Fréttatíminn - 05.04.2013, Page 62

Bókin Lág kolvetna lífsstíllinn, eftir Gunnar Má Sigfússon,
líkamsræktarþjálfara seldist hratt upp hjá útgefanda og ný
prentun er ekki væntanleg fyrr en um miðjan mánuðinn.
Áhugi fólks á því að skera niður kolvetni í fæðu sinni virðist
mikill um þessar mundir en það er ekki nóg með að bókin
hafi rokselst heldur er skortur á helstu hráefnum sem
notuð eru í mataruppskriftirnar í bókinni.
Sirrý Svöludóttir, hjá Yggdrasil sem meðal annars flytur
inn hollustufæðið sem mælt er með í bókinni, segist varla
anna eftirspurn eftir hráefninu sem Gunnar mælir með
í bók sinni. Í gær var nánast slegist um sumt af þessu í
versluninni og að sögn Sirrýjar seldist pöntun sem áætlað
var að myndi duga í þrjár vikur upp á sólarhring.
Þær vörur sem njóta mestra vinsælda eru meðal annars
möndlumjölk, kókoshveiti, Lífræn kókoshnetuolía frá
Himneskri Hollustu og erythriol sætuefni sem er kaloríu-
og sykurlaust. Hjá Yggrdrasil var brugðist snarlega við
þessum skyndilega skorti og eftirsóttustu vörutegundirnar
eru væntanlegar á næstu dögum.
Gunnar Már, höfundur bókarinnar, er ötull talsmaður
þess að fólk temji sér kolvetnaskertan lífsstíl og tilfærir í
bókinni fjölda uppskrifta að réttum sem uppfylla kröfur
hans og virðast hafa fallið í vægast sagt frjóan jarðveg.
 TónlisT inga María HjarTardóTTir Frá FjölbrauT í berklee College oF MusiC
Heldur ein á vit ævintýranna í Boston
Inga María Hjartardóttir er Skagastelpa
í húð og hár. Hún er að ljúka námi af
félagsfræðibraut Fjölbrautarskóla Vest-
urlands í vor. Tónlistin á hug hennar all-
an og í haust heldur hún á vit ævintýr-
anna í Boston í Bandaríkjunum þar sem
hún hefur fengið inni í Berklee College
Of Music en hún var valin úr hópi 7000
sem sóttu um nám á þessu ári.
„Ég held sennilega að þessi skóli sé
með bestu jass/popp söngdeild í heimi,“
segir Inga María sem er að vonum í
skýjunum. „Ég stefndi alltaf á að fara
í skóla í Svíþjóð vegna þess að ég bjó
þar í tvö ár fyrir nokkrum árum en fann
ekkert þar sem hentaði mér nógu vel.“
Ingu Maríu var síðan bent á Berklee
og að vandlega athuguðu máli sá hún
ekki fram á að finna annars staðar nám
sem hentaði henni jafn vel. Hún sótti
því um á netinu og var boðuð í viðtal
fljótlega eftir það. „Mér leist nú ekki
alveg á þetta í fyrstu og fannst þetta
svolítið stórt og ógnvekjandi en ákvað
síðan að láta slag standa vegna þess að
ég fann ekkert annað sem mér fannst
jafn flott og þessi skóli.“
Inga María tók síðan saman tóndæmi
með því besta sem hún hefur sungið
og samið sjálf og mætti í prufuna sem
hún fékk að taka í London þar sem
flugið þangað er styttra og ódýrara en
til Boston. „Þetta gekk alveg ótrúlega
vel. Þau hrósuðu mér fyrir að vera
vel undirbúin,“ segir Inga María sem
var eini Íslendingurinn í prufunum í
London. „Ég fékk smá kast um daginn
yfir því að vera að fara ein út, bara nítján
ára, en ég fæ að öllum líkindum pláss
á heimavistinni þarna og fæ mikinn
stuðning hérna heima og allir eru svo
spenntir fyrir mína hönd. Þannig að
þetta er bara ótrúlega gaman og ég er
mjög þakklát. Ég kvíði þessu ekkert
núna og er bara ótrúlega spennt.“ -þþ
Inga María ætlar að taka tónlistarflutning sem aðalfag í Berklee
og stefnir að því að lifa á tónlistinni í framtíðinni.
Christopher
Nolan var
hérna á
okkar vegum
yfir páskana
en meira get
ég ekki sagt.
 bíó CHrisTopHer nolan skoðaði TökusTaði uM páskana
Ísland í sigti enn
einnar stórmyndar
Bandaríski kvikmyndaleikstjórinn Christopher Nolan var á Íslandi ásamt félögum sínum um
páskana í leit að tökustöðum fyrir næstu mynd sína, Interstellar. Nolan hefur góða reynslu af
Íslandi eftir að hann tók hér upp atriði fyrir Batman Begins og ef hann ákveður að starfa aftur
á Íslandi eru góðar líkur á að stórstjörnustraumurinn hingað haldi áfram þar sem Matthew
McConaughey hefur verið ráðinn í aðalhlutverkið í Interstellar.
k vikmyndaleikstjórinn Christop-her Nolan eyddi páskunum á Ís-landi, ásamt nokkrum samstarfs-
mönnum sínum, en þeir voru hér til
þess að skoða mögulega tökustaði
fyrir næstu stórmynd Nolans,
vísindaskáldskapinn Inter-
stellar.
