Fréttatíminn - 13.09.2013, Side 30

O kkur þykir óskaplega vænt um að það sem við erum að gera. Okkur þykir líka mjög
vænt um að aðrir taki því vel. Við
vitum að það er engan veginn sjálf-
sagt,“ segja leikkonurnar Hrefna
Hallgrímsdóttir og Linda Ásgeirs-
dóttir sem um árabil hafa skemmt
yngstu kynslóðinni sem Skoppa og
Skrítla.
Mikið stendur nú til hjá þeim
stöllum. Í vikunni gáfu þær út bók,
framundan er leikferð til Noregs,
útgáfa á nýjum DVD-diski og frum-
sýning á nýrri sýningu í Borgarleik-
húsinu. Þar með er þó ekki allt talið
því á næsta ári verða tíu ár liðin frá
því Skoppa og Skrítla komu fram á
sjónarsviðið og þeim tímamótum
verður fagnað með veglegum hætti.
Öðruvísi áherslur foreldra
Hrefna og Linda taka á móti blaða-
manni á skrifstofu sinni. Þar er
augljóst að undirbúningur stendur
yfir fyrir tilvonandi verkefni og búið
er að pakka niður DVD-diskum og
fleiru fyrir heimsókn til Noregs í
næstu viku.
„Það er oft búið að biðja okkur
um að koma til Noregs og núorðið
búa svo margir Íslendingar þar
að við gátum ekki sagt nei,“ segja
þær um ferðina. Skoppa og Skrítla
heimsækja Bergen, Osló, Kristjáns-
sand og Stafangur. Það er enginn
glamúr yfir ferðalaginu, þær gista
hjá frænda manns Lindu og frænku
hennar. „Við erum sófadýr. Það er
gott því þá hittir maður fólkið – það
er skemmtilegra.“
Þær byrja á að segja mér að hug-
myndin með Skoppu og Skrítlu sé
að framleiða barnaefni fyrir börn,
ekki fullorðna. „Það hefur alltaf
verið stefnan, hrein og bein. Við
viljum geta verið stoltar af því sem
við sýnum öðrum börnum, þau eiga
ekki bara að vera sett í geymslu
fyrir framan sjónvarpið.“
Þær segjast finna talsverðan mun
á foreldrum í dag og þegar þær
fóru fyrst af stað. „Það eru öðruvísi
áherslur. Fólk skoðar núna leik-
skóla og spyr hvað þeir hafi upp á að
bjóða. Það er orðið lífsstíll hjá fólki
hvernig það eldur upp barnið sitt.
Og það skiptir miklu máli.“
Blundar mikið barnshjarta
í okkur
Hrefna og Linda kynntust fyrst
þegar þær léku saman í Hróa hetti
sem settur var upp í Húsdýragarð-
inum sumarið 1998. Það var ungur
athafnamaður, Gísli Örn Garðars-
son, sem setti sýninguna upp og í
leikhópinn völdust margir sem síðar
áttu eftir að láta til sín taka á leik-
listarsviðinu. Í hópnum voru til að
mynda Gunnar Hansson, Sveppi,
Marta Nordal, Agnar Jón Egilsson,
Gottskálk Dagur Sigurðarson og
Gunnar Gunnsteinsson auk Hrefnu
og Lindu.
Upphaf Skoppu og Skrítlu má
aftur á móti rekja til þess þegar
Hrefna eignaðist sitt fyrsta barn.
„Ég eignaðist dreng sem vildi fljótt
fara að skoða heiminn og lífið. Ég
fann ekkert íslenskt barnaefni sem
ég gat haldið að honum. Ég var
búsett í Bandaríkjunum og horfði á
Baby Einstein og fleira í þeim dúr
og hugsaði með mér af hverju slíkt
efni væri ekki til á íslensku. Þannig
að ég setti mig í samband við Lindu
og sagði, nú gerum við eitthvað í
þessu!“
Linda var á þessum tíma að leika
í Latabæ og tók vel í hugmyndir
Hrefnu. Þær segjast reyndar báðar
hafa togast í áttina að því að vinna
með börnum. „Þetta velur mann
líka,“ segir Linda.
