Bændablaðið - 05.09.2013, Blaðsíða 8

Bændablaðið | Fimmtudagur 5. september 20138
Fréttir
Vigdís Finnbogadóttir, fyrr-
verandi forseti Íslands, gróður-
setti 20. milljónustu trjáplöntuna
í Landgræðsluskógaverkefninu
í Smalaholti í Garðabæ laugar-
daginn 24. ágúst. Fyrir valinu
varð myndarlegur askur. Vigdís
gróður setti einnig fyrstu plönt-
una í átakinu sem hófst á sama
stað vorið 1990 og er þar nú kom-
inn myndarlegur skógur. Hefur
verkefnið staðið óslitið allar
götur síðan. Gróðursetningin
var jafnframt liður í dagskrá
aðal fundar Skógræktarfélags
Íslands sem fram fór í Garðabæ
um þarsíðustu helgi.
Landgræðsluskógar eru
umfangs mesta skógræktar- og
uppgræðsluverkefni skógræktar-
félaganna. Á vegum verkefnisins
hafa skógræktar félögin séð um
gróðursetningu á hátt í einni milljón
trjáplantna árlega allt frá árinu
1990. Lætur nærri að gróðursett
hafi verið í um 400-500 hektarar
lands árlega. Ræktunarsvæði
Landgræðsluskóga eru víðs
vegar á landinu og eru nú um 120
samnings bundin svæði.
Fjölbreytni svæðanna er mikil
og eru sum þeirra þar sem skilyrði
eru hvað best til skógræktar í land-
inu, á meðan önnur eru þar sem
skilyrði eru mjög erfið, til dæmis
úti við ströndina. Öll svæðin eiga
það þó sameiginlegt að þar er stefnt
að því að græða land og auðga.
Samstarfsaðilar skógræktar-
félaganna í Landgræðsluskógum
eru Landgræðsla ríkisins, Skógrækt
ríkisins og Atvinnuvega- og
nýsköpunar ráðuneytið.
Landgræðsluskógaverkefni Skógræktarfélags Íslands:
Tuttugu milljónir trjáplanta hafa
verið gróðursettar í átakinu
Vigdís Finnbogadóttir gróður-
setur 20. milljónustu trjáplöntuna í
Landgræðsluskóga verkefni Skóg-
ræktarfélags Íslands ásamt Barböru
Stanzeit, gjaldkera Skógræktarfélags
Garðabæjar.
Trausti Þórisson á Hofsá í Svarfaðardal skimar hér eftir fé í Hofsárdal, sem er lítill dalur sem gengur inn um miðbik
austanverðs Svarfaðardals. Um miðja síðustu viku var enn mjög mikill snjór á svæðinu frá síðasta vetri og meiri
en menn hafa jafnan séð á þessum slóðum á þessum árstíma. Mynd / Jóhann Ólafur Halldórsson
Kýrin Lýsa í Villingadal bar fjórum
kálfum af öðrum burði
– líklegast einsdæmi í sögu kúabúskapar hér á landi
„Það þýðir lítið að gráta en vissu-
lega er þetta svekkjandi,“ segir
Árni Sigurlaugsson í Villingadal
í Eyjafjarðarsveit. Þar á bæ bar
kýrin Lýsa tveimur kálfum á
fimmtudagskvöld og öðrum tveim-
ur á föstudagsmorgun í liðinni
viku. Þeir voru allir dauðir. Árni
rekur kúabú í Villingadal ásamt
konu sinni Guðrúnu Jónsdóttur.
Guðmundur Steindórsson,
ráðunautur hjá Ráðgjafarmiðstöð
landbúnaðarins, segir þetta alveg
með ólíkindum, en á starfsferli hans
sem spannar 40 ár hefur kýr aldrei
áður borið fjórum kálfum.
„Að jafnaði ber ein kýr á ári
þremum kálfum en fjórir kálfar eru
algjört einsdæmi,“ segir hann.
Samtals 87 kíló
Atburðarásin hófst laust fyrir
miðnætti hinn 29. ágúst sl. þegar
kýrin Lýsa 264 í Villingadal í
Eyjafjarðarsveit bar tveimur kálfum
af öðrum burði. Það er reyndar ekki í
frásögur færandi þótt kýr sé tvíkelfd,
en snemma morguninn eftir komu
aðrir tveir kálfar úr kúnni. Því miður
voru allir kálfarnir dauðir, en full-
skapaðir. Kúna vantaði hálfan mánuð
upp á tal. Um var að ræða eitt naut
og þrjár kvígur. Nautið var nokkru
þyngst, eða 27 kg, en kvígurnar 19,
20 og 21 kg. Samtals gekk því Lýsa
með 87 kg, en meðal nýfæddur kálfur
er um 35 kg.
Guðmundur segir að í rannsókn
sem gerð var í kringum síðustu alda-
mót á gögnum úr skýrsluhaldi naut-
griparæktarinnar yfir 8 ára tímabil
hafi komið í ljós að þríburafæðingar
í stofninum voru nálægt því að vera
að meðaltali ein á ári og hlutfall tví-
kelfinga nálægt 1%. Engar sögur fara
fyrr en nú af fæðingu fjórkelfinga
í íslenska kúastofninum að sögn
Guðmundar.