„Já, Christopher Nolan
var hérna á okkar vegum
yfir páskana en meira get
ég ekki sagt,“ segir Árni
Björn Helgason, fram-
kvæmdastjóri erlendrar
framleiðslu hjá Sagafilm.
Samkvæmt Internet
Movie Database er Nolan
byrjaður á forvinnu
fyrir vísindaskáldskapinn
Interstellar og því ljóst
að hann sér fyrir sér að ís-
lenskt landslag geti hentað
sýn sinni á myndina sem
gerð er eftir skáldsögu eðlis-
fræðingsins Kip Thorne.
Nolan hefur góða reynslu af
Íslandi sem tökustað en hann tók
upp atriði fyrir Batman Begins á
Svínadalsjökli 2004. Sagafilm
þjónustaði Nolan þá og
það samstarf heldur nú
áfram.
Interstellar er
ekta vísinda-
skáld-
skapur
enda byggir hún á kenningum Kip Thorne
um ormagöng sem bjóða upp á flakk í tíma
og rúmi og annað sem ekki verður útskýrt
í stuttu máli. Thorne er enginn smákarl
í þessum fræðum enda góður félagi ekki
ómerkari spekinga en Stephen Hawking
and Carl Sagan.
Nolan á, auk hins vinsæla Batman-þrí-
leiks, að baki magnaðar myndir eins og
Inception og Memento og engin hætta er
á að Interstellar verði smærri í sniðum en
þær stórmyndir þar sem sjálfur Steven
Spielberg ætlaði sér lengi vel að gera hana.
Mikil leynd hvílir yfir verkefninu en
nú hefur fengist staðfest að leikarinn
Matthew McConaughey hafi verið ráðinn í
aðalhlutverkið. McConaughey hefur bæði
leikið í rómatískum gamanmyndum með
til dæmis Jennifer Lopez, Jennifer Garner
og Sarah Jessica Parker og tekist á við al-
varlegri hlutverk og fór nú síðast á kostum
í Killer Joe eftir William Friedkin.
Finni Nolan finnur það sem hann er að
leita að á Íslandi bætist McConaughey
líklega í þann stjörnufans sem hefur komið
til Íslands til þess að leika í stórmyndum
á undanförnum misserum. Og þar sem
Nolan hefur áður unnið hérna og lands-
lagið hérna virðist geta brúað bilið milli
fortíðar og fjarlægrar framtíðar hlýtur
að vera nokkur ástæða til bjart-
sýni í þessum efnum en í
fyrra voru tekin upp
atriði á Íslandi fyrir
bíblíusögumyndina
Noah og framtíð-
arspennumynd-
ina Oblivion, með
Tom Cruise, sem
verður frumsýnd
hérna í næstu viku.
Þórarinn
Þórarinsson
toti@frettatiminn.is
Matthew McConaughey
fer með aðalhlutverkið
í Interstellar og gæti
því ef allt gengur
upp verið á leið til
Íslands. Ljósmynd/
NordicPhotos/
Getty
Christopher Nolan
ásamt leikurunum
Michael Caine og
Joseph Gordon-
Levitt sem léku
bæði í The Dark
Knight Rises og
Inception. Þar sem
Nolan er gjarn á að
vinna með sömu
leikurunum er
ekki loku fyrir það
skotið að annar
hvor þeirra eigi
eftir að sækja
Ísland heim með
leikstjóranum. Ljós-
mynd//NordicPhotos/
Getty
Kitlaðu bragðlaukana með þriggja rétta matseðli
og eigðu kósýkvöld að hætti Nauthóls.
KÓSÝ Á KVÖLDIN
www.nautholl.is www.facebook.com/nautholl nautholl@nautholl.is S. 599 6660
FYRSTA
SVANSVOTTAÐA
VEITINGAHÚSIÐ
Á ÍSLANDI
Kolvetnalaust æði gengur yfir
Bókin Lág
kolvetna
lífsstíll-
inn, eftir
Gunnar
Má
Sigfússon,
er með
mest seldu
bókunum
á landinu
þessa
dagana.
Fyrsta
prentun er
uppurin en
önnur er
væntanleg
síðar í apríl.
Kókoshnetuolían hefur
verið illfáanleg eftir að
bók Gunnars sló í gegn.
62 dægurmál Helgin 5.-7. apríl 2013