Fréttatíminn - 19.07.2013, Blaðsíða 52

 Í takt við tÍmann borghildur gunnarsdóttir fatahönnuður
Russell Hobbs hraðsuðuketillinn var happafengur
Borghildur Gunnarsdóttir er fatahönnuður sem hannar undir merkinu Milla Snorrason. Hún er ein af sjö hönnuðum í verslununni Kiosk
en fötin hennar fást einnig í Kraum í Aðalstræti. Hún lærði í Listaháskóla Íslands en hefur einnig stundað starfsnám hjá Rue Du Mail í
París og Peter Jensen og Erdem í London. Hún er þessa dagana að vinna að peysulínu úr íslenskri ull sem kemur í búðir næsta vetur.
Staðalbúnaður
Ég er fatahönnuður og þegar ég
stend ekki vaktina í Kiosk eyði
ég dögunum í Studio Ooo sem
ég deili með myndlistarkonunni
og vinkonu minni Söru Gillies.
Ég er mjög mikið fyrir þægindi
þegar kemur að klæðnaði og það
kemur til dæmis varla nokk-
urn tíma fyrir að ég vogi mér í
hælaskó. Þegar ég kaupi föt legg
ég mikla áherslu á góð efni og
vil helst bara vera í bómull, ull
og silki. Ég elska stórar ullar-
peysur og gallabuxur, er lítið
fyrir flegið eða aðsniðið og vel
mér oft frekar herralega og
vandaða leðurskó. Að sjálfsögðu
nota ég öll Milla Snorrason fötin
mín fullt en annars á ég slatta af
fötum og fylgihlutum frá vinum
mínum í Kiosk. Ég elska að kíkja
í Cos þegar ég er erlendis en
annars er ég mikið fyrir „second
hand“ í bland og finnst gaman að
leita að földum fjársjóði í Rauða
Krossinum eða Kolaportinu.
Hugbúnaður
Ég stunda afró dans í Baðhúsinu
á veturna og er búin að vera hálf-
ónýt í sumar án þess. Fer út að
hlaupa með hundinn í staðinn og
stunda hitt nýja æðið mitt sem
eru fjallgöngur. Í vetur og vor tók
ég þátt í fjallaprógrami Íslenskra
Fjallaleiðsögumanna og endaði á
toppi Íslands, Hvannadalshnúki
um miðjan júní. Er einmitt búin
að vera að bíða eftir tækifæri til
að auglýsa það á opinberum vett-
vangi.
Ég horfi eiginlega aldrei á sjón-
varp nema kannski á House of
Cards og einstaka dýralífsþátt.
Ég vel mér svo þætti á netinu og
er forfallinn aðdáandi teikni-
myndaþáttanna Adventure Time
with Finn and Jake.
Vélbúnaður
Mér þykir voða vænt um sjö ára
gömlu Mac tölvuna mína og
mun halda fallega útför þegar
hún fellur frá. Ég á nokkurra
ára gamlan Samsung síma sem
er kannski ekki sá snjallasti í
bransanum en virkar vel fyrir
ýmislegt eins og Instagram og
tölvupósts-tékk. Saumavélin
mín er gömul og trygg Elna frá
mömmu. Svo er ég nýbúin að
kaupa gamlan Russell Hobbs
hraðsuðuketil í Kolaportinu
á fimmhundruðkall sem er
einhver mesti lottóvinningur
sem ég hef unnið. Hann þjónar
teþörfum okkar í Studio Ooo
og amma segir að hann muni
endast til æviloka.
Aukabúnaður
Mér finnst gaman að elda heima,
reyni að borða hollt og elska að
gera góða grænmetisrétti eða
súpur. Er líka ein af þeim sem
fögnuðu ákaft komu Halloumi
osts til Íslands. Hvenær kemur
alvöru gnocchi? Ég er al-
gjört nestisnörd og gæti
lifað á rúgbrauði með osti
ásamt grænmeti og ávöxt-
um. Þegar ég borða utan
heimilisins fer ég til dæm-
is á Tokyo sushi, Grænan
Kost, Garðinn, Deli,
Balkanika og Snaps. Ef
ég fer á kaffihús vel ég
helst Tíu Dropa, Babalú
eða eitthvað huggulegt
bókakaffi og skoða blöð.
Þá sjaldan að ég kíki
út á lífið þá vel ég helst
Harlem, Dollý, Boston,
Kaffibarinn eða Prikið
en ég verð að viðurkenna
að ég elti oft bara Dj KGB
enda er hægt að bóka gott
kvöld ef hann er að spila. Ég
drekk oftast bara bjór en fæ
mér einstaka kokteil, til dæmis
gin í gingerale með sítrónu
og stundum er gott að fá sér
smá rauðvín eða hvítvín. Ég á
ekki bíl en tek gula drauminn
reglulega.
 appafengur
Með bókasafnið
í símanum
Ég er algjör lestrarhestur – og ég er líka
kölluð Sigga strax. Þess vegna finnst mér
dásamlegt að geta keypt mér bók hvar sem er
og hvenær sem er og geta byrjað að lesa hana
strax. Ég á ekkert sérstakt tæki til að lesa
bækur á, heldur nota bara tækið sem ég er
alltaf með: símann minn. Með Kindle-appinu
get ég valið úr einni og hálfri milljón bókatitla
á amazon.com og halað bókum beint niður í
símann minn, auk tímarita og dagblaða.
Margir verða forviða þegar
þeir sjá mig lesa heilu skáld-
sögurnar á þessum litla skjá
sem síminn er. Mér finnst
það ekkert mál, en þeir sem
vilja geta náð sér í forritið í
spjaldtölvur og notað sama
aðganginn á mörg tæki. Ef
maður er nettengdur við
lesturinn uppfærist bókin
sjálfkrafa á öllum tækjunum
þannig að hún opnast alltaf á
þeim stað þar sem þú lokaðir
henni síðast.
Raunar er einnig hægt að
nota Kindle appið í tölvuna,
sem er hentugt til að mynda
með matreiðslubækur heima
við.
Kindle appið er í raun lítill
kyndill í símanum og hefur
alla þá „fítusa“ sem kyndil-
linn býður upp á, hægt er
að stækka og minnka letrið,
breyta lit á stöfum og bak-
grunni, fletta upp orðum,
afrita, leita eftir orðum,
undirstrika, skrifa athuga-
semdir, leita á wikipedia og
þar fram eftir götunum. Það sem er líka svo
skemmtilegt við þetta app er að líkt og í net-
bókabúðinni Amazon (sem gefur út appið)
koma upp tillögur að bókum sem líkjast þeim
sem maður hefur þegar lesið – því þarf aldrei
að leita langt yfir skammt. -sda
4G hneta
12.990 kr.
með þjónustusamningi í áskrift.
Fullt verði í áskrift og frelsi: 19.990 kr.
Stærst
i
skemmt
istaður
í heimi!
Þjónustusamningur í áskrift er til 6 mánaða, greitt með kreditkorti. Nánari upplýsingar á nova.is.
4G pungur
6.990 kr.
með þjónustusamningi í áskrift.
Fullt verði í áskrift og frelsi: 12.990 kr.
10X
meiri hraði en
með 3G pung!
Taktu 4G pung
eða hnetu með
í fríið!
Hægt að
netteng ja allt
að 10 tæki
(WiFi)
4G pung og hnetu er hægt að nota bæði
á 4G og 3G þjónustusvæði Nova.
Sjá nánar á www.nova.is.
52 dægurmál Helgin 19.-21. júlí 2013