Ekki á allt kosið
„Þetta er ekki skemmtilegt og mig
langar ekki að lenda í þessu aftur,“
segir Árni. Burðurinn gekk þó vel
að hans sögn, en gremjulegt að
kálfarnir reyndust allir dauðir. Hann
segir að menn viti ekki ástæður þess
að kálfarnir voru dauðir, „það bara
gerðist, svona er lífið, það er ekki
alltaf á allt kosið,“ segir Árni.
Ekki tókst áður en blaðið fór í
prentun að finna neinar upplýsinga
um að slík fjórkálfafæðing hefði átt
sér stað. /MÞÞ
„Þetta er svekkjandi en það þýðir lítið
að gráta,“ segir Árni Sigurlaugsson
í Villingadal, en fjórir kálfar Lýsu
reyndust allir dauðir.
Kýrin Lýsa 264 viku fyrir burð. Myndir / Guðmundur Steindórsson
Beikonhátíðin Reykjavík
Bacon Festival, matar hátíð fjöl-
skyldunnar, verður haldin í þriðja
sinn á laugar daginn kemur. Hátíðin
er systur hátíð stærstu beikon-
hátíðar í heimi, Blue Ribbon
Bacon Festival í Des Moines í
Iowa. Herlegheitin fara fram á
Skólavörðustígnum og hefjast
hátíðarhöldin klukkan 14.00.
Hátíðin hefur vaxið mikið að
burðum frá árinu 2011 þegar nokkrir
félagar buðu, með þriggja tíma
fyrirvara og í léttu gríni, upp á 40 kg
af beikoni fyrir gesti og gangandi á
Skólavörðustígnum. Það sem byrjaði
sem grín hefur undið nokkuð upp á
sig. Leikurinn var svo endurtekinn í
fyrra með öllu meiri skipulagningu.
Árni Georgsson, einn skipuleggjenda
hátíðarinnar, segir að viðtökurnar í
fyrra hafi orðið þeim hvatning til
að bjóða upp á enn stærri og betri
hátíð í ár, en á síðasta ári lögðu
ríflega tíu þúsund manns leið sína
á Skólavörðustíginn til að taka þátt í
hátíðinni. Nú verður því öllu tjaldað
til, með meira beikoni og enn meira
fjöri.
Svínaræktarfélagið bætist í hópinn
Í ár hefur Svínaræktarfélag Íslands
bæst í hóp þeirra sem koma að
hátíðinni og segir Árni að mikill akkur
sé í aðkomu félagsins að hátíðinni.
Árni segist sannarlega vonast eftir
frekara samstarfi í framtíðinni. Aðrir
helstu styrktaraðilar hátíðarinnar
eru Ali, Vífilfell, Sæmark og
Reykjavíkurborg. Allur ágóði af
hátíðinni rennur til Hjartadeildar
Landspítalans.
Átta veitingastaðir verða með bása
á hátíðinni og munu selja beikon-
innblásna rétti. Veitingastaðirnir sem
um ræðir eru Hótel Holt, Sakebarinn,
Þrír frakkar, Snaps, Kolabrautin,
Sjávargrillið, Roadhouse og
Domino´s. Auk þess mun Ali
bjóða upp á ókeypis beikonsmakk
á nokkrum básum og drykkir frá
Vífilfelli munu slökkva þorsta
hátíðargesta. Tvö tonn af beikoni eru
tiltæk auk 600 kg af þorskhnökkum
frá Sæmarki.
Helstu breytingar frá hátíðinni í
fyrra eru þær að nú verður Skólavörðu-
stígurinn þakinn veitingasölubásum
svo að fólk mun ekki þurfa að bíða
í löngum röðum eftir beikonréttum
eins og í fyrra. Miðasölukerfi verður
tekið í notkun og kostar skammturinn
300 krónur. Þremur miðasölubásum
verður dreift um Skólavörðustíginn
auk sölubáss fyrir boli, derhúfur
og annan varning. Einnig verður
sérstakur beikonbás fyrir börnin og
leiktæki.
Hljómsveitin Klaufar mun
spila beikoninnblásna tónlist
á hátíðarsviðinu og skemmti-
kraftar munu koma fram. Beikon-
fræðingurinn Marshall Porter
heldur beikonfyrirlestra og
einnig verður Þórir Gunnarsson
með beikonmálverkasýningu í
Ostabúðinni.
Beikonhátíð á Skólavörðustíg
– tvö tonn af beikoni munu seðja hungur gesta
Frá beikonhátíðinni í fyrra.
Málþing á Hvanneyri um hrossarækt:
Hvernig náum við meiri árangri?
Fagráð í hrossarækt og
Landbúnaðar háskóli Íslands boða
til málþings um kynbótakerfið í
hrossa rækt á morgun, föstu daginn
6. september, kl. 13.00–18.00.
Málþingið verður haldið í Ásgarði
á Hvanneyri.
Dagskrá samanstendur af
nokkrum inngangserindum um
ýmsar hliðar kerfisins þar á meðal
dómkerfið, dómstörf og sýningar,
dómara, kynbótamat og fleira en
síðan taka við opnar umræður og
markviss hópavinna með þátttöku
málþingsgesta.
Allt áhugafólk um kynbætur
íslenska hestsins er hvatt til að mæta
og taka þátt.
Þátttökugjald er 1.000 krónur,
greitt á staðnum. Nauðsynlegt er
að skrá þátttöku fyrir fram hjá
Endurmenntun LbhÍ – www.lbhi.is/
namskeid eða í síma 433 5000 og
netfangið endurmenntun@lbhi.is.