Læknablaðið - 01.06.1968, Side 67

LÆKNABLAÐIÐ
143
7. röntgenmynd: R. P.
Við komu á sjúkrahúsið er sjúklingur aðframkominn vegna önd-
unarerfiðleika, öndun hröð og grunn og litarháttur grábleikur. Vinstri
brjósthelft hreyfðist mun minna við öndun en sú hægri, og þar var
mikið loft undir húð. Nokkurt húðhruml framan á brjóstkassa, á enni,
vinstri fótlegg og hægri rist. Vinstri upphandleggur er brotinn og
bæði bein vinstri framhandleggjar. Drengnum er strax gefið blóð til
að koma í veg fyrir lost.
Röntgenmynd af brjóstkassa (6. röntgenmynd) og lungum sýnir
slæðu yfir vinstra lunga, sem álitið er að stafi af blæðingu inn í brjóst-
holið vegna áverka á lunga.
Ástand drengsins er svo alvarlegt, að gera verður skurðaðgerð
tafarlaust til þess að stöðva blæðingu og gera við rifuna eða rifurnar
í lunganu.
Vinstra brjósthol er opnað með venjulegum skurði. Þarna er mikið
mar og blæðing undir húð og inn í vöðva.
Brjóstvöðvinn mikli (m. pectoralis major) er töluvert rifinn ná-
lægt festunni, og millirifjavöðvarnir eru rifnir á 4—5 cm löngu svæði
í 4. millirifjabili, og brjósthimnan er einnig rifin þar. Þegar betur er
opnað inn í brjóstholið, kemur í ljós, að þar er um að ræða töluverða