Fréttatíminn - 28.03.2013, Side 48

48 skák og bridge Helgin 28. mars–1. apríl 2013
 Áskorendamótinu í Lundúnum Lýkur um heLgina – um pÁskana verður skÁkhÁtíð Á 70. breiddargrÁðu Á grænLandi
Skák er skemmtileg - um páskana!
Áskorendamótinu mikla í
Lundúnum lýkur á mánu-
daginn, en þar keppa átta
skákjöfrar um réttinn til að
skora á Anand heimsmeistara.
Þegar þetta er skrifað er
Magnus Carlsen í fararbroddi,
en Aronian og Kramnik narta í
hæla hans - aðrir virðast ekki
eiga raunhæfa möguleika á
sigri.
C arlsen hefur teflt af því harð­fylgi og sigurvilja, sem er einkennandi fyrir þennan
unga, norska snilling. Hann teflir
alltaf til þrautar og berst eins og
ljón. Carlsen hefur lent í kröppum
dansi, en ekki tapað skák. Aronian
hlaut slæma byltu gegn Gelfand í
9. umferð, og Kramnik virðist of
fastur í jafnteflisgírnum til að ógna
Carlsen verulega. Allt getur þó
gerst ennþá og skákáhugamenn
ættu að fylgjast vel með gangi mála
í síðustu umferðunum. Beinar út­
sendingar eru t.d. á chessbomb.
com og fréttir eru sagðar á skak.is.
Skákhátíð á ísbjarnarslóðum
Um páskana verður haldin mikil
skákhátíð í Ittoqqortoormiit, sem
er afskektasta þorp Grænlands. Að
hátíðinni standa Hrókurinn, Skák­
akademían og Kalak, vinafélag Ís­
lands og Grænlands, og hún mark­
ar upphafið að ellefta starfsárinu
við útbreiðslu skákíþróttarinnar
meðal okkar góðu granna.
Ittoqqortoormiit er við Scoresby­
sund, og liggur á 70. breiddargráðu,
og næstum þúsund kílómetrar eru í
næsta þorp. Þangað er aðeins hægt
að komast sjóleiðina yfir hásumarið
og verða íbúar því að reiða sig á flug­
samgöngur við Akureyri. Rúmlega
400 manns búa í Ittoqqortoormiit
og í grunnskólanum eru um eitt
hundrað börn og þau munu lang­
flest taka þátt í skákhátíðinni, sem
nú er haldin í þorpinu sjöunda árið
í röð. Óhætt er að segja að næst­
um öll börnin í þorpinu kunni að
tefla og er efamál að nokkuð þorp í
heiminum geti státað af svo miklum
skákáhuga!
Í Ittoqqortoormiit búa sumir af
frægustu veiðimönnum Grænlands
og ísbirnir gera sig iðulega heima­
komna í þorpinu. Veiðimanna­
blóðið rennur því um æðar hinna
skákþyrstu barna í þorpinu og
þau kunna vel að meta skákina, og
munu þyrpast í skákkennslu, fjöl­
tefli og stórmót sem haldin verða
næstu daga. Margir leggjast á eitt
til að gleðja börnin í Ittoqqorto­
ormiit og aðalbakhjarlar þessa
skemmtilega verkefnis eru sveitar­
félagið Sermersooq á Grænlandi og
Norlandair á Akureyri. Leiðangurs­
menn eru Arnar Valgeirsson, Hrafn
Jökulsson, Jón Birgir Einarsson og
Róbert Lagerman. Verðlaun og
vinninga gefa velviljuð íslensk fyr­
irtæki.
Skákþrautin
Hvítur mátar í
3 leikjum.
Renteria stýrði hvítu
mönnunum gegn Mateus
í þessari skemmtilegu
skák sem tefld var í Cali
1999. Hann fann snjalla
leið til að gera út um
taflið.
 bridge ísLendingar Á vorLeikum í st. Louis
Sigur í sterku móti í Bandaríkjunum
LauSn: 1.Dxg7+ Hxg7
2.Hh5+ Hh7 3.Hxh7
skák og mát!
Skákakademían styður íbúa í
kulusuk
Liðsmenn Skákakademíunnar
hafa að undanförnu unnið af
krafti við söfnun vegna brunans
sem varð í Kulusuk fyrir þremur
vikum, en þá brann tónlistarhúsið
í bænum meðan ofsaveður gekk
yfir. Á undanförnum áratug hefur
margoft verið efnt til skákkennslu
og viðburða í Kulusuk, og liðs­
menn Skákakademíunnar þekkja
því vel til í litla þorpinu. Lesend­
ur Fréttatímans eru hvattir til að
hugsa hlýlega til nágranna okkar,
nú þegar páskahátíðin gengur í
garð, og leggja góðum málstað lið
með því að hringja í söfnunarsíma­
númerin: 901 5001 (þúsund krón­
ur), 901 5002 (tvö þúsund krónur),
901 5003 (þrjú þúsund krónur).
Gleðilega páska!
