Fréttatíminn - 28.12.2012, Blaðsíða 53
Skákakademían
Blóði drifin fæðingarsaga
U ppruni skákarinnar er mistri hulinn, en við vitum þó nokkurn veginn fyrir víst, að þetta vinsæl-
asta borðspil allra tíma var fundið upp á
Indlandi. Í öndverðu var liðskipan tafl-
mannanna byggð á indverska hernum –
hrókurinn var stríðsvagn, biskupinn fíll
og „drottingin“ var sérlegur ráðgjafi kon-
ungsins. Riddarinn var vitaskuld tákn
riddaraliðsins og peðin gegndu hlutverki
fótgönguliða.
Ekkert er vitað um „höfund“ skákar-
innar enda líklegt að hún hafi orðið til
og þróast á löngum tíma. Til eru nokkr-
ar goðsagnir um uppruna skákarinnar,
og samkvæmt þeirri vinsælustu fæddist
skákin í blóði skapara síns. Það gerðist
svona:
Maðurinn sem fann upp manntaflið gekk á fund
fursta nokkurs á Indlandi og færði honum fyrsta
taflsettið að gjöf. Furstinn varð himinlifandi yfir
gjöfinni og tilkynnti í gleðivímu að uppfinningamað-
urinn fengi að launum hvaðeina sem hann óskaði sér.
Sú ósk virtist mjög smá í sniðum, enda glottu menn
við hirðina yfir hógværð uppfinningamannsins, sem
aðeins fór fram á eitt hrísgrjón á fyrsta reit skákborðs-
ins, 2 á þann næsta, þá 4, 8, 16, 32 og svo framvegis,
þannig að tala hrísgrjónanna tvöfaldaðist uns komið
væri að 64. og síðasta reitnum.
Furstinn lét birgðavörðum sínum eftir að reikna
dæmið, en settist sjálfur hugfanginn að tafli. Úr vöru-
skemmum furstans bárust hinsvegar ískyggilegar
fréttir: Allar hrísgrjónabirgðir ríkisins dugðu ekki til
að uppfylla óskina – hrukku reyndar afar skammt.
Margir hafa síðan dundað við að leysa indversku
stærðfræðiþrautina, og einn reiknimeistari komst
að þeirri niðurstöðu að hrísgrjónin hefðu dugað til
að þekja jörðina alla með þykku lagi. Í öllu falli var
morgunljóst að furstinn hafði lofað upp í ermina á sér:
Samanlögð uppskera heimsins í mörg ár hefði ekki
dugað til að uppfylla ósk hins slóttuga uppfinninga-
manns.
Viðbrögð furstans? Jú, samkvæmt
þjóðsögunni lét hann hálshöggva
uppfinningamanninn og hélt svo
áfram taflinu.
Bragi skákaði stórmeisturunum í
Landsbankanum
Friðrik Ólafsson, fyrsti stórmeist-
ari Íslendinga, fór á kostum í keppni
roskinna meistara við ungar og efni-
legar skákkonur. Í liði með Friðriki
voru kempurnar Hort, Romanishin
og Uhlmann, allt kunnugleg nöfn úr
skáksögunni, og þeir sigruðu með
eins vinnings mun. Það var einmitt
okkar maður sem tryggði gömlu
kempunum sigur með vinningi í
síðustu umferð. Friðrik tefldi afar vel
og skemmtilega á mótinu, sem fram fór í Tékklandi.
Meðan Friðrik og félagar glímdu við skákkonurn-
ar fór fram Friðriksmótið í Landsbankanum, sem
jafnframt var hraðskákmót Íslands. Landsbankinn
hefur í næstum áratug staðið að mótinu ásamt
Skáksambandi Íslands, og er Friðriksmótið einn af
hápunktum íslenska skákársins.
Keppendur voru um 80 og í þeim hópi voru átta
stórmeistarar. Enginn þeirra komst þó á verðlauna-
pall, sem er saga til næsta bæjar. Þrír urðu efstir og
jafnir, alþjóðlegu meistararnir Bragi Þorfinnsson,
Hjörvar Steinn Grétarsson og Jón Viktor Gunnars-
son. Bragi varð efstur á stigum, enda rúllaði hann
m.a. upp fjórum stórmeisturum á mótinu og er verð-
skuldaður Íslandsmeistari í hraðskák 2012.
Marlon, Marlene og Madonna...
Hvað eiga Bono og Bill Gates sameiginlegt? Jú,
báðir eru áhugamenn um skák, einsog svo margir
snillingar og frægðarmenni. Liðsmenn skákgyðj-
unnar koma svo sannarlega úr öllum áttum – af
öðrum kunnum skákáhugamönnum gegnum tíðina
má nefna Beethoven, Churchill, Einstein, Verdi,
Marlon Brando, Marlene Dietrich og Madonnu. Sú
síðastnefnda hefur meira að segja sérstakan skák-
þjálfara!
skákþrautin
Hvítur hefur byggt
upp sóknarstöðu
og nú kemur
lokahnykkurinn.
Di Paolo hafði
hvítt gegn Olivier.
1. Hexf6! Hxf6
2.Hxf6 1-0 (2....
gxf6 3.Dxh6+ Kg8
4.Bc4+)
Góða (skák)helgi!
Stórmeisturum skákað. Hjörvar steinn, Bragi og Jón Viktor efstir á Friðriks-
mótinu í Landsbankanum.
Madonna hefur sérstakan
skákþjálfara.
skák 53 Helgin 28.-30. desember 2012
Gleðilegt ár
þökkum viðskiptin á árinu sem er að líða
Dalvegur 22 · sími 515 2700
www.teitur.is · info@teitur.is