Fréttatíminn - 08.06.2012, Blaðsíða 70

V eitingastaðirnir Dill í Norræna húsinu og Sæmundur í sparifötunum á KEX Hostel munu ganga í eina sæng á næstunni. Gunnar
Karl Gíslason, yfirkokkur og eigandi Dill, mun
hafa yfirumsjón með báðum veitingastöðunum.
Þetta staðfestir Pétur Marteinsson, framkvæmda-
stjóri KEX í samtali við Fréttatímann. Pétur segir
að rekstur þessara tveggja ólíku veitingastaða muni
samtvinnast en að báðir haldi fast í sitt sjálfstæði og
sérkenni. „Dill verður áfram með norrænan mat en
Sæmundur er og verður matarkrá,“ segir Pétur sem
fagnar komu Gunnars Karls í teymið, en það hefur
átt sér nokkurn aðdraganda.
„Við undirbúninginn að KEX Hostel og þróunina
fóru ófáir fundir fram á knæpum víða um borgina.
Þegar vel lá á okkur og við vildum gera vel við okkur
heimsóttum við Norræna húsið og fengum okkur há-
degismat á Dill. Þar kynntumst við Gunna sem hefur
sterkar skoðanir á matargerð, uppruna matarins og
að gera smáatriðunum hátt undir höfði. Í samtölum
okkar fundum við mikinn samhljóm í viðhorfi til mat-
argerðar, hráefna og gleðinnar við að elda og borða
góðan og skemmtilegan mat. Eftir eitt ár og reynsluna
af því að reka matarkrá lágu leiðir okkar aftur saman
við Gunnar Karl þegar við heimsóttum hann snemma í
vor. Þá kom upp sú hugmynd að sameina krafta okkar
og ástríðu. Úr varð að Gunnar Karl tók yfir matarhluta
og veitingahluta rekturs Sæmundar í sparifötunum,“
segir Pétur sem vonast til að sameiningin muni styrkja
báða staðina. -óhþ
 Veitingabransinn sameining
Dill og Sæmundur í eina sæng
É g var í fimleikum og prófaði síðan frjálsar en fann mig
ekki þar. Ég var alltaf að
leita að einhverju krefjandi
og fann það sem ég var
að leita að í Crossfitinu,“
segir Katrín Tanja Davíðs-
dóttir, Crossfitkona sem
skotist hefur upp á stjörnu-
himininn í sportinu að
undanförnu.
Katrín Tanja er nýorðin
19 ára og ekki eru nema
níu mánuðir síðan hún
byrjaði að stunda Cross-
fit. Hún gerði sér lítið
fyrir og hafnaði í öðru
sæti í einstaklingskeppni
kvenna á Evrópumótinu
í Kaupmannahöfn fyrir
skemmstu. Það var vita-
skuld Annie Mist Þórisdótt-
ir sem sigraði einstaklings-
keppnina. Katrín Tanja
skákaði drottningunni þó
í einni grein. „Þessi grein
heitir Snörunarstigi og er
blanda af ólympískum lyft-
ingum og sippi. Maður tek-
ur 20 tvöföld sipp og lyftir
svo byrjunarþyngd. Ef mað-
ur nær því kemst maður á
næstu stöð þar sem þetta
verður erfiðara,“ segir
Katrín Tanja sem snaraði
165 pundum og tryggði sér
sigurinn.
Árangur Annie Mistar
Þórisdóttur hefur vakið
mikla athygli síðustu miss-
eri. Hún varð sem kunn-
ugt er heimsmeistari í Crossfit á síðasta ári og
í kjölfar þess hefur vegur íþróttarinnar aukist
til muna hér á landi. Með árangrinum í Kaup-
mannahöfn tryggði Katrín Tanja sér þátttöku-
rétt á Heimsleikunum í Crossfit í næsta mán-
uði. Óhjákvæmilegt er að bera Katrínu saman
við Annie Mist enda er bakgrunnur þeirra svip-
aður. Þær voru báðar í fimleikum og frjálsum
íþróttum áður en þær fóru í Crossfit en Annie er
nokkrum árum eldri en Katrín. „Við æfum ekki
í sömu stöð en við erum alveg góðar vinkonur,“
segir Katrín Tanja um Annie – sem stefnir að
sjálfsögðu á að vinna Önnu á Heimsleikunum:
„Jú, auðvitað.“
Katrín Tanja útskrifaðist af eðlisfræðibraut
úr Versló sömu helgina og Evrópumótið fór
fram. Hún var með 8,9 í meðaleinkunn og hef-
ur sett stefnuna á háskólanám í haust. Hún er
ekki ákveðin hvort læknisfræði eða verkfræði
verður fyrir valinu. „Ég er að undirbúa mig fyrir
inntökupróf í læknisfræði eftir viku. Ég ætla að
sjá hvað kemur út úr því en ef það gengur ekki
fer ég eflaust í verkfræðina, ég er með góðan
grunn í hana.“
Ungt fólk hefur gjarnan það orð á sér að það
vilji bara skemmta sér og njóta lífsins. Sú er ekki
raunin með Katrínu og fólkið í kringum hana.
