Fréttatíminn - 28.12.2012, Qupperneq 8
Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Mikael Torfason
mikaeltorfason@frettatiminn.is. Framkvæmda- og auglýsingastjóri: Valdimar Birgisson valdimar@frettatiminn.is. Útgáfustjóri: Teitur Jónasson teitur@frettatiminn.is .
Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
Á Ástæða er til þess að staldra við um áramót, líta um öxl og síðan fram á við. Árið sem nú er að líða hefur um margt verið Íslending-um gjöfult. Við erum smátt og smátt að ná okkur upp úr öldudal kreppunnar. Sjávar-
útvegur hefur um alllangt skeið gengið vel,
skapað mikil verðmæti og verið veigamikill
þáttur í viðsnúningi til betri vegar. Þar er
hins vegar blika á lofti, annars vegar vegna
þess að markaðir eru ótrygg-
ari en verið hefur með líkum
á lækkandi afurðaverði og
hins vegar vegna óvissu um
stjórnkerfi sjávarútvegsins.
Sú óvissa hefur sett mark sitt
á atvinnuveginn og orðið til
þess að draga úr nauðsyn-
legri fjárfestingu. Þar þarf að
ná lendingu. Sátt þarf að ríkja
um undirstöðuatvinnuveginn.
Að honum þarf að búa svo
hann dafni og skili með þeim
hætti afrakstri til þjóðarinnar.
Ferðaþjónustunni verður vart lýst með
öðrum hætti en að þróunin hafi verið ævin-
týraleg. Hvert metið á fætur öðru var slegið
í fjölda erlendra gesta sem sóttu okkur
heim, hvort heldur var milli mánaða eða
árið í heild. Ferðaþjónustufyrirtækin hafa
blómstrað, flest að minnsta kosti. Æ fleiri
flugfélög fljúga hingað en Icelandair ber,
sem fyrr, ægishjálm yfir önnur. Starfsemi
Iceland Express sameinaðist hinu nýstofn-
aða félagi Wow-air en félögin, sitt í hvoru
lagi og sameinuð, hafa auðveldað fólki milli-
landaflug með hagstæðum fargjöldum.
Aukið gistirými býðst, bílaleigum fjölgar og
hópferðafyrirtækin sinna sínu. Fjölbreytt af-
þreying er í boði en sem fyrr er það íslensk
náttúra sem höfðar til flestra. Mesti vandinn
sem við stöndum frammi fyrir er að gæta að
náttúruperlum landsins. Álagið er að nálgast
þolmörk á vinsælustu stöðunum.
Veðurblíða sumarsins 2012, nánast um
allt land, létti mönnum lífið. Landið skartaði
sínu fegursta enda ferðast landsmenn meira
um eigið land en áður. Síhækkandi eldsneyt-
isverð setur þó strik í reikninginn. Það var
í hæstu hæðum á árinu og hefur vissulega
áhrif á rekstur heimilanna.
Þótt sumarið væri blítt vorum við minnt á
það, snemma í september, á hvaða breidd-
argráðu við búum. Mikið hret áður en rekið
hafði verið af fjalli norðanlands olli búsifjum.
Margir sauðfjárbændur urðu fyrir tilfinnan-
legu tjóni í áhlaupinu vegna fjárfellis.
Óvissa fylgir nýju ári, eins og ævinlega.
Þar ráðum við örlögum okkar hins vegar að
miklu leyti sjálf, þótt vissulega séum við háð
ytri aðstæðum, ástandi á erlendum mörk-
uðum og efnahagsástandi í viðskiptalöndum
okkar. Engin ástæða er þó til að ætla annað
en hagur landsmanna haldi áfram að batna
ef skynsamlega verður á spilum haldið.
Mikil ábyrgð hvílir á aðilum vinnumarkaðar-
ins þegar kemur að endurskoðunarákvæð-
um kjarasamninga nú í byrjun árs. Það er í
þágu atvinnulífs og launþega að efna ekki til
átaka sem leitt gætu til háskalegra verð-
bólgusamninga. Ekkert kæmi heimilunum
verr.
Alþingiskosningar verða í vor. Síðustu
þingkosningar, vorið 2009, voru haldnar við
sérstakar aðstæður. Þá ríkti órói í samfé-
laginu, að vonum, eftir bankahrun með
alvarlegum efnahagslegum afleiðingum.
Núverandi ríkisstjórn tók við erfiðu búi
og pólitísk átök hafa verið hörð á kjör-
tímabilinu. Margt hefur bærilega tekist en
annað miður. Krafa kjósenda hlýtur að vera
að við taki samstíga ríkisstjórn að loknum
kosningum, hvaða flokkar sem að henni
kunna að standa – og að kjörnir fulltrúar
snúi bökum saman um framfaramál.
Svo við á Fréttatímanum lítum okkur nær
þá hefur blaðinu vaxið fiskur um hrygg á því
ári sem er að líða. Lestur Fréttatímans hefur
aldrei verið meiri en nú. Blaðinu hefur verið
afar vel tekið af lesendum og auglýsendum.
Það hefur fest sig vel í sessi þegar það hefur
sinn fjórða árgang. Fyrir þær móttökur ber
að þakka. Starfsfólk Fréttatímans mun kapp-
kosta að gera gott blað enn betra á nýju ári.
Gleðilegt ár.
Áramót
Upp úr öldudalnum
Jónas Haraldsson
jonas@frettatiminn.is
Gnarr slær á gikkfingur
Byssurnar ykkar og vopnaeign er
vandamálið. Þið þurfið meira
eftirlit með skotvopnum.