„Já, það blundar ótrúlega mikið
barnshjarta í okkur. Ég segi alltaf
við börnin mín: Lífið er ekki alltaf
skemmtilegt en er þó ekki skemmti-
legra en við gerum það sjálf. Það
koma alltaf erfiðleikar en það skipt-
ir miklu máli með hvaða hugarfari
maður fer í þá. Maður fer svo langt á
hugarfarinu,“ segir Hrefna.
Það er einmitt þetta hugarfar sem
einkennir Skoppu og Skrítlu, þessi
ótrúlega jákvæðni. Þegar maður
spjallar við Hrefnu og Lindu er aug-
ljóst að þessi jákvæðni er engin til-
gerð. „Sumum finnst við óþolandi
jákvæðar. En er það ekki betra en
að vera sjúklega neikvæður?" spyr
Hrefna.
Tíu ára afmæli á næsta ári
Nú hafa þær skilað nær tíu árum
í hlutverki Skoppu og Skrítlu. Á
verkalistanum eru leikrit, bíómynd,
tíu DVD-diskar, geisladiskur, bók
og svona mætti sjálfsagt áfram telja.
Á meðan þær setja undir sig haus-
inn og senda sífellt frá sér nýtt efni
á barnaefni undir högg að sækja hér
á landi. Stundin okkar er einn af
fáum barnaþáttum sem sjónvarps-
stöðvarnar framleiða í vetur, í fyrra
var engin Grímutilnefning fyrir
barnaefni og fjórða Sveppa-myndin
fékk ekki fjármagn frá Kvikmynda-
miðstöð fyrr á árinu.
Í vikunni kom út fyrsta bókin
um þær stöllur, Hér koma Skoppa
og Skrítla. Hrefna og Linda segja
að bókin byrji alveg á byrjuninni,
Skoppa og Skrítla og þeirra heimur
sé kynntur til leiks. „Þarna erum
við teiknaðar í fyrsta sinn. Það er til
að koma til móts við kynslóðirnar
sem eiga eftir að kynnast Skoppu og
Skrítlu, að þær þekki persónurnar
en ekki endilega okkur,“ segja þær.
Linda segir að þær séu að þróa
„annað og meira“ þar sem Skoppa
og Skrítla eru teiknaðar en vill ekki
segja meira um það núna. „En það
er búið að skrifa bók númer tvö
þannig að vonandi taka börnin vel í
þessa.“
Aðdáendur Skoppu og Skrítlu
ættu að taka laugardaginn frá en
þá er útgáfupartí fyrir bókina í
Kringlunni. Áhugasamir geta látið
taka mynd af sér með hetjunum við
risastóra útgáfu bókarinnar. Næsta
sumar verður svo stórhátíð í tilefni
tíu ára afmælisins. Hún verður að
sjálfsögðu í Húsdýragarðinum þar
sem fyrsti DVD-diskurinn þeirra
var tekinn upp. „Við fæddumst þar
og höldum partíið þar,“ segja þær.
Í fyrra stjórnuðu Skoppa og
Skrítla jóladagatali á Stöð 2 og
verður það gefið út á DVD fyrir
jólin. Þær verða áfram í jólagírnum
í Borgarleikhúsinu fyrir jólin með
sýninguna Jólahátíð Skoppu og
Skrítlu sem frumsýnd verður 16.
nóvember. „Þessi tími árs er svo
Sumum finnst við óþolandi jákvæðar
Hrefna Hallgríms-
dóttir og Linda
Ásgeirsdóttir hafa
verið heimilis-
vinir á mörgum
barnaheimilum um
árabil. Eftir tæplega
tíu ára samstarf
liggja leiksýningar,
geisladiskur, tíu
DVD-diskar og
sjónvarpsþættir
eftir Skoppu og
Skrítlu og í vikunni
kom fyrsta bók
þeirra út. Á næsta
ári flytur Linda út
til Kaliforníu og
þá hyggjast þær
láta á það reyna
hvort heimurinn sé
tilbúinn fyrir Koko
og Kiki eins og
Skoppa og Skrítla
kallast á ensku.
Linda Ásgeirsdóttir og Hrefna Hallgrímsdóttir hafa komið fram sem Skoppa og Skrítla í næstum tíu ár. Þær eru ekkert á leiðinni að fara að hætta. Ljósmynd/Hari
30 viðtal Helgin 13.-15. september 2013