„Bekkurinn minn var eiginlega allur í Cross-
fit. Það voru rosa margir sem kepptu í fitness og
flestir voru í ræktinni. Það voru eiginlega allir
að æfa eitthvað.“
Framundan er sumar stífra æfinga enda er
ekki nema rúmur mánuður í mótið stóra. Um
þessar mundir æfir Katrín Tanja tvisvar á dag
en tekur einn hvíldardag á viku. „Markmiðið
er bara að standa mig eins vel og ég get en mig
langar að vera í topp tíu eða topp tuttugu. Ég
ætti alveg að geta það.“
Aðspurð segist Katrín Tanja alveg gefa sér
tíma til að sinna öðrum hugðarefnum en Cross-
fit. „Við erum mörg vinirnir í Crossfitinu og hitt-
umst alltaf eitthvað. Ég æfi yfirleitt á morgnana
og seinnipartinn svo ég er alltaf laus á kvöldin,“
segir Katrín sem er á lausu.
Ertu þá ekki farin að draga fjölskylduna með
þér í sportið?
„Mamma kom og horfði á Evrópumótið, það
var í fyrsta sinn sem hún sá mig keppa. Henni
fannst þetta æðislegt og spurði eftir á hvenær
hún gæti byrjað. Systkini mín eru líka mjög
spennt. Það er líka algengt að heilu fjölskyld-
urnar séu í þessu.“
Höskuldur Daði Magnússon
hdm@frettatiminn.is
 Crossfit Katrín tanja á hraðri uppleið
Krónprinsessan
í Crossfit
Hin 19 ára
Katrín Tanja
Davíðs-
dóttir fetar
í fótspor
Annie Mistar
fitnesshetju.
Hún undir-
býr sig bæði
fyrir Heims-
leikana í
Crossfit og
inntökupróf
í læknis-
fræði.
Rómeó og Júlía eldast
Vesturportshjónin Nína Dögg Fil-
ippusdóttir og Gísli Örn Garðarsson
hafa enn og aftur brugðið sér í hlutverk
Rómeós og Júlíu á fjölum Borgarleik-
hússins. Tíu ár eru síðan þau frumsýndu
verkið. Innan leikhópsins hefur talsvert
verið gantast með aldur skötuhjúanna
í hlutverkunum. Einhver gárunginn
benti til að mynda á að börn þeirra Nínu
Daggar og Gísla, sem eru sex ára og sex
mánaða, eru nær sögupersónunum í
aldri en foreldrarnir.
Eiður ákveðinn í að halda áfram
Eiður Smári Guðjohnsen ætlar ekki
að leggja árar í bát þrátt fyrir að hafa
misst af nánast öllu síðasta tímabili
með gríska liðinu AEK Aþenu. Eftir
því sem næst verður komist hyggst
hann yfirgefa herbúðir gríska liðsins
vegna vanefnda á samningi og halda
til Evrópu. Eiður Smári, sem verður
34 ára í september, er nýbyrjaður að
spila á nýjan leik og ætlar að koma
sér í form á öðrum vígstöðvum en
þeim grísku. Hann og Arnór faðir
hans eru vel tengdir eftir langa dvöl
sem atvinnumenn erlendis og verður
vart skotaskuld úr því að finna lið – í
það minnsta til að æfa með.
Önnur tilraun hjá
Árna
Útlit er fyrir að Íslendingar fái
loks að berja Árna Hjörvar Árna-
son, og félaga hans í bresku rokk-
sveitinni The Vaccines, augum. Í
gær var tilkynnt að sveitin kemur
fram á Iceland Airwaves tón-
listarhátíðinni sem haldin verður
31. október til 4. nóvember.
Sveitin var sem kunnugt er bókuð
á hátíðina í fyrra en afbókaði
sig vegna veikinda söngvarans.
Meðal annarra hljómsveita sem
kynnt var í gær að troði upp eru
Dirty Projectors, Of Monsters
and Men, FM Belfast, Tilbury og
Valdimar. Um helmingur miða
á hátíðinni er seldur og hafa
erlendir tónlistaráhugamenn
tryggt sér megnið af þeim.
Mig langar
að vera í
topp tíu
eða topp
tuttugu. Ég
ætti alveg
að geta
það.“
Katrín Tanja Davíðsdóttir er á hraðri uppleið í Crossfit. Hún ætlar að reyna
að slá Annie Mist við á Heimsleikunum í Los Angeles í næsta mánuði. Ljós-
mynd/Hari
Pétur Marteinsson og Gunnar Karl Gíslason munu vinna náið saman á næstunni.
Ljósmynd/Hari
00000
Veiðikortið
37 vötn
Eitt kort
6.000 kr.
www.veidikortid.is
FLEIRI VÖTN ÓBREYTT VERÐ
62 dægurmál Helgin 8.-10. júní 2012