Fréttatíminn - 05.04.2013, Side 26

sagði Haukur þegar Fréttatíminn
náði tali af honum í matartím-
anum.
Vinnan sem Haukur vinnur er
ekki auðveld. „Ég er í sögun og
borun. Það er náttúrlega erfitt að
vera á sleggjunni. Á ekki bara að
kalla þetta þrælavinnu? Voru ekki
þrælarnir látnir í það? Að brjóta
grjót með sleggju? Satt best að
segja finn ég nú andskoti lítinn
mun á mér síðan ég var fimmtugur
og ég hugsa nú að það sé mikið til
gingsenginu að þakka.
Ég er búinn að taka það
í örugglega meira en 25
ár,“ segir Haukur sem
er síður en svo af baki
dottinn.
„Ég er að hugsa um
að hætta að vinna þegar
ég verð 95 ára. Ætla í
það minnsta að sjá til
bara og lofa engu. Ef ég
verð enn jafnsprækur
og ég er í dag þá held ég
áfram“, segir sá gamli
sem lætur verkin tala.
„Þú getur ekkert valið
um það hvort þú ætlir að
vinna einn tíma eða tvo,
þú heldur bara áfram
í verkinu þangað til það er búið.
En ég viðurkenni það náttúrlega
að maður er þreyttur eftir fjórtán
til sextán tíma vinnu á dag. Að
standa í lappirnar frá klukkan hálf
sjö til tíu, ellefu, tólf á kvöldin.
Ég hugsa nú bara að ungir menn
væru þreyttir eftir þetta líka. Hvað
þá gamlingi eins og ég. En ég
segi það ekki að ég held ég megi
nú þakka gingsenginu mikið að
ég er eins og ég er í dag. Þetta er
töfralyf og eykur hormónana og ég
finn mikinn mun. Ég hætti að taka
þetta á tímabili og fann alveg að
mér hrakaði þannig að ég byrjaði
snarlega að taka þetta aftur og
held því bara áfram. En fólk þarf
ekkert að halda að það geti bara
tekið þetta inn og orðið gott dag-
inn eftir. Nei, nei. Þetta virkar ekki
svoleiðis. Það er langtíma virkni í
þessu.“
Barnalánið hefur elt Hauk á
röndum en hann á tíu börn með
fimm konum. „Það var meiri lífs-
orka í mér á árum áður og ég er nú
ekki alveg eins sprækur í seinni
tíð en ég hefði sjálfsagt eignast
fleiri börn ef ég hefði byrjað að
nota gingsengið fyrr. Ég eignaðist
börnin með fimm konum en þær
dóu hver á eftir annarri, úr krabba
bara. Þær dóu alveg þrjár í röð
frá börnunum, bless-
aðar. En ég er lifandi
enn, börnin eru tíu og
hann er enn uppi,“ segir
Haukur og hlær. „Og ef
hann fer niður þá er al-
veg eins hægt að kveðja
lífið.“
Ofurtrú Hauks á
gingsengið frá Kóreu
er óbilandi og hann
segist þess fullviss að
það sé ekki sama hvaða
tegund af náttúrulyfinu
fólk noti. „Konan keypti
einu sinni aðra tegund
í misgripum og ég fann
fljótt mun og var ekki
jafn sprækur þannig að
ég henti því. Ég held að þetta hljóti
að hafa verið einhver eftirlíking
enda var þetta nú eitthvað aðeins
billegra.“
Haukur starfar meðal annar sem
undirverktaki hjá Hilti og vinnur
við framkvæmdirnar við Flugstöð
Leifs Eiríkssonar. Hann leggur
af stað úr bænum klukkan sex á
morgnana en vinna hefst klukkan
átta og stendur til tíu á kvöldin.
Haukur var nýlega valinn starfs-
maður mánaðarins hjá Hilti fyrir
eljuna og kappsemina og hann seg-
ir að sér yngri menn hjá fyrirtæk-
inu hafi í kjölfarið farið að dæmi
hans og séu byrjaðir að úða í sig
eðal gingsengi frá Kóreu.
Þórarinn Þórarinson
toti@frettatiminn.is
Ég er að hugsa
um að hætta
að vinna þegar
ég verð 95 ára.
Virðing
Réttlæti
F
í
t
o
n
/
S
Í
A
VR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
verður haldinn á Grand Hótel Reykjavík,
miðvikudaginn 17. apríl nk. og hefst kl. 19:30.
Aðalfundur VR
Dagskrá
Venjuleg aðalfundarstörf
Innborgun í VR varasjóð
Haukur Sigurjónsson vinnur erfiðisvinnu dagana langa þótt hann sé orðinn 82 ára gamall. Kraftinn telur hann sig fá frá Rauðu eðal gingsengi sem hann hefur notað í aldarfjóðrung. Ljósmynd/Hari
H aukur Sigurjónsson rekur fyrirtækið Sögun og borun og starfar sem undirverktaki fyrir byggingafyrirtæki. Hann vaknar fyrir allar
aldir og djöflast í byggingavinnu fram á kvöld alla
daga vikunnar nema sunnudaga og treystir sér til þess
að halda þessu áfram í það minnst þangað til hann
verður 95 ára. Orkuna þakkar hann gingsengi frá Kór-
eu sem hann hefur tekið inn í rúman aldarfjórðung.
„Tjah, ætli ég vinni ekki svona fjórtán, fimmtán
tíma á dag. Ég hugsa nú að ég geti þetta ekki síst
vegna þess að ég nota mikið Rautt eðal gingseng,“
Djöflast á sleggjunni dagana langa
Verktakinn Haukur Sigurjónsson lætur ekki
háan aldur aftra sér frá því að vinna erfiðis-
vinnu og langa vinnudaga. Karlinn er tápmikill
og hress og vill þakka orkuna Rauðu eðal
gingsengi sem hann hefur neytt í einn 25 ár
eða svo. Hann á tíu börn með fimm konum og
vill ekki útiloka að börnin hefðu orðið enn fleiri
ef hann hefði byrjað fyrr að nota gingseng.
26 viðtal Helgin 5.-7. apríl 2013