Fréttatíminn - 19.07.2013, Blaðsíða 28

Æ tli ég hafi ekki komið á og myndað alla þá helstu staði sem íslenskir kafarar hafa
verið að skoða. Og jafnvel staði sem eru
nánast ókannaðir af köfurum,“ segir
Gísli Arnar Guðmundsson kafari.
Gísli sendi á dögunum frá sér bókina
Undirdjúp Íslands sem hefur að geyma
myndir sem hann hefur tekið síðustu
fimm árin á neðansjávarferðum sínum
við strendur landsins. Óhætt er að segja
að bókin ber ferðum Gísla heillandi
vitnisburð.
Alveg laus við gráa fiðringinn
„Ég var sjómaður og var oft uppi í brú
að fylgjast með dýptarmælinum. Ég var
alltaf að gjóa augunum á hann og sjá
hvernig botninn væri. Upp frá þessu fór
mig að langa að kafa og árið 1996 skráði
ég mig á námskeið. Svo fór ég til Jamaíka
að kafa í nokkrar vikur og eftir það varð
ekki aftur snúið,“ segir Gísli þegar hann
er spurður um upphaf köfunarferilsins.
Hann segist hafa stundað þetta sport
með hléum síðan þá en árið 2008 keypti
hann fyrstu myndavélina og þá fóru
leikar að æsast. „Myndavélin er eins og
hundurinn sem dregur veiðimanninn á
fjöll. Ég fer ekki í kaf án hennar,“ segir
Gísli og hlær.
Þarf maður ekki að hafa rosalegar
græjur í þetta?
„Ég er með venjulega myndavél með
útskiptanlegum linsum og vélin er varin
með álhúsi. Svo er ég með flöss sem eru
sérstaklega gerð til að nota neðansjávar.
Það er heilmikill búnaður í kringum
þetta, mikið af snúrum. Fyrir græju-
fíkla þá er þetta eflaust frábært.“
Ertu að segja að þú sért ekki græju­
fíkill?
„Nei, ég held nú að ég sé ekki
græjufíkill. Ég á ekki einu sinni DVD-
spilara.“
Hann varð fertugur í fyrra og kannast
ekki við að köfunin og græjurnar sem
fylgja séu hluti af snemmbúnum gráum
fiðringi. „Nei, nei ég held að ég sé alveg
laus við gráa fiðringinn. En hann kemur
sjálfsagt.“
Reyndar kemur í ljós að Gísli er
nýkvæntur. Hann gekk að eiga Fjólu
Ákadóttur um nýverið. Hann tekur
skýrt fram að hann eigi frúnni margt að
þakka. Hún hafi til að mynda gefið mjög
góð ráð varðandi myndavalið í bókina.
Rannsaka Silfru á Þingvöllum
Nýjasta verkefnið sem Gísli er að fást
Myndar fyrir National Geographic
H
V
ÍT
A
H
Ú
SI
Ð
/
S
ÍA
Á vefnum okkar gottimatinn.is finnurðu ótal
grilluppskriftir sem og aðrar sumarlegar
uppskriftir sem kitla bragðlaukana.
grilljón
hugmyndir
á gottimatinn.is
Gísli Arnar Guðmundsson hefur
kafað um undirdjúpin við Ís-
landsstrendur um árabil og tekið
ljósmyndir. Hann gaf nýlega
út bók með myndum sínum
og vinnur meðal annars við að
lóðsa ferðamenn um landið
og kafa á flottustu stöðunum.
Nýjasta verkefni Gísla er að
taka neðansjávarmyndir fyrir
National Geographic.
Gísli
hefur kafað
í flestum
fjörðum
landsins og
afraksturinn
má finna í
nýrri bók
hans, Undir-
djúp Íslands.
28 viðtal Helgin 19.-21. júlí 2013