Fréttatíminn - 28.12.2012, Qupperneq 22

BREYTT OG BÆTT VÍNBÚÐ
EFTIR ÁRAMÓT
vinbudin.is
VÍNBÚÐINNI OKKAR Í AUSTURSTRÆTI VERÐUR LOKAÐ
Í JANÚAR OG FRAM Í FEBRÚAR VEGNA ENDURBÓTA.
HLÖKKUM TIL AÐ BJÓÐA YKKUR VELKOMIN Í NÝJA OG
BETRI VÍNBÚÐ.
Valur Freyr Einarsson
og Ilmur Stefánsdóttir
Hjónin Valur Freyr Einarsson
og Ilmur Stefánsdóttir, mynd-
listarkona og leikmyndahönnuður,
áttu leiksýningu ársins, Tengdó, á
Grímunni í sumar. Valur Freyr fékk
að auki leikskáldaverðlaunin en hann
samdi verkið um mömmu Ilmar. Þá var
hann valinn besti leikari ársins.
Damon Younger
Damon átti firnasterka innkomu í
hlutverki brjálæðingsins Brúnó í
Svartur á leik. Myndin var gegnum-
sneitt ákaflega vel leikinn en Damon
skyggði á alla aðra. Í dómi Frétta-
tímans um Svartur á leik var þetta
sagt um Damon: „Damon Younger er, að
öðrum ólöstuðum, aðalgæi myndarinn-
ar. Hann er hreint út sagt frábær Brúnó
og skilar svo ógeðslegum sikkópata með
slíkum ísköldum glæsibrag að annað
eins illmenni hefur ekki sést í íslensku
bíói. Frammistaða á heimsmælikvarða!“
Katrín Jónsdóttir
Katrín átti stórleik með
íslenska kvennalandsliðinu í
knattspyrnu. Fyrirliðinn leiddi lið
sitt aftur á stórmót í knatt-
spyrnu auk þess sem hún sinnti
læknastörfum af sömu elju og metnaði
og á knattspyrnuvellinum.
Sóley Stefánsdóttir
Tónlistarkonan Sóley kom öllum á
óvart þegar nýtt myndband
hennar við lagið I'll drown af
plötunni We Sink, sem kom út í
fyrra, sló hressilega í gegn á
Youtube. Það lag og reyndar
fleiri lög eftir hana hafa náð fleiri
milljónum spilana á vefsíðunni.
Ingibjörg Reynisdóttir
Leikkonan Ingibjörg Reynisdóttir á
óvæntustu metsölubók síðustu ára
en bók hennar um einbúann Gísla á
Uppsölum hitti þjóðarsálina í hjartastað
og hefur selst í bílförmum. Hún ýtti við
bæði Arnaldi Indriðasyni og Yrsu Sigurðardóttur
á metsölulistum jólabókaflóðsins.
Vilborg Arna Gissurardóttir
Útivistarkonan Vilborg Arna eyðir jólunum alein
á Suðurheimskautinu en hún gerir ráð
fyrir að komast á Suðurpólinn um miðjan
janúar en þá hefur hún lagt að baki
um 1100 kílómetra. Þetta gerir hún til
stuðnings styrktarfélagsins Líf.
Gréta Salóme
Fiðluleikarinn fingrafimi Gréta Salóme heillaði
landann með lagi sínu Never Forget eða Mundu
eftir mér í Söngvakeppni Sjónvarpsins og fór síðan
með lagið til Bakú í Aserbaídsjan þar sem hún keppti
fyrir hönd landsins í Eurovision. Hún hafnaði í 20. sæti
og sendi nýverið frá sér sína fyrstu hljómplötu.
Elva Dögg
Elva Dögg Gunnarsdóttir er með versta
tilfelli Tourette-heilkennis sem læknir
hennar hefur nokkru sinni séð.
Brynja Þorgeirsdóttir kynnti
Elvu fyrir þjóðinni með heimildar-
mynd sinni Snúið líf Elvu. Elva er með
fyndnari uppistandsgrínurum lands-
ins og fer á kostum á sviði þar sem hún gerir
ekki síst grín að sjálfri sér og sjúkdómi sínum.
Jón Margeir Sverrisson
Sundkappinn kom, sá og sigraði á Ól-
ympíumóti fatlaðra í London. Þessi 19 ára
Kópavogsbúi eyðir 25 klukkustundum í
sundlaug á viku. Hann er elstur þriggja
systkina og býr hjá einstæðum föður sínum.
