Bændablaðið - 07.03.2013, Side 24

24 Bændablaðið | Fimmtudagur 7. mars 2013
Lífeyrissjóður bænda er meðalstór
lífeyrissjóður og var hrein eign
til greiðslu lífeyris í lok árs 2012
25,6 milljarðar króna, hækkaði
um 1,7 milljarða króna milli ára
eða 7,2%. Hrein eign til greiðslu
lífeyris hefur farið vaxandi frá
árinu 2008, ekki aðeins miðað við
verðlag hvers árs heldur hefur
orðið nokkur aukning umfram
hækkun verðlags. Sjóðurinn er í
hópi þeirra lífeyrissjóða sem töp-
uðu hlutfallslega minnst í banka-
hruninu.
5,5% hrein raunávöxtun
Afkoma ársins 2012 var með ágæt-
um og skilaði sjóðurinn 5,5% hreinni
raunávöxtun og hefur ávöxtun reynst
vera 4,2% að meðaltali síðustu þrjú
árin, sem er talsvert umfram það við-
mið sem stuðst er við í trygginga-
fræðilegri athugun lífeyrissjóðanna.
Nafnávöxtun hjá sjóðnum á árinu
2012 var 10,4% og raunávöxtun var
5,7%. Hrein raunávöxtun nam 5,5%
eins og áður hefur verið nefnt, á móti
2,9% árið 2011. Meðaltal hreinnar
raunávöxtunar síðustu fimm ára
nemur -1,4% og síðustu 10 ára 2,7%.
Vöxtur í iðgjalda- og
lífeyrisgreiðslum
Fjöldi greiðandi sjóðfélaga var
2.657 og fjöldi þeirra sem fá
lífeyrisgreiðslur úr sjóðnum var
3.554. Iðgjöld sjóðfélaga námu
168 milljónum króna, sem er
11,5% aukning frá fyrra ári, og
heildariðgjaldatekjur námu 522
milljónum, sem er 7,1% hækkun
frá fyrra ári. Heildarlífeyrisgreiðslur
námu 1.197 milljónum, hækka um
7,2% milli ára.
Rekstrarkostnaður 0,1% af
eignum
Rekstrarkostnaður var 0,1% af
eignum sjóðsins á árinu 2012, var
36 milljónir, óbreyttur frá fyrra ári.
Fjárfestingargjöld voru 75 m.kr.,
jukust um 12 milljónir milli ára, sem
stafaði meðal annars af auknum
umsvifum í fjárfestingarstarfsemi,
auknum kostnaði við lánaumsýslu
og hærri eftirlitsgjöldum opinberra
aðila.
Verðtryggð og óverðtryggð
lán í boði
Sjóðfélagar eiga rétt á lánum úr
sjóðnum, bæði verðtryggðum og
óverðtryggðum. Sjóðurinn stefnir
að aukningu sjóðfélagalána og hefur
í því skyni lækkað vexti í upphafi
árs 2013 og afnumið þak á láns-
fjárhæðir að uppfylltum ákveðnum
skilyrðum.
Tryggingafræðileg staða batnar
Tryggingafræðileg athugun fyrir
LSB 2012 sýndi að afkoma sjóðsins
hefur batnað frá árinu 2011. Í lok árs
2012 voru áfallnar skuldbindingar
2,4% hærri en eignir sjóðsins,
á móti 9,9% í lok árs 2011, og
heildarskuldbindingar voru 4,6%
umfram heildareignir, á móti 12,3%
2011. Á árinu voru teknar í gildi
nýjar dánar- og eftirlifendatöflur
og hafði það áhrif til hækkunar
skuldbindinga sem nemur um 1,3%.
Sjóðurinn er innan þeirra marka sem
lög kveða á um tryggingafræðilega
stöðu.
Breytingar samþykkta
Á aukaársfundi sjóðsins 8. júní
2012 var kynnt tillaga stjórnar um
breytingu á samþykktum sjóðsins
og 10% lækkun réttinda. Þau hafa
ekki áður verið skert hjá sjóðnum,
öndvert því sem gerst hefur hjá
nær öllum öðrum lífeyrissjóðum.
Þeirri lækkun lífeyrisgreiðslna sem
leiðir af skerðingunni er í flestum
tilfellum mætt með minni skerðingu
bóta frá almannatryggingakerfinu
þannig að hún hefur ekki mikil
áhrif á heildarlífeyrisgreiðslur
sjóðfélaga.
Mikilvægi fjárfestingarstefnu
Áhersla hefur verið á aukin gæði
fjárfestinga og gagnsæi í viðskiptum.
Mikilvægt er að áfram verði unnt
að ávaxta fjármuni með viðunandi
ávöxtun og lágmarksáhættu. Þannig
verða hagsmunir sjóðfélaga sem
best tryggðir.
Sjóðurinn byggir á varfærinni en
metnaðarfullri fjárfestingarstefnu
og hefur hann komið vel út úr
öllum skoðunum, einnig að því
er varðar rekstur. Sjóðurinn veitir
sambærileg réttindi og aðrir sjóðir,
en hjá honum er mikil sérþekking
á högum bænda.
Ársfundur 14. mars
Ársfundur Lífeyrissjóðs bænda
verður í Norðursal á 3. hæð
Bændahallarinnar 14. mars
næstkomandi og hefst klukkan
13.00.
Ársreikningur Lífeyrissjóðs bænda 2012:
Skilaði 5,5% hreinni raunávöxtun
Stjórn og framkvæmdastjóri Lífeyrissjóðs bænda 2013. Talið frá vinstri: Halldóra Friðjónsdóttir, Guðrún Lárusdóttir,
Skúli Bjarnason, formaður, Ólafur K. Ólafs, framkvæmdastjóri, Örn Bergsson og Vigdís M. Sveinbjörnsdóttir.