Þetta er skammarlegt.
Jón Gnarr, borgarstjóri,
sendi byssuóðum Banda-
ríkjamönnum tóninn á
Facebook.
Bullað úti í bæ
Þá bara ræða menn úti í bæ það.
Þeim er það frjálst. Ég get ekki tekið
þátt í að ræða einhverja svona vitleysu.
Guðmundur Guðmundsson, þjálfari
Rhein-Neckar Löwen, var ekkert sér-
staklega ánægður í spjalli á X-inu með
kjaftagang og samsæriskenningar um
hvers vegna Alexander Peterson ætlaði
að taka sér frí frá íslenska handknatt-
leikslandsliðinu.
Skelfilegir gíróseðlar
Ég hef fundið fyrir ótta hjá fólki
um hvaða reglur muni gilda vegna
formannskjörs.
Árni Páll Árnason, þingmaður Sam-
fylkingarinnar, hefur fengið óttablandin
viðbrögð við áformum Samfylking-
arfélags Reykjavíkur að heimila
eingöngu þeim sem greitt hafa
félagsgjöld sín að taka þótt í
formannskjöri flokksins.
Inn og út um gluggann
Svo fórum við að tala við
drenginn út um eldhús-
gluggann, buðum honum súpu
og hangikjöt.
Bóndinn á Ásólfsstöðum, Sigurður
Páll Ásólfsson, tók höfðinglega á móti
strokufanganum Matthíasi Mána sem
bankaði upp á hjá honum árla morguns
og tilkynnti um uppgjöf sína.
Lömbin þagna
Hér er fólk í klæðum framleiddum af
barnaþrælum og alls kyns ljótum bolum
og skyrtum.
Árni Johnsen, sá þjóðlegi þingmaður,
brást hinn versti við því að honum og
Katrínu Jakobsdóttur menntamálaráð-
herra var gert að afklæðast lopapeysum
sínum í þingsal.
Ambögumóri
Konnekkktikött (Connecticut ,frb konn-
ettikött) draugurinn gekk aftur
í fréttum Ríkissjónvarps á
Þorláksmessukvöld. Og
Molaskrifari sem hélt
að búið væri að kveða
drauginn niður. Þetta
er ótrúlega erfitt!
Málvöndurinn Eiður
Guðnason þreytist ekki
á að reyna að kenna
fréttafólki Ríkisútvarpsins
að bera Connecticut rétt
fram en á ekki erindi sem erfiði.
Í einangrun
Þetta er yndislegt. Ég er að fá að vita
að drengurinn minn er heill á húfi,
hann er kominn aftur á Litla-Hraun,
það er bara alveg nóg fyrir mig, hjartað
mitt er aftur komið á sinn stað.
Amma strokufangans Matthíasar Mána
gladdist mjög þegar barna-
barnið skilaði sér undir
mannahendur eftir viku
útilegu.
Vikan sem Var
Ólafur Stefánsson handboltamaður er maður
vikunnar að þessu sinni vegna þess að hann hefur
ákveðið að verða við beiðni Arons Kristjánssonar
landsliðsþjálfara og leika með íslenska landsliðinu á
heimsmeistaramótinu í handknattleik sem fram fer á
Spáni í janúar, handboltaáhugafólki til mikillar gleði.
Ólafur lék síðast með landsliðinu á Ólympíuleik-
unum í London síðasta sumar og tilkynnti að þeim
loknum að hann væri hættur að leika með
landsliðinu. Hann lék síðast með AG København
sem varð gjaldþrota í sumar. Í byrjun desember
skrifaði Ólafur síðan undir samning við lið í Katar,
Lakhwiya Sports Club, og heldur til höfuðborgar
landsins, Doha, í kjölfar heimsmeistaramótsins,
þar sem hann hyggst spila í tæpt hálft ár.
Ólafur er einn ástsælasti íþróttamaður landsins
og hefur fjórum sinnum hlotið titilinn íþróttamaður
ársins.
MaðuR vikunnaR
Leiðir landsliðið á ný
wowtravel.is
Verð á
mann frá: 12.990 kr.
á nýju ári
Innifalið er flug með sköttum.
Bókaðu á wow.is eða í síma 590 3000.
Köben
Kíktu í kaupstaðinn
Verð á mann
í tvíbýli, frá: 46.900 kr.
Innifalið er flug með sköttum, gisting í 2 nætur með
morgunverði á Wakeup Copenhagen.
Bókaðu á wowtravel.is eða í síma 590 3000.
Borgarferð
Alhliða ánægjuför
til Köben
Flug, gisting, hafmeyja og öl
Verð á mann
m.v. 2 fullorðna
og 1 barn, frá: 89.633 kr.
Innifalið er flug og gisting á Hotel Salzburgerhof með hálfu fæði.
Afslátturinn gildir á skíðapökkum í janúar 2013.
Bókanlegt á wowtravel@wowtravel.is
eða í síma 590 3000.
Skíðaferð
Brunaðu til Austurríkis
með alla ölskylduna
50% afsláttur á flugi fyrir börnin
Tímabil: 7. jan. – 15. mars
8. – 10. febrúar
Gott færi
LOFORÐ
WOW
LÆGSTA VERÐIÐNÝJAR VÉLAROG BREIÐASTA
BROSIÐ
8 viðhorf Helgin 28.-30. desember 2012