Bændablaðið - 07.03.2013, Blaðsíða 28
28 | búnaðarþing 2013 BLAÐAUKI BÆNDABLAÐSINS 7. MARS 2013
Landbúnaðarverðlaunin 2013
voru veitt við setningu búnaðar-
þings síðastliðinn sunnudag. Að
þessu sinni hlutu bændurnir í
Laxárdal II og handverkshópur-
inn Handverkskonur milli heiða
verðlaunin, sem Steingrímur J.
Sigfússon atvinnuvega- og nýsköp-
unarráðherra veitti.
Í Laxárdal II búa hjónin María
Guðný Guðnadóttir og Hörður
Harðarson félagsbúi ásamt syni
sínum Björgvini Þór og tengda-
dótturinni Petrínu Þórunni Jónsdóttur
auk barna þeirra. Í Laxárdal er rekið
stórt svínabú sem hefur þá sérstöðu að
stór hluti fóðurs er heimafenginn. Um
75 prósent af öllu fóðri sem svínin í
Laxárdal fá eru ræktuð í Gunnarsholt
þar sem Laxárdalsbændur leigja um
300 hektara lands undir kornrækt,
einkum bygg. Bændur í Laxárdal
hljóta Landbúnaðarverðlaunin fyrir
myndarskap, dugnað, framsýni og
nýsköpun í íslenskum landbúnaði.
Handverkskonur milli heiða eru
félagsskapur sem stofnaður var í
mars 1992 af konum í Bárðardal,
Ljósavatnshreppi og af bæjum í
Reykdælahreppi vestan Fljótsheiðar.
Strax í næsta mánuði bættust konur í
Hálshreppi við og þá varð til nafnið
á félaginu; Handverkskonur milli
heiða. Tildrögin að þessum félags-
skap má rekja til þess að eftirspurn
var eftir minjagripum – vörum úr
heimabyggð, ekta íslenska minja-
gripum og öðru handverki. Það varð
úr að nokkrar konur tóku sig saman
um að láta reyna á það hvort vilji
væri fyrir því að stofna félagsskap
til að vinna að íslensku handverki og
selja það við Goðafoss. Nú er félags-
svæðið öll Þingeyjarsveit.
Árið 1993 stofnuðu Handverks-
konur milli heiða hlutafélagið
Goðafossmarkað ehf. sem annast
sölu á vörum handverkskvenna og
fleira fólks úr héraði. Hlutafélagið
er að stærstum hluta í eigu félags-
kvenna.
Nú 21 ári síðar eru Handverks-
konur milli heiða enn að auka og
bæta framleiðsluna. Fjölbreytnin
vex og verslunin er vinsæll áningar-
staður ferðamanna vegna þeirra
fjölbreyttu og fallegu vöru sem fæst
á Goðafoss markaði. Handverks-
konur hljóta Landbúnaðar verðlaunin
fyrir dugmikið starf við útbreiðslu
íslensks handverks og atvinnuþróun
í dreifbýli.
/fr
Landbúnaðarverðlaunin 2013:
Laxárdalur II og Handverkskonur
milli heiða verðlaunaðar
Steingrímur J. Sigfússon, atvinnumála- og nýsköpunarráðherra, ásamt handhöfum Landbúnaðarverðlauna 2013.
Óveðrið norðanlands:
Björgunarsveitum
þakkað fyrir aðstoð
Við setningu Búnaðarþings
2013 var Slysavarnarfélaginu
Landsbjörg veittur fimm millj-
óna króna styrkur sem þökk fyrir
ómetanlega aðstoð í hamfara-
veðrinu sem gekk yfir Norðurland
síðast liðið haust. Peningarnir eru
hluti afraksturs söfnunarinnar
Gengið til góðs sem hrint var
af stað eftir óveðrið en þar var
fjármunum safnað til að bæta
bændum tjón sem þeir urðu fyrir
á fé sínu.
Talið er að um 10.000 fjár hafi
farist í veðurhamnum. Gríðarlegur
fjöldi fólks, bænda og annarra lagði
þá nótt við dag við björgunarstörf.
Seint verður hlutur björgunar-
sveitanna þakkaður nógsamlega við
þau störf en félagar þeirra lögðu á
sig gríðarlega mikla vinnu við að
aðstoða bændur. Guðni Ágústsson,
fyrrverandi landbúnaðarráðherra og
formaður starfshóps söfnunarinnar,
og Þórarinn Ingi Pétursson, formaður
Landssamtaka sauðfjárbænda, veittu
fulltrúum Landsbjargar ávísun sem
þökk fyrir þeirra ómetanlega framlag
til björgunarstarfanna.
/fr
Guðni Ágústsson, fyrrverandi landbúnaðarráðherra og formaður starfs hóps
söfnunarinnar, og Þórarinn Ingi Pétursson, formaður Landssamtaka sauðfjár-
bænda, veittu fulltrúum Landsbjargar ávísun sem þökk fyrir ómetanlegt
framlag þeirra til björgunarstarfanna. Mynd / HKr.
Búnaðarþing samþykkti að beina
því til Ráðgjafarmiðstöðvar
landbúnaðarins að efla ráðgjöf
við ábúendaskipti á bújörðum.
Við ábúendaskipti á bújörðum
þarf að formfesta ýmsa þætti,
hvort sem um er að ræða kaup
eða sölu, leigu, lán, eða blandaðar
leiðir. Þegar ábúendaskipti eiga
sér stað getur öflug ráðgjöf án efa
skilið milli þess hvort ferlið gengur
upp eða ekki, segir meðal annars í
greinargerð með ályktuninni.