Jón Baldursson og Þorlákur Jónsson gerðu
árangursríka ferð til Bandaríkjanna í síðustu
viku. Þeir fóru þar á vorleika í St. Louis í
Bandaríkjunum þar sem þátttakendur voru
velflestir af sterkustu spilurum heims. Þeir
Jón og Þorlákur spiluðu í sveit Shwartz sem
skipuð var auk þeirra Allan Graves og Rich­
ard Shwartz frá Bandaríkjunum og Norð­
mönnunum Espen Lindquist og Boye Broge­
land. Sveit Shwartz vann þar öruggan sigur í
sterkri keppni, Jacoby Open Swiss og skaut
þar mörgum af þekktari spilurum heims
fyrir aftan sig. Lokastaða efstu sveita varð
þannig:
Swhartz ............................................................. 125.00
Mahaffey ........................................................... 93,75
Mazurkiewitz .................................................... 70,31
Tuhin .................................................................. 55,56
Grue ................................................................... 50,00
Sveit Shwartz fór fyrst í svokallaða Vander­
bilt útsláttarkeppni og þegar hún var slegin
út snemma, var stefnan sett á Jacoby Open
Swiss keppnina þar sem öruggur sigur og
kærkominn sigur vannst.
Páskamót
Bridgespilarar þurfa ekki að örvænta um
páskana því tvö páskamót verða haldin
á höfuðborgarsvæðinu. Fyrst skal nefna
Silfurstigamót sem haldið verður á vegum
Bridgefélags Reykjavíkur í Síðumúlanum
mánudaginn 1. apríl. Spiluð verða þar 44 spil
og í fyrstu verðlaun verður þátttökugjald á
Íslandsmótið í tvímenning sem haldið verð­
ur 13.­14. apríl. Spilastjóri verður Sveinn
Rúnar Eiríksson. Hitt páskamótið er á veg­
um Bridgefélags Hafnarfjarðar. Það verður
haldið klukkan 17:00 að Flatahrauni 3, spila­
stað Bridgefélags Hafnarfjarðar föstudaginn
langa (29. mars). Spilaður verður monrad­
barómeter (pör spila við önnur pör með svip­
aðan árangur) og þar verða einnig spiluð
44 spil með 4 spilum milli para. Það verður
til mikils að vinna því 50% af innkomu fer í
verðlaun fyrir efstu pör.
Sveiflur í báðar áttir
♠G107
♥G95
♦KD3
♣10652
♠KD9853
♥Á87
♦G964
♣–
♠ Á2
♥ Q42
♦ 52
♣ DG9873
♠ 64
♥ K1063
♦ Á1087
♣ ÁK4
n
S
V a
Fyrsta spilið í síðari sveitakeppnisleik
Bridgefélags Reykjavíkur síðasta spilakvöld
var áhugavert. Sveiflurnar voru á báðar áttir.
Toppinn í NS fékk parið Stefán Jóhannsson
og Kjartan Ásmundsson úr sveit Chile sem
fékk að spila fjóra spaða og standa þá. Topp­
inn í AV fékk parið Guðmundur Skúlason
og Þorsteinn Guðbjörnsson úr sveit Seldals­
bræðra en þeir spiluðu 5 lauf dobluð í AV á
vesturhöndina og stóðu þann samning. Út­
spilið var spaðagosi og sóknin naut þess að
vera á undan vörninni. Legan í trompinu var
vond, en kom ekki að sök en legan í hjarta­
litnum var góð og gerði það að verkum, að
hægt var að henda niður tapslagnum í tígli.
Sagnhafi drap spaðaútspilið á ás, spilaði laufi
á ás, tók trompin 4 sem úti voru og síðan
hjarta að drottningu. Þegar hún hélt, var
hjarta spilað á tíu og 3­3 legan tryggði tíg­
ulniðurkastið. Allt spilið var svona, norður
gjafari og enginn á hættu:
Frá sveitakeppni Bridgefélags Reykjavíkur. Anton
Haraldsson og Karl Sigurhjartarson spila gegn
Önnu Ívarsdóttur og Guðrúnu Óskarsdóttur.
Ungi snillingurinn Magnus Carlsen getur
um helgina tryggt sér réttinn til að
skora á Anand heimsmeistara.
Jón Baldursson og Þorlákur Jónsson voru með-
limir í sveit Shwartz í St. Louis í Bandaríkjunum
sem vann sigur í Jacoby Open Swiss sveitakeppni
um síðustu helgi. Með þeim í sveit voru Allan
Graves, Richard Shwartz, Espen Lindquist og
Boye Brogeland.
Opið í Bláfjöllum um páskana
PI
PA
R
\T
BW
A
• S
ÍA
•
13
09
31
skidasvaedi.isUpplýsingasími 530 3000
• 25.–27. mars, opið kl. 11–21
• Skírdagur, föstudagurinn langi, laugardagur, páskadagur og annar í páskum, opið kl. 10–17
• 2. apríl, opið kl. 11–21

Virku dagana í dymbilvikunni og þriðjudaginn 2. apríl mun rútan fara frá Olís Mjódd
kl. 12:40 og kl. 16:15. Ferðir úr Bláfjöllum verða kl. 17 og 21 í Olís Mjódd.
Rútan fer alltaf um Olís Norðlingaholt.