Bændablaðið - 07.03.2013, Qupperneq 2
2
Fréttir
Á árlegri ráðstefnu bænda í
Englandi og Wales í síðustu viku,
sem er þeirra búnaðarþing, var
upplýst að verslanakeðjan risa-
vaxna Tesco hefði lofað að snúa sér
alfarið til breskra bænda varðandi
innkaup á kjúklingum. Kemur
þetta fram í breska bændablaðinu
Farmers Weekly.
Forstjóri Tesco, Philip Clarke,
hélt ræðu á ráðstefnunni og upp-
lýsti að fyrirtækið væri nú að fara í
naflaskoðun á innkaupakeðju sinni í
kjölfar hrossakjötshneykslisins sem
skekið hefur matvörumarkaðinn í
Evrópu.
Mun eingöngu versla við breska
kjúklingabændur
„Þetta mun fela í sér gerð lengri
samninga, meira gegnsæi og skipun
stjórnenda á landbúnaðarsviði.
Fyrsta skrefið sem ég kynni er að frá
júlí munu öll okkar innkaup á kjúk-
lingum koma frá breskum bændum.
Á því verða engar undantekningar,“
segir Clarke. „Við munum líka með
tímanum reyna að tryggja að allur
kjúklingur í okkar verslunum, hvort
sem hann er frosinn eða ferskur, komi
frá Bretlandseyjum. Þessi yfirlýsing
felur í sér meiriháttar breytingu á því
hvernig Tesco leitar að vörum sem
við seljum,“ sagði forstjórinn.
Hann kallar einnig eftir því að
úrvinnslufyrirtækin vinni betur
með bændum og verslunum. „Þau
eiga ekki að hindra það að Tesco og
bændur tali saman milliliðalaust.“
Segir innflutta kjúklinga ekki
alltaf uppfylla kröfur
Tesco gerir ráð fyrir að viðskipta-
samningar við birgja verði að lág-
marki til tveggja ára til að tryggja
framleiðendum aukið öryggi.
„Innfluttir kjúklingar uppfylla
ekki alltaf breskar kröfur um dýra-
velferð og umhverfissjónarmið. Nú
geta viðskiptavinir okkar verið full-
vissir um að þegar þeir velja Tesco-
kjúkling eru þeir að styðja innlenda
framleiðslu og kröfuharðan gæða-
staðal í þeirri framleiðslu.“
Duncan Priestner, formaður
kjúklingaráðs NFU, landssamtaka
breskra bænda, spurði forstjórann
hvort Tesco myndi þá borga sann-
gjarnt verð fyrir kjúklingana. Clarke
svaraði því til að miklir afslættir til
neytenda hefðu verið nauðsynlegir
til að koma til móts við neytendur
sem hefðu minni ráðstöfunartekjur
en áður. Hann viðurkenndi þó að
þau viðskipti stæðu ekki undir sér
til lengri tíma litið, en bætti við að
verslun snerist ekki bara um verð.
/HKr.
Þórarinn Ingi Pétursson, formaður
Landssambands sauðfjárbænda,
fór fór yfir söluþróun á dilkakjöti
á liðnum áratug á aðalfundi Félags
sauðfjár bænda í Eyjafirði á dög-
unum. Sagði hann út flutning hafa
rokið upp frá árinu 2009. Hann
hefði hins vegar minnkað heldur á
ný frá því sem var í fyrra.
Noregur er sem fyrr dýrmætasti
markaðurinn og gefur hæsta verð
fyrir afurðina en Bretland kemur þar
á eftir. Þórarinn sagði Evrópumarkað
mjög dapran um þessar mundir vegna
efnahags lægðar. Bandaríkjamarkaður
væri líka verðmætur og myndi eflaust
stækka til fram tíðar litið, á þann
markað fór 5% útflutningsmagns
í fyrra og skilaði í heild 14% af
verð mæti alls útflutnings. Heildar-
verðmæti úflutnings á liðnu ár nam
3,1 milljarði.
Óveðursbætur
Fram kom í máli Þórarins að
Bjargráðasjóður hefði greitt út bætur
fyrir um 9.000 gripi í kjölfar óveðurs-
ins síðastliðið haust, en búast má við
að tjón nái til um 10 þúsund gripa í
sex sýslum. Söfnun samtakanna fór
yfir 38 milljónir króna og er búið að
greiða þær út, 35 milljónir af söfnun-
arfénu fóru til bænda en afgangur til
björgunarsveita.
Bjarni E. Guðleifsson sem var í
þriggja manna starfshópi um beitar-
stjórnun og sjálfbæra nýtingu hélt
erindi um efnið á aðalfundinum, en
gæðastýring sem stefnt er að á að
stefna sauðfjárrækt í átt að vistvænni
ræktun. Fór hann á fundinum yfir
helstu tillögur nefndarinnar.
