Bændablaðið - 04.07.2013, Síða 12
Bændablaðið | Fimmtudagur 4. júlí 201312
Fréttir
Hlaupið um þrjár sýslur, firði og strendur
„Við höfum oft hlaupið þessa
leið að gamni okkar og finnst
hún bæði fögur og skemmtileg,“
segir Dofri Hermannsson,
annar skipuleggjenda hlaupsins
Þrístrendings. „Við Stefán Gíslason
ólumst upp á þessum slóðum, hann
í Gröf í Bitrufirði en ég á Kleifum
í Gilsfirði. Birgitta mamma hans
og Jóhannes afi minn voru systkin
og talsverður samgangur milli
bæjanna þrátt fyrir að ekki væri
akvegur á milli. Fyrsta hlaupið
var farið í júní 2010 og hefur
verið árvisst síðan, alltaf í kringum
Jónsmessu.“
Dofri segir þá Stefán hafa langað
að leyfa fleirum að njóta leiðarinnar
og því ákveðið að bjóða vinum og
vandamönnum með.
„Til að sleppa við skutl til baka
var ákveðið að lengja aðeins leiðina
og fara ákveðinn hring. Af því að
leiðin liggur milli þriggja stranda,
yfir þrjá fjallvegi, um þrjár sýslur og
tvisvar þvert yfir landið fannst okkur
tilvalið að kalla hlaupið Þrístrending.
Hlaupið aftur og aftur
Þetta átti bara að vera eitt skipti en
eftir hvert hlaup hafa alltaf einhverjir
haft samband og spurt hvort það verði
ekki örugglega farið aftur næsta
sumar. Og þar sem okkur þykir bæði
gaman að hlaupa þetta og vænt um
að fólk vilji njóta þessarar fallegu
leiðar með okkur höfum við alltaf
verið tilbúnir að fara aftur.“
Maraþon á fjallvegum
Í samantekt Stefáns Gíslasonar um
hlaupaleiðina segir í styttri útgáfu að
hlaupið hefjist á hlaðinu á Kleifum í
Gilsfirði, en bærinn stendur á mörkum
Dala- og Barðastrandarsýslu.
Þaðan er hlaupið eftir veginum
norður yfir Steinadalsheiði. Þar er
hæsti punkturinn í 330 m hæð við
sýslumörk Dala- og Strandasýslu við
Heiðarvatn.
Leiðin liggur framhjá bæjunum
Steinadal, Miðhúsum og Felli og
skömmu síðar er komið niður á
aðalveginn við botn Kollafjarðar. Þar
er beygt til hægri, fyrir fjarðarbotninn,
framhjá bænum Undralandi, þar til
komið er að heimreiðinni að Stóra-
Fjarðarhorni. Þangað eru 19-20 km
frá Kleifum. „Frá Stóra-Fjarðarhorni
liggur leiðin upp hlíðina um þúfur
og móa þar til komið er á gamla
hestagötu. Henni er fylgt upp á
Bitruháls, sem fer mest í um það bil
380 m hæð í svonefndum Skörðum,
og áfram niður með Grafargili að
bænum Gröf. Leiðin yfir hálsinn er
tæpir 10 km.
Eftir áningu í Gröf hefst þriðji
áfanginn, endaspretturinn niður túnið
og áfram inn Krossárdal, framhjá
bæjunum Árdal og Einfætingsgili.
Þangað er bílvegur, en innar í dalnum
er jeppafær slóði og síðan mýrar og
móar. Leiðin suður dalinn fer mest í
240 m hæð við Krossárvatn. Áfram
er haldið með vatnið á vinstri hönd
eftir hestagötum þar til komið er
fram á klettabrún fyrir ofan Kleifar.
Þaðan blasir Gilsfjörðurinn við.
Loks liggur leiðin niður bratt og
fremur laust einstigi sem nefnist
Hafursgata. Þegar henni sleppir er
mjúkt graslendi heim að Kleifum.
Samtals eru þetta um 40 kílómetrar,
eða tæpt maraþon.“
Hret um hásumar
Dofri segir að oftast sé leiðin orðin
snjólaus á þessum tíma og ekki
teljandi hætta á vorhreti.
„Ég man þó eftir slíku hreti
16. júní eitt sumarið þegar ég var
krakki að alast upp á Kleifum. Það
var nýbúið að sleppa lambfénu í
úthagann og nóttin fór í að safna því
aftur saman, týna upp hrakin lömb
og koma þeim til mæðra sinna.
Þegar við vöknuðum síðla morguns
á þjóðhátíðardaginn var stór skafl
fyrir norðan íbúðarhúsið á Kleifum.
Við vildum því hafa vaðið fyrir neðan
okkar og tímasetja hlaupið seinni
partinn í júní. Jónsmessan reyndist
síðan afar heppileg tímasetning
og Þrístrendingur er góð æfing
fyrir hlaupara sem eru að æfa fyrir
Laugavegshlaup,“ segir Dofri.
