár í Menn-
ingarmiðstöðinni Edinborg á Ísafirði næst-
komandi sunnudag, 21. júlí, í tilefni af því
að fyrr á þessu ári hlaut garðurinn Skrúður
á Núpi við Dýrafjörð alþjóðleg verðlaun
sem kennd eru við ítalska arkitektinn Carlo
Skarpa. Fulltrúar úr valnefnd og stjórn
menningarsjóðs Benetton, sem veita
verðlaunin, verða viðstaddir og munu fræða
ráðstefnugesti um sjóðinn, verðlaunin og
arkitektinn Carlo Scarpa. Benetton rann-
sóknastofnunin í Treviso á Ítalíu veitir Carlo
Scarpa verðlaunin á hverju ári. Þeim er
ætlað að vekja athygli á stað sem hefur sér-
staklega ríku hlutverki að gegna í sögulegu
og skapandi tilliti auk hins náttúrulega gild-
is. Carlo Scarpa var einn frægasti arkitekt
Ítala á 20. öld og eitt helsta átrúnaðargoð
húsameistaranna Guðjóns Samúelssonar og
Rögnvaldar Ólafssonar. - jh
Íþróttin folf vinsæl
Íþróttin folf eða frisbígolf er ný íþrótt sem
notið hefur mikilla vinsælda í sumar. Settur
var upp frisbígolfvöllur á Klambratúni fyrir
tveimur árum og hefur varla liðið sá dagur
að ekki hafi verið spilað á vellinum í sumar,
að því er fram kemur á vef Reykjavíkur-
borgar. Íþróttin folf er spiluð með frisbí-
diskum og er takmarkið að kasta disk-
unum í sérhannaðar körfur í sem fæstum
skotum. Sex sérhannaðir vellir eru á Íslandi
en víðar hægt að finna körfur. Frisbígolf-
vellir eru á Klambratúni og í Gufunesi í
Grafarvogi, við Úlfljótsvatn, tjaldsvæðið
að Hömrum á Akureyri, í Miðhúsaskógi við
Laugarvatn og á Akranesi.-dhe
Geitaostar og geitaís
njóta hylli
Haldið verður upp á árs afmæli Geitfjár-
seturs Íslands á Háafelli í Hvítársíðu í
Borgarfirði á sunnudaginn. Geitfjársetrið
er eina ræktunarbú geita á Íslandi en það
er Jóhanna Bergmann Þorvaldsdóttir og
fjölskylda hennar sem reka búið, að því
er Skessuhorn greinir frá. Fram kemur
að viðtökurnar á liðnu ári hafi verið langt
umfram væntingar og hafi töluvert af
afurðum búsins á borð við geitaosta og
geitaís notið hylli neytenda. - jh
Aníta Hinriksdóttir sem var
nýlega krýnd heimsmeistari
17 ára og yngri í 800 metra
hlaupi kom fyrst í mark í
öðrum riðli á Evrópumeist-
aramóti 19 ára og yngri sem
fer fram á Rieti á Ítalíu. Aníta
hljóp í gær á 2:02,62 mínútum
og sigraði af miklu öryggi.
Íslandsmet Anítu frá því í
sumar er 2:00,49 mínútur.
Þjóðverjinn Katharina Trost
var með næstbesta tímann,
2:03,59 mínútur og Olena
Sidorska frá Úkraínu átti þriðja
besta tímann, 2:04,5 mínútur.
Aníta fyrst í mark á Evrópumótinu
Mynd/NordicPhotos/
GettyImages
2 fréttir Helgin 19.-21. júlí 2013