Íslendingar samglöddust honum ákaflega þegar
hann vann til gullverðlauna á mótinu.
Bjarni Benediktsson
Formaður Sjálfstæðisflokksins
á ekki sjö dagana sæla með
Hönnu Birnu á ljóshraða upp
metorðastigann innan flokksins.
Bjarni varð að vísu efstur í prófkjöri
flokksins í Suðvesturkjördæmi en
fékk aðeins 54% stuðning í efsta
sætið sem er engum formanni
gott veganesti í kosningabaráttu. Þá var DV
duglegt við að herða vafningssnöruna um
háls Bjarna á árinu sem hann klárar laskaður
og á hálum ís.
Þóra Arnórsdóttir og
Svavar Halldórsson
Hjónin Þóra og Svavar fengu sterkan
meðbyr þegar Þóra gaf kost á sér til
embættis forseta Íslands gegn hinum
þaulsætna Ólafi Ragnari
Grímssyni. Á tímabili leit
úr fyrir að Ólafi Ragnari
stæði mikil og raunveruleg ógn
af framboði Þóru en eftir því
sem leið á baráttuna fjaraði
undan framboði hennar
á meðan forsetinn sótti
hressilega í sig veðrið.
Þóra var valin vinsælasti sjónvarps-
maður ársins áður og naut mikilla
vinsælda sem aðstoðarritstjóri Kastljóss og
spyrill í Útsvari. Eftir hrakfarirnar í kosninga-
baráttunni hefur lítið sem ekkert sést til
sjónvarpsstjörnunnar og skjárinn er fátæklegri
fyrir vikið. Eiginmaður hennar átti ekki heldur
sjö dagana sæla á árinu. Fortíð hans þvældist
fyrir framboðinu en á móti kom sú virðing
sem hann naut fyrir að hafa gengið hart
fram í fréttaflutningi af bralli Jóns Ásgeirs
Jóhannessonar og Pálma Haraldssonar. Þar
var þó kappið meira en forsjáin og Hæstiréttur
dæmdi honum í óhag í meiðyrðamáli sem Jón
Ásgeir höfðaði gegn honum. Svavar er kominn
aftur í fréttirnar en hefur ekki sýnt sömu
tilþrif og fyrir kosningatapið.
Björn Valur Gíslason
Formaður fjárlaganefndar
og innsti koppur í her-
búðum Steingríms J. Sigfús-
sonar neyddist til þess að tefla
djarfan leik í vetur þegar
hann flutti sig um set og
gaf kost á sér í forvali
Vinstri grænna í Reykjavík. Sjóarinn
að norðan höfðaði ekki til lattélepjandi
lopapeysuliðsins í höfuðborginni sem
hafnaði honum. Björn Valur hverfur því
af þingi á næsta ári.
Lilja Mósesdóttir
Lilja var einn grimmasti villikötturinn
í flokki Vinstri grænna og endaði með
að yfirgefa flokkinn. Hún fór með
himinskautum í vinsæld-
um eftir brotthlaupið og
mældist með um 25% fylgi
í fyrstu skoðanakönnun eftir
að hún boðaði að hún myndi
stofna nýtt stjórnmálaafl.
Síðan varð Samstaða til
en vinsældir Lilju gufuðu
upp, hún hætti við að taka að sér for-
mennsku í hinum nýja flokki og yfirgaf
hann síðan. Lilja náði hátt á listum yfir
fólk ársins fyrstu árin eftir hrun en nú vilja fáir
Lilju kveðið hafa.
Sigrún Stefánsdóttir
Löngum drottnunartíma Sigrúnar Stefáns-
dóttur sem dagskrárstjóra Ríkisútvarps-
ins lauk skyndilega á árinu
eftir að hún lenti upp á kant við
blóðheitan útvarpsstjórann, Pál
Magnússon. Staða dagskrárstjóra
felur óneitanlega í sér völd og áhrif í
menningarlífinu en deila um má
um hversu vel Sigrún spilaði úr
þeim þar sem á meðal rósanna í
hnappagati hennar voru mislukkaðir þættir
eins og Tríó og Kexvexmiðjan.
Stjörnuhröp 2012
STJÖRNUR ÁRSINS 2012 FRAMHALD
22 úttekt Helgin 28.-30. desember 2012