Bændablaðið - 04.07.2013, Qupperneq 4
Bændablaðið | Fimmtudagur 4. júlí 20134
Fréttir
Fólk er hrifið af hundasúrum
með hamborgurunum
Með nýju íslensku snjallsíma-
forriti geta íslenskir neytendur nú
fengið ábendingar um tilboðsverð
á lambakjöti og uppástungur um
uppskriftir sem henta fyrir kjötið.
Fyrst um sinn verður þessi snjalla
lausn í samstarfi við verslanir
Krónunnar en gert er ráð fyrir
að fleiri verslanir muni bætast í
hópinn áður en langt um líður.
Hægt er að sækja appið fyrir
Android-síma í Google Play Store
og í App Store fyrir eigendur iPhone-
síma. Þeir sem ekki nota snjallsíma
geta skráð sig á vefnum lambakjot.
is og fengið þar sömu tilboð og
uppskriftir og í snjallsímaforritinu.
Notandinn fær þá SMS eða prentar
út tilboðsmiða með strikamerki sem
hann tekur með sér í verslun. Þeir
sem sækja appið mega eiga von á
því að fá ábendingar um tilboð í
Krónunni í viku hverri.
Íslenskt lambakjöt ratar oft á
grillið yfir sumartímann en með
nýja forritinu geta lambelskir
sælkerar tileinkað sér ýmsar
nýjar og spennandi uppskriftir og
aðferðir við matreiðsluna. Á vefnum
lambakjot.is eru nú fyrirliggjandi
mörg hundruð uppskriftir að
ljúffengum réttum sem ættu að
geta aukið fjölbreytnina í eldhúsum
landsmanna.
Mikið um að vera á Dýrafjarðardögum 5.-7. júlí:
Bændadagur haldinn í
gamla Kaupfélaginu
Á Dýrafjarðardögum um næstu
helgi, laugardaginn 6. júlí, verða
bændur með Bændadag milli kl.
13 og 17 í Gamla kaupfélaginu á
Þingeyri (Gramsverslun).
Þar munu bændur í héraði
kynna starfsemi sína, meðal annars
fulltrúar sauðfjárbænda, kúabænda,
æðarbænda, skógarbænda, ferða-
þjónustu bænda, heimavinnslu og
fleiri. Einhver landbúnaðartæki verða
til sýnis og nokkrir heimalningar.
Sérhannaður grillvagn frá
Landssamtökum sauðfjárbænda
verður á staðnum og verður hátíðar-
gestum boðið upp á smakk af grilluðu
lambakjöti. Skjólskógar ætla svo að
bjóða upp á svokallað ketilkaffi.
Á kvöldvökunni um kvöldið verða
síðan afhent hvatningar verðlaun
Búnaðarsambands Vestfjarða.
Dagskrá Dýrafjarðardaga er
annars mjög viðamikil og hefst hún
með morgunverðarhlaðborði á Hótel
Sandafelli á morgun, föstudaginn
5. júlí, kl. 10. Dagskrá föstudagsins
lýkur með balli í Simbahöllinni.
Á laugardeginum er enn
viðameiri dagskrá, sem hefst
líka kl. 10 að morgni. Aragrúi
atriða verður í boði, en kl. 19.00
verður grillveisla og kvöldvaka á
Víkingasvæðinu þar sem fjölmargir
tónlistarmenn munu troða upp.
Dagskrá laugardagsins lýkur svo
með stórdansleik í Félagsheimilinu,
þar sem hljómsveitin Sólon mun
leika fyrir dansi.
Á sunnudeginum 7. júlí verður
ekkert gefið eftir og þá hefst
dagskrá einnig kl. 10.00. Lýkur
dagskránni með síðdegistónleikum
í Þingeyrarkirkju kl. 17.00, þar
sem Ísabella Leifsdóttir syngur létt
sönglög og aríur og við undirleik
Tuuli Rähni píanóleikara.
Nýtt app vísar á tilboð og
uppskriftir á lambakjöti
Garðyrkjustöðin Laugarland á
Flúðum hefur hafið ræktun á
hundasúrum inni í gróðurhúsi, sem
hafa fengið mjög góðar viðtökur.
„Við erum að prófa okkur áfram
með þetta og sjáum strax að fólk
er hrifið af hundasúrunum okkar,
ekki síst með hamborgurum. Það
fer virkilega vel saman og allir ættu
að prófa það,“ sagði Dóra Mjöll
Stefánsdóttir á Laugarlandi.
/MHH
Dóra Mjöll Stefánsdóttir og bræðurnir Gabríel Logi Magnússon, 12 ára, og
Arngrímur Jökull Magnússon, 9 ára, með myndarlegar hundasúrur sem
ræktaðar eru í pottum. Mynd / MHH
Ekki þarf að hafa mörg orð um
gang mála á júníuppboðinu, en
það reyndist vera besta uppboð
sem haldið hefur verið í heiminum
frá upphafi, hvernig sem á það er
litið. Reyndar hefur áður verið
seldur meiri fjöldi skinna á einu
uppboði en fjöldi kaupenda og
skinnaverð sló hvoru tveggja
heimsmet á þessu uppboði
samkvæmt frétt Kopenhagen Fur.