Ítrekað hefur verið fjallað um
ýmis vandkvæði við nýliðun og
ábúendaskipti í landbúnaði. Ljóst
er að eitt stærsta vandamálið í þeim
efnum er sá mikli kostnaður sem
nýliðar þurfa að leggja út í við upphaf
búskapar. Í ályktun Búnaðarþings nú
felast ekki leiðir til að draga úr þeim
kostnaði heldur að nýta þá þekkingu
á mismunandi leiðum sem til staðar
er. Með því mætti auðvelda ábúenda-
skipti en þó er ljóst að eftir sem áður
verður kostnaðurinn þyngsta þrautin.
Í ályktuninni kemur fram að draga
skuli saman þekkingu ráðunauta, og
eftir atvikum lögfræðinga, er varðar
mismunandi fyrirkomulag við ábú-
endaskipti. Skilgreina þurfi kosti og
galla mismunandi rekstrarforma,
leigusamninga og annarra samninga.
/fr
Efla á ráðgjöf við
ábúendaskipti
Fimm stjórnarmenn Bænda-
samtaka Íslands viku úr stjórn
nú á Búnaðarþingi 2013. Fjórir
þeirra höfðu setið samfleytt í níu
ár en sá fimmti í þrjú ár. Því varð
mikil endurnýjun í stjórn eins og
getið er annars staðar í blaðinu.
Áður en kosningar til stjórnar
fóru fram voru stjórnarmönnunum
fráfarandi veittar þakkir fyrir störf
þeirra í þágu bænda. Áður höfðu
Haraldi Benediktssyni, fráfarandi
formanni, verið færðar þakkir
fyrir sín störf. Sveinn Ingvarsson í
Reykjahlíð, varaformaður, þakkaði
fyrir þann stuðning sem hann
hefði átt hjá bændum síðustu níu
ár sem stjórnarmaður. Hann gerði
að umtalsefni að að sú stjórn sem
mynduð var fyrir níu árum, við
formannskjör Haraldar, hefði að
sumu leyti verið mynduð við erfiðar
kringumstæður. Nokkur átök voru
um stjórnarmenn þá og var farin
sáttaleið til að setja niður deilur.
Þrátt fyrir þetta sagði Sveinn að mikil
eindrægni hefði alla tíð einkennt starf
stjórnanna þessi níu ár og raunar
hefði ekki nema einu sinni komið
til þess að greidd væru atkvæði innan
stjórnarinnar. Sveinn sagðist ganga
þakklátur og ánægður frá borði en
þó vissulega með söknuði.
Jóhannes Sigfússon á Gunnars-
stöðum þakkaði sömuleiðis fyrir
samstarf síðustu ára. Hann nefndi að
það væri ekki sjálfgefið að þeir sem
byggju langt frá vettvangi, eins og í
hans tilfelli, ættu þess kost að taka
þátt í félagsstarfi af þessu tagi þar
sem meginþungi starfsins færi fram í
Reykjavík. Jóhannes sagði hins vegar
að hann hefði aldrei þurft að líða fyrir
búsetu sína og það væri afar mikils
virði. Hann lagði áherslu á mikilvægi
þess að allir gætu tekið þátt óháð
búsetu og hvatti Bændasamtökin til
þess að halda áfram á sömu braut
hvað það varðar.
Sigurbjartur Pálsson í Skarði
kvaddi eftir átján ára veru á búnaðar-
þingi. Sigurbjartur tók fyrst sæti árið
1995 eftir sameiningu Búnaðarfélags
Íslands og Stéttarsambands bænda í
Bændasamtök Íslands. Hann sagði að
það væri söknuður að því að hverfa
nú frá, eftir níu ára stjórnarsetu, en
tíminn hefði verið góður og gefandi.
Hann nefndi raunar að oft hefði hann
kosið að vinna að öðrum verkefnum
en hefðu komið í fangið á stjórn á
þessum tíma og vísaði þar til þeirrar
miklu vinnu sem fylgt hefði aðildar-
umsókninni að Evrópusambandinu.
Árni Brynjólfsson á Vöðlum
sagði að stjórnarseta síðustu þriggja
ára hefði verið sér afar góð og
mikil reynsla. Hann tók undir með
Jóhannesi hvað varðaði mikilvægi
þess að allir hefðu kost á að sinna
störfum sem þessum óháð búsetu.
Þrátt fyrir að hann hefði aldrei
fundið fyrir öðru en því að hliðrað
væri til eftir fremsta megni vegna
þess hversu langt væri fyrir hann að
sækja fundi væri því ekki að leyna
að fjarlægðin frá höfuðstöðvunum
í Reykjavík væri stærsta ástæðan
fyrir því að hann hefði ákveðið að
gefa ekki kost á sér til áframhaldandi
stjórnarsetu né setu á búnaðarþingi.
Lífið væri of stutt fyrir allar þær
bílferðir sem starfið krefðist.
/fr
Fráfarandi stjórnarmenn BÍ talið frá vinstri: Jóhannes Sigfússon á Gunnarsstöðum, Sigurbjartur Pálsson í Skarði,
Sveinn Ingvarsson í Reykjahlíð og Árni Brynjólfsson á Vöðlum. Mynd / HKr.
Stjórnarmenn kvöddu með söknuðiFrá setningu
búnaðarþings