Fréttatíminn - 28.12.2012, Qupperneq 12

Með ósk um ferska
vinda á nýju ári
Vindmyllur hafa náð verulegri
útbreiðslu víða um heim og
verða sífellt hagkvæmari kostur
til raforkuvinnslu. Þær valda
ekki varanlegum náttúru-
spjöllum og nýta orkugjafa sem
mun endurnýjast á meðan líft
er á jörðinni. Sumum finnst að
vindmyllur spilli ásýnd, en rétt
staðsettar eru þær spennandi
og framsækin leið til að vinna
umhverfisvæna raforku.
Vindmyllurnar tvær eru mikil
mannvirki. Þær eru 77 metra
háar með spaða í hæstu stöðu
og vanur starfsmaður er að
minnsta kosti fimm mínútur
að klifra upp í stjórnhúsið.
Samanlagt uppsett afl þeirra er
tæp 2 MW og þær geta séð um
1200 heimilum fyrir rafmagni.
Gangi rekstur þeirra að óskum
og verði þeim vel tekið er hugs-
anlegt að í framtíðinni rísi fleiri
og öflugri vindmyllur á Íslandi.
Raforkuvinnslan verður mest
yfir hinn vindasama vetrar-
tíma, en þá eru ár landsins
einnig vatnsminnstar og
hratt gengur á miðlunarlón.
Samrekstur vindmyllugarðs og
vatnsaflsstöðva er því einkar
áhugaverður kostur.
Umfangsmikil orkuvinnsla úr
íslenskum vindi er einungis
hugmynd enn sem komið er.
Við eigum eftir að sjá hvort raf-
orkuvinnsla með vindorku sé
hagkvæmur kostur við íslenskar
aðstæður. Sumir munu líta á
vindmyllur á víðerni Hafsins
sem sjónmengun og öðrum
þykja þær fallegar — en án
rannsókna og þróunarstarfs
munum við ekkert læra.
Hraunsléttan norðan við Búrfell er kölluð Hafið, þó hún sé um sjötíu kíló- metra frá sjó. Þar hefur Landsvirkjun reist tvær vindmyllur, þær fyrstu sinnar
gerðar á Íslandi. Vindmyllurnar eru rannsóknarverkefni en markmið okkar er að
breyta íslenska rokinu í verðmæta auðlind.
Landsvirkjun er framsækið fyrirtæki í eigu íslensku þjóðarinnar. Markmið fyrirtækis-
ins er að vera leiðandi í nýtingu endurnýjanlegra orkugjafa á Íslandi. Við óskum okkar
frábæru vísindamönnum, starfsfólki og landsmönnum öllum gifturíks komandi árs.
www.landsvirkjun.is