Fréttatíminn - 19.07.2013, Blaðsíða 33

Bragagata, Laugavegur og Suðurlandsbraut / 562 3838 / eldsmidjan.is
Nei takk!
Pöntum bara pizzu
 jónas sigurðsson um ferðalagið
Ótrúleg upplifun
j ónas Sigurðsson tónlistarmaður er einn hljómsveitar­meðlima á Húna II sem hefur ferðast í kringum landið og
haldið tónleika til styrktar björgunarsveitum á hverjum stað.
„Þetta er búið að vera ótrúlegt. Maður er uppiskroppa með
lýsingarorð. Fyrst þegar við lögðum af stað stóðum við upp á
dekki og sögðum „vá“ og „þetta er ótrúlegt“ og þar fram eftir
götunum en svo kláruðum við bara orðin,“ segir Jónas. „Það
hefur verið magnað að fá að sigla hringinn í kringum landið
á skipi og upplifa þetta allt saman, bæði siglinguna sem tón­
leikana á hverjum stað, allt fólkið sem hefur komið til að sjá
okkur,“ segir hann.
Aðspurður segir hann hugmyndina að túrnum hafa kvikn­
að á tónleikaferð sinni og Ómars Guðjónssonar um landið í
fyrra sem þeir fóru ásamt Jóni Þór Þorleifssyni sem er fram­
kvæmdastjóri tónleikaferðarinnar. „Jón Þór er svona maður
sem lætur hlutina gerast. Við hittum Mugison á túrnum og
viðruðum við hann hugmyndina um að fara á skipi hringinn í
kringum landið. Svo fór bara boltinn að rúlla. Allir sem hafa
komið að þessu hafa gert það af fullum krafti, Hollvinir Húna
tóku strax mjög vel í hugmyndina, sem og RÚV og Lands­
björg,“ segir Jónas.
Spurður hvað hafi verið eftirminnilegast við túrinn segir
hann ekki hægt að taka neitt eitt út. „Það sem stendur upp
úr er þessi ótrúlegi hópur. Um borð er hljómsveitin,
sex manna áhöfn úr Hollvinum Húna, kvikmynda­
tökulið frá RÚV og fjölskyldur og börn, alls
um 50 manns. Öllum var troðið um borð í þetta
skip og það hefur verið endalaust hlegið. Við
fórum til að mynda öll saman og fengum
okkur tattú því við urðum að eiga
eitthvað varanlegt til minningar
um ferðina,“ segir Jónas. Hann
segir ólýsanlegt að standa uppi
á dekki eftir tónleika og horfa
á bæinn, sem þau hafi heim­
sótt þann daginn, fjarlægjast og
sólina setjast. „Þetta er Ísland. Hver þarf
heimsreisu?“
Jónas Sigurðsson tónlistarmaður sem siglt hefur
með Húna II umhverfis landið.
Iðnaðarsafn-
ið á Akureyri
hefur stuðlað
að því að
varðveislu
Húna II og
þar með
varðveislu
sögu tré-
skipaútgerð-
ar á Íslandi.
á land og láta þau grotna
niður eins og því miður er
svo algengt,“ segir Víðir.
Í dag er Húni II notaður
við ýmis tækifæri og siglt
er út með vinnustaðahópa,
veislur eru haldnar í honum
en Hollvinafélag Húna II
er ekki í skipulögðum við­
skiptum með siglingar.„Við
erum að sigla á Húna II til
þess að varðveita hann,“
segir Víðir.
Undanfarnar vikur hefur
áhöfn Húna II verið að safna
ágóðanum af tónleikunum
til styrktar björgunarsveit­
unum í landinu öllu. Loka­
tónleikarnir verða haldnir
á Akureyri á morgun,
laugardag. Þá verða niður­
stöðutölur úr söfnuninni til­
kynntar í beinni útsendingu
á RÚV. „Það er mikil ánægja
hjá björgunarsveitum um
allt land og mikið þakklæti
til allra í áhöfn, hljómsveit
og allra sem að þessu koma.
Það er svo mikil hugsjón í
þessu verkefni sem er al­
gjörlega í anda þeirra gilda
sem félagið okkar stendur
fyrir,“ segir Jón Svanberg
Hjartarson, framkvæmda­
stjóri Landsbjargar.
Spilandi áhöfn Húna II er
skipuð tónlistarmönnunum
Jónasi Sig, Láru Rúnarsdótt­
ur, Mugison, Ómari Guð­
jónssyni, Guðna Finnssyni
og Arnari Gíslasyni.
María Elísabet Pallé
maria@frettatiminn.is
viðtal 33 Helgin 19.-21. júlí 2013