Starfsemi BSE
Sigurgeir Hreinsson á Hríshóli ræddi
um breytingar á ráðgjafamiðstöð
landbúnaðarins og starfi Búnaðar-
sambands Eyjafjarðar, sem hann hefur
verið í forsvari fyrir. Bað hann menn
að velta fyrir sér hvernig þeir sæju
framtíðarstarfsemi búnaðarsambands-
ins fyrir sér, en m.a. stendur jafnvel
til að sæðingar verði fluttar frá sam-
bandinu og því spurning hvað eftir
stendur af starfseminni. Aðalfundur
BSE verður haldinn í næsta mánuði.
Þá voru á fundinum samþykktar
tillögur, m.a. var stjórn LS hvött til að
hefja vinnu við endurskoðun á opin-
berum stuðningi greinarinnar með
það markmið að auðvelda nýliðun.
Eins var stjórnin hvött til að hefja
umræðu um breytingar á ásetnings-
hlutfalli úr 0,6 í allt að 1,0.
– Sjá meira frá fundinum á bls. 4.
/MÞÞ
Þórarinn Pétursson, formaður Landssambands sauðfjárbænda, á aðalfundi Félags sauðfjárbænda í Eyjafirði:
Útflutningur rauk upp eftir 2009 en er heldur að dragast saman
Afleiðing hrossakjötshneykslisins á ráðstefnu bænda í Englandi og Wales – NFU Conference 2013:
Verslanakeðjan Tesco lofar að kaupa eingöngu
kjúklinga framleidda af breskum bændum
– Hættir innflutningi kjúklinga til að tryggja gæði og vill með því endurreisa traust viðskiptavina
Ráðgjafarmiðstöð landbúnaðarins:
Fær heimild
til gjaldtöku
Atvinnu- og nýsköpunar-
ráðuneytið hefur staðfest að
Ráðgjafarmiðstöð landbúnaðar-
ins ehf. hefur heimild til þess að
innheimta að hámarki kr. 5.000
auk virðisaukaskatts pr. klst.
fyrir vinnu að sérfræðistörfum
sem falla undir búnaðarlög (skv.
7. gr. búnaðarlagasamnings, dags.
28. sept. 2012, sbr. 3. mgr. 3. gr.
búnaðarlaga nr. 70/1998, með
síðari breytingum).
Ný gjaldskrá kemur í stað gild-
andi gjaldskrár fyrir þjónustu sem
Bændasamtök Íslands hafa veitt
samkvæmt búnaðarlagasamningi
(gjaldskrá nr. 1079/2008) auk sam-
bærilegra gjaldskráa búnaðarsam-
bandanna vegna þjónustu sem fellur
undir búnaðarlög.
Að sögn forsvarsmanna RML
verður ný gjaldskrá kynnt áður en
langt um líður en hún er í vinnslu.
Búnaðarþing 2013:
Skapa þarf
ný tækifæri
Nauðsynlegt
er að kann-
aðar verði
leiðir til að
skapa nýja
möguleika í
lánamálum í
landbúnaði.
Mikil þörf
er á því til
að styðja
við nýliðun,
nýsköpun og
framþróun
innan greinarinnar. Þetta er
inntak ályktunar sem Búnaðar-
þing 2013 samþykkti um
fjármögnun í landbúnaði.
Talsverðar umræður spunnust
um málið enda þótt þingfulltrúar
lýstu sig sammála ályktuninni.
Meðal annars var því velt upp af
fleiri en einum þingfulltrúa sem í
pontu kom hvort þarft og mögulegt
væri að breyta því fyrirkomulagi
sem tíðkast varðandi það að bændur
þyrftu að kaupa sig inn í kerfi
ríkisstuðnings, í þeim greinum þar
sem það ætti við. Það væri þungur
baggi sem hamlaði eignamyndun
bænda sem væru í rekstri og aðkomu
nýrra aðila inn í greinarnar. Þá var
bent á að aðgengi að lánsfé væri
ærið misjafnt eftir búgreinum og
jafnvel landshlutum.
Í ályktuninni eru nefndar leiðir til
að vinna að markmiðunum. Því er
beint til stjórnar Bændasamtakanna
að láta gera faglega greinargerð um
möguleika á fjármögnunarkostum,
þar á meðal kosti skuldabréfaútgáfu.
Einnig þurfi að kanna möguleika
Lífeyrissjóðs bænda til aukinnar
þátttöku í fjármögnun, t.a.m. með
stofnun rekstrarlánadeildar. /fr
Philip Clarke, forstjóri Tesco.
Mynd / Birna Hólmgeirsdóttir
Mynd / HKr.