/AG
Aftari röð frá vinstri: Arnar Aðalgeirsson, Dofri Þórðarson, Rósmundur Númason, Daníel Jakobsson, Sigríður
Gísladóttir, Sigurlín Birgisdóttir, Hólmfríður Vala Svavarsdóttir, Stefán Gíslason, Sigurður Freyr Jónatansson og Inga
Dís Karlsdóttir. Fremri röð frá vinstri: Birkir Þór Stefánsson, Dofri Hermannsson, Helgi Kárason, Felix Sigurðsson
og Jón Grímsson. Einn bóndi var í hópnum, hinn fótfrái Birkir Þór bóndi í Tröllatungu. Mynd / Arnheiður Guðlaugsdóttir
Rún Dofradóttir
er þriggja ára
Reykjavíkurdama
sem hefur gaman af
dýrum. Hún heim-
sótti nýlega Strandir
og gaf heimaln-
ingnum Uglu að
drekka og afgang-
inn af mjólkinni
fékk labradortíkin
Hneta.
Þrátt fyrir að
Hneta væri aðgangs-
hörð gekk Rún gal-
vösk og óhrædd til
verks en þótti þó
vissara að halda
Hnetu niðri með
báðum höndum. Rún er líka vön
hestum, en fólkið hennar á jörðina
Kleifar í Gilsfirði og heldur hesta.
Langafi Rúnar var hinn
kunni hesta- og hundaáhugamaður
Jóhannes Stefánsson á Kleifum. /AG
Rún Dofradóttir gefur heimalningum Uglu að drekka.
Myndir / Arnheiður Guðlaugsdóttir
Vel hugsað um dýrin á Ströndum
Endurskoðuð reglugerð um
frágang silungsneta í sjó
Sjávarútvegs- og landbúnaðar-
ráðuneytið gaf út nýja reglugerð
um búnað og frágang neta vegna
veiða göngusilungs í sjó þann 23.
apríl síðastliðinn. Í reglugerðinni,
sem er númer 449/2013, eru flest
ákvæði reglugerðarinnar í sam-
ræmi við þau atriði sem verið
hafa í sambærilegum reglugerðum
undanfarin 15 ár. Hins vegar hafa
verið gerðar nokkrar orðalags-
breytingar í 3. grein, sérstaklega
varðandi bann við búnaði sem
nýta má til að draga net frá eða
að landi. Þá er fallið frá þeirri
kröfu að net skuli ætíð vera land-
fast, þ.e. hafa línu festa í land, ef
net er staðsett fjær ströndinni.
Þrátt fyrir það skal hafa í huga að
netaveiðar eru eingöngu heimilar í
netlögum, þ.e. innan 115 metra út
frá stórstraumsfjöruborði, segir í
tilkynningu frá ráðuneytinu.
Rétt er að vekja sérstaka athygli
á ákvæðum 6. greinar, sem varða
merkingu nets í báða enda með
nafni ábúanda og þess lögbýlis, sem
hefur veiðiréttinn. Einnig þarf aðili,
sem veiðir í umboði landeiganda,
að merkja netið með nafni sínu og
heimilis fangi og þarf að geta fram-
vísað leyfi til veiðanna. Fiskistofa
hefur eftirlit með ofangreindum
veiðum og öll ómerkt net eru
umsvifalaust dregin úr sjó, hvort sem
um löglegan eða ólöglegan veiðitíma
er að ræða.
Einnig er nauðsynlegt fyrir þá
aðila, sem stunda netaveiðar á silungi
í sjó, að vita að lágmarks vegalengd
milli neta meðfram strönd er 100
metrar (sbr. 5. grein reglugerðarinn-
ar). Að öðru leyti fer vegalengdin
milli neta eftir lengd nets og skal
aldrei vera styttri en fimmföld lengd
nets. Sé net 50 metrar eins og heimilt
er samkvæmt þessari reglugerð þarf
vegalengd meðfram strönd í næsta
net því að vera 250 metrar.
Fiskistofa hvetur landeigendur til
að fara að lögum og reglugerðum í
tengslum við netaveiðar á silungi
í sjó og vekur athygli á því að
netaveiðar á laxi í sjó eru alfarið
bannaðar. Öllum laxi, sem flækist í
silunganet, skal því sleppa aftur í sjó.
„Þetta er mjög gott hey og
óhemjumikil grasspretta það
sem af er, svo þetta lítur vel út.
Nokkur væta í maí bjargaði
miklu en aprílmánuður var þó
leiðinlegur, frost og kuldi,“ segir
Þórarinn Ólafsson, bóndi í Bæ
I í Hrútafirði, en hann var við
heyskap á nýlegu túni í blíðviðri
síðustu daga. Bæjarbændur voru
með þeim fyrstu í Strandasýslu
til að hefja slátt.
Nýliðinn júní hefur veðrið verið
gott, margir sólardagar og hlýrri en í
venjulegu árferði. Sunnanáttir hafa
verið ríkjandi í stað norðankulda
sem oft er á þessum slóðum í júní.
Sláttur hófst því í fyrra lagi þar sem
rignt hefur meira nú en til dæmis
í fyrravor.
Hefur búið á Bæ síðan 1946
Þórarinn hefur búið í Bæ I frá
árinu 1946 og flutti þá þriggja ára
gamall með foreldrum sínum frá
Miðhúsum í Víkurdal. Sá bær er
kominn í eyði en dalurinn liggur
upp frá Skálholtsvík í Hrútafirði.
„Ég tók við búskap hér af
foreldrum mínum árið 1965 en
hafði þá lengi verið starfandi við
búið.“ Þórarinn og kona hans
Dagmar Rögnvaldsdóttir eru nú
með 560 fjár á fóðrum.
/AG
tekin 29. júní. Mynd / Arnheiður Guðlaugsdóttir
Sláttur hófst í fyrra lagi í Strandasýslu þetta árið:
Góð tíð og óhemjumikil
grasspretta í Hrútafirði