Mynd / Halldóra Ólafs.
-20%
-15%
-10%
-5%
0%
5%
10%
15%
20%
25%
0
5.000
10.000
15.000
20.000
25.000
30.000
35.000
2001 2002 2003 2004 2005 2006 2007 2008 2009 2010 2011 2012
Heildareignir (mkr.) vinstri ásSkuldbindingar (mkr.) vinstri ásHeildarstaða (%) - hægri ásÁfallin staða (%) - hægri ás
Stöðugur vöxtur hreinnar eignar til greiðslu lífeyris frá árinu 2008 og raun-
ávöxtun á uppleið.
Þróun heildareigna, skuldbindinga og tryggingafræðilegrar stöðu.
Jóhanna Sjöfn við golfskálann í Nesi í Reykholtsdal þar sem hún og systkini
hennar munu innan tíðar hefja veitingasölu með áherslu á svæðisbundin
matvæli. Mynd / ehg
Hönnubúð í N1-skálanum í Reykholti:
Þar upplifir fólk náttúru og
matarkistu Borgarfjarðar
Jóhanna Sjöfn Guðmundsdóttir,
rekur Hönnubúð í N1-skálanum
í Reykholti. Hún og systkini
hennar, sem uppalin eru á
Grímsstöðum í Reykholtsdal,
hafa tekið golfskálann í Nesi,
steinsnar frá heimaslóðum
sínum, á leigu til að setja á
stofn veitingastað þar sem
svæðisbundin matvæli verða í
hávegum höfð. Einnig eru fleiri
hugmyndir í farvatninu.
Systkinin Jóhanna, Kristbjörg,
Gréta og Kristinn Hannes hafa
tekið Byrgishól á leigu, en það
er golfskáli við bæinn Nes í
Reykholtsdal.
„Það er mikil umferð á sumrin
en fáir stoppa við. Margir spyrja
hins vegar út í veitingastaði á
svæðinu, sem er heldur lítið af.
Hér er mikil saga og það sem
vantar er að ná fjölskyldufólki og
almennu ferðafólki til okkar. Hér
koma margir upp að Hraunfossum
og upp á hálendið en flestir rúlla í
gegnum dalinn án þess að staldra
við,“ útskýrir Jóhanna.
Svæðisbundin hráefni

Jóhanna og maður hennar,
Hörður Guðmundsson, fluttu í
Reykholtsdalinn frá Noregi árið
2010 og tóku við rekstri hjá N1 í
Hönnubúð.
„Það hefur lengi blundað í
mér að hér sé hægt að gera meira
fyrir ferðamenn og því var það
ánægulegt þegar Kristbjörg systir
kom með þessa hugmynd en ég
neitaði að gera þetta ein og því er
þetta orðið okkar allra systkinanna.
Við munum nota það hráefni sem
við náum í hér á svæðinu og má
þar nefna lamb, silung og allt
það grænmeti sem ræktað er í
gróðurhúsum hér allt í kring.
Kryddið vex síðan úti í móa og
inni í skógi,“ útskýrir Jóhanna og
segir jafnframt:
„Við vonum einnig að til
okkar eigi eftir að koma hópar
sem vildu eyða deginum með
okkur og höfum við ákveðið að
kalla það Dagstund í sveitinni. Þá
ætlum við að byrja daginn á að
baka hverabrauð, svo förum við
og öflum matar fyrir kvöldmatinn,
við tínum jurtir, sveppi, og ber og
förum jafnvel með hópa upp á
Arnarvatnsheiði og veiðum silung,
allt eftir því hvað árstíðin býður
upp á. Við munum kenna fólki
hvernig það getur nýtt þær jurtir
sem vaxa hér í kring í krydd, te
eða jurtasmyrsl. Við höfum einnig
hugsað okkur Dagstundina þegar
fer að hausta og vetra og vonumst
við eftir því að fá til okkar innlenda
og erlenda hópa til sláturgerðar og
í laufabrauðsgerð og hvað annað
sem okkur dettur í hug hverju
sinni. Við viljum að fleiri fái að
upplifa fallegu náttúruna hér og
kynnast matarkistu Borgarfjarðar.“
Komið til að vera
Á laugardögum er síðan fyrirhugað
að hafa bændamarkað í gömlu
hlöðunni í Nesi.
„Það er einnig hugmynd með
þessu að nota söguna úr Reykholti.
Hér eru sæti fyrir 60 manns og
ef við notum ímyndunaraflið
getum við tekið á móti stærri
hópum. Það er ekki nóg að tala
um hugmyndirnar, maður verður
að prófa til að sannreyna að þær
gangi. Við höfum trú á að við
getum fengið fólk til að stoppa
hér meira og að þetta sé komið
til að vera. Með þessu framlagi
viljum við gera meira úr upp-
sveitunum, sem hafa upp á svo
margt að bjóða.“
/ehg
Gjaldskrá fyrir
útgáfu hestavegabréfa
Gjaldskrá fyrir útgáfu hestavegabréfa samkvæmt reglugerð
nr. 449 frá 25. júní 2002. Gjaldskráin tekur gildi þann 1.
maí 2013 í samræmi við ákvörðun atvinnuvega- og ný-
sköpunarráðuneytisins.
Gjald BÍ vegna útgáfu vegabréfs
ef hross er A-vottað kr. 5.170
Gjald BÍ vegna útgáfu vegabréfs
ef hross er ekki A-vottað kr. 5.940
Gjald BÍ vegna flýtimeðferðar kr. 10.450
Sama gjald er tekið fyrir endurútgáfu
vegabréfa og við 1. útgáfu.
Bændasamtök Íslands,
Bændahöllinni við Hagatorg,
107 Reykjavík