Fréttatíminn - 13.09.2013, Qupperneq 8

VÍB, eignastýringarþjónusta Ís-
landsbanka og rekstrarfélag bank-
ans, Íslandssjóðir, hafa stofnað
Akur, nýtt fjárfestingafélag sem
verður virkur eignaraðili í óskráð-
um félögum. Áætlað er að félagið
hafi um 10 milljarða fjárfestinga-
getu. Íslandsbanki leggur félaginu
til fjármagn og á um 10% hlutafjár
í Akri.
„Stofnun Akurs f járfestinga-
félags er rökrétt framhald á þeirri
útvíkkun á vöruframboði VÍB og Ís-
landssjóða sem ráðist hefur verið í
undanfarið, t.d. með stofnun fast-
eignafélagsins FAST 1. Tilkoma
Akurs eykur fjölbreytni þeirra
þjónustuþátta sem fagfjárfestum
standa til boða hjá VÍB samhliða
því að styðja uppbyggingu íslensks
atvinnulífs og fjármálamarkaðar,“
segir Birna Einarsdóttir, banka-
stjóri Íslandsbanka.
Framkvæmdastjóri Akurs verður
Jóhannes Hauksson, sem hefur ver-
ið forstöðumaður fyrirtækjalausna
Íslandsbanka, og fjárfestingastjóri
er Davíð Hreiðar Stefánsson, sem
hefur starfað sem verkefnastjóri í
fyrirtækjalausnum. Báðir hafa þeir-
mikla reynslu af verkefnum á sviði
f járhagslegrar endurskipulagn-
ingar fyrirtækja, kaupum og sölu á
eignarhlutum í fyrirtækjum og víð-
tæka reynslu af lánamálum. -jh
 Akur Nýtt fjárfestiNgAfélAg VÍB og ÍslANdsBANkA
Áætluð fjárfestingageta um 10 milljarðar
Davíð Hreiðar Stefánsson og Jóhannes
Hauksson.
Jella Benner - Heinacher
Framkvæmdastjóri Samtaka verðbréfa
og sparifjáreigenda í Þýskalandi heldur
fyrirlestur í Hátíðasal Háskóla Íslands
Föstudaginn 13. september kl. 12-13.30
Aðgangur ókeypis, allir velkomnir!
RéttuR smæRRi
HlutHAFA
Í ÞÝsKAlANDi
HveRJu HAFA Dómsmál
til veRNDAR smæRRi
HlutöFum áORKAÐ?
Mjög bragðgott glútenlaust og sykurlaust brauðmix!
Þ að er gott að loksins eigi að grípa til aðgerða en mér finnst leitt hversu seint þetta kemur,“ segir Bylgja Kærnested, hjúkrunardeildarstjóri á hjartadeild
Landspítalans. Deildin heyrir undir lyflækningasvið þar
sem gríðarleg mannekla, álag og niðurskurður hefur átt
sér stað að undanförnu. Fyrir fjórum árum störfuðu 24
læknar, þar starfa nú 10 læknar og starfað hefur verið eftir
sérstöku neyðarplani. Kristján Þór Júlíusson heilbrigðis-
ráðerra og Björn Zoëga, forstjóri Landspítalans, kynntu í
gær aðgerðir til að styrkja stöðu lyflækningasviðs.
Fyrsta atriðið sem nefnt er í yfirlýsingunni er að „dregið
verður úr álagi á starfsemi lyflækningasviðs.“ Ekki er hins
vegar skýrt hvernig það má verða. Bylgja bendir á að hún
standi vaktina og sinni um 200 hjartasjúklingum í hverj-
um mánuði. „Þessir sjúklingar gufa ekki upp. Ef minnka
á álagið þá spyr ég einfaldlega, hver á að sinna þessum
sjúklingum? Mér finnst þetta vera pólitískar yfirlýsingar
og þetta er allt mjög loðið.“
Gert er ráð fyrir að Landspítalinn skili ráðherra sér-
stakri aðgerðaáætlun eigi síðar en 20. september um
hvernig hægt er að bregðast við en ekki liggur fyrir hversu
mikið fé verður lagt í verkefnið. „Við vitum bara jafn mikið
og þið,“ segir Bylgja, spurð hvort hún viti hvað komandi
aðgerðir kosta.
Í yfirlýsingu ráðherra og forstjóra Landspítalans segir
ennfremur að „stuðningur við störf lækna verði aukinn
verulega með því að nýta betur krafta og hæfni hjúkrunar-
fræðinga, sjúkraliða...“ og fleiri starfsstétta. Brynja segir
samstarfsfólk sitt undrast þetta. „Vinnuálagsmælingar hér
sýna að það er gríðarlegt álag á hjúkrunarfræðinga og með
óbreyttri mönnun er ekki möguleiki á að þeir sinni fleiri
verkefnum. Samkvæmt starfsumhverfiskönnun segja
hjúkrunarfræðingar að þeir hafi alltaf mjög mikið
eða of mikið að gera. Þeir eru því þegar stöðugt
undir miklu álagi.“
Brynja vonast vissulega til að aðgerðirnar
skili einhverju en segir að grípa hefði þurft
í taumana fyrir um fimm árum. „Niður-
skurðurinn undanfarin ár hefur haft það
mikil áhrif að það mun taka okkur mörg
ár að jafna okkur, manneklan er orðin
það mikil, fjarað hefur undan faglegu
starfi og óánægja starfsfólks er mikil.
Sjúklingarnir hjá okkur eru eldra fólk-
ið sem hefur fjölþætt vandamál. Við
rekum bráðalyflæknadeildir þar sem
tugir fólks bíða inni mánuðum saman
eftir að komast inn á hjúkrunarheim-
ili. Þetta verður til þess að bráðveikir
sjúklingar leggjast á ganginn. Svona
hefur þetta verið,“ segir Bylgja.
Í áðurnefndri yfirlýsingu segir
ennfremur að gerðar verði breyt-
ingar á skipulagi lyflækningasviðs
„til að styrkja faglega forystu og
rekstrarlega ábyrgð“ svo sem með
ráðningu yfirlæknis almennra
lyflækninga sem síðan verður yfir
starfshópi lækna sem skila tillögum
að útbótum fyrir lok október.
Erla Hlynsdóttir
erla@frettatiminn.is
Ef minnka á álagið
þá spyr ég einfald-
lega, hver á að sinna
þessum sjúklingum?
 HeilBrigðismál NeyðAráætluN á lyflækNiNgAdeild
Síðbúin og loðin
aðgerðaáætlun
Yfirlýsing heilbrigðisráðherra og forstjóra Landspítalans um úrbætur á lyflækningasviði er
óskýr að mati hjúkrunardeildarstjóra. Enn er ekki ljóst hvaða fjármunir verða settir í verkefnið.
Hjúkrunardeildarstjóri undrast að hjúkrunarfræðingar eigi að bæta á sig störfum þegar þeir eru
þegar undir of miklu álagi.
Bylgja Kærnested segir
spítalann þurfa mörg ár til
að jafna sig eftir niðurskurð
liðinna ára. Ljósmynd/Hari
8 fréttir Helgin 13.-15. september 2013