Einar E. Einarsson, minkabóndi
á Syðra-Skörðugili í Skagafirði
og ráðunautur RML í minkarækt,
segir að frá Íslandi hafi verið selt
á þessu uppboði 51.061 skinn á
meðalverðinu 604,1 DKK. Samtals
er þá búið að selja frá Íslandi á
þessu sölutímabili 136.785 skinn á
meðalverðinu 616,6 DKK.
„Ástæðan fyrir því að
meðalverðið er hærra en meðalverð
uppboðsins er fjölbreyttara framboð
af stærðar- og gæðaflokkum nú en
áður, en annars skilar þetta uppboð
hæsta verði sem verið hefur á
þessu sölutímabili séu borin saman
sambærileg skinn.
Um flokkun íslensku fram-
leiðslunnar væri hægt að skrifa
margt en hún hefur aldrei áður
komið svona vel út þegar á heildina
er litið. Besta lýsingin á því er að
skoða meðalverð þjóðanna. Hér
að neðan er listi yfir öll lönd sem
selt hafa skinn hjá Kopenhagen
Fur á þessu söluári og fjöldi skinna
frá hverju þeirra. Í fyrsta sæti er
Eistland með tæp 2.000 skinn og
meðalverðið 711 DKK.“
Íslemdingar komnir langt
fram úr Norðmönnum
„Það sem er ánægjulegast við þennan
lista er að íslensku skinnin eru komin
langt yfir þau norsku og nálgast
þau dönsku hratt, en samkvæmt
listanum stendur okkur nú meiri
ógn af skinnum frá Sviss en Noregi!
Við skulum bíða eftir september-
uppboðinu áður en við fögnum en
vissulega er þetta flott þróun.“
Skinnin stækka og batna
„Sé íslenska framleiðslan skoðuð
nánar sést að fjöldi eykst verulega
í stutthærðu (bæði V1 og V2) en
einnig eru skinnin bæði að stækka
og feldgæði að aukast. Ljóst má
þó vera af lista yfir árangur bænda
(þessi listi er ekki birtur hér) að
margir geta gert betur. Ég skora
því á alla sem seldu skinn að fara
inn í Farmcokpit-kerfið og inn á sitt
svæði. Fara þar í „Skind“ og velja
síðan „statistikker/solgt“. Velja
síðan vinstra megin á skjánum
„Salgsstatistikk“. Þar er hægt
með einföldum hætti að bera sýna
framleiðslu saman við hvaða þjóð
sem er og hvaða fóðurstöðvarsvæði
sem er. Það er of langt mál að skýra
þetta allt út hér en endilega prófið
og hringið ef þið ekki finnið út úr
þessu. Einnig er fljótlegt að kenna
ykkur í gegnum síma hvernig þetta
virkar ef þið eruð með tölvuna fyrir
framan ykkur.
Með því að skoða þetta vandlega
má greina eigin framleiðslu og sjá
út hvar sterkar og veikar hliðar eru
samanborið við aðra. Að gera sér vel
grein fyrir stöðunni er grunnurinn
að ennþá betra verði sem afleiðingu
af ennþá betri flokkun skinna. Þar
með verða allir ennþá betur undir
það búnir að verð lækki þegar að
því kemur en eins og áður munu
þá lélegri skinnin lækka meira en
þau betri. Samkvæmt útreikningum
Kopenhagen Fur hefur ekki áður
verið borgað meir fyrir gæði skinna
en nú,“ segir Einar.
„Sé árangur einstakra litategunda
skoðaður er Palomino að gefa hæsta
verðið en síðan kemur Perla og svo
Hvíti liturinn. Í efstu sætunum koma
líka fyrir ýmsar Cross-tegundir en
þær eru í svo litlu magni frá Íslandi
að ég get varla ennþá talið þær með.
Það má því segja að bændur hafi
nú margar og gildar ástæður til að
vanda fráfærur svo hirðingin næstu
mánuði verði léttari og skili um leið
betri framleiðslu, en gott skipulag á
uppröðun hefur áhrif á útkomuna í
haust. Loks vona ég að öllum gangi
vel að flytja út hvolpa.“ /HKr.
Skinnauppboð í Danmörku í júní var það besta sem sem haldið hefur verið:
Íslenskir minkabændur hafa selt nærri 137
þúsund skinn á þessu ári á toppverði
Starfsfólk Bændasamtakanna í skoðunarferð í Urðarketti ehf., minkabúi Einars E. Einarssonar og fjölskyldu á
Mynd /HKr.