Læknablaðið - 01.06.1968, Síða 74
148
LÆKNABLAÐIÐ
Jtá lœkhutn
Hólmfríður Magnúsdóttir fékk almennt lækningaleyfi 5. febrúar
1968 og Ása Guðjónsdóttir, Ásgeir Karlsson og Kristján Sigurjónsson
11. marz 1968.
★
Nikulás Sigfússon var hinn 4. desember 1967 viðurkenndur sér-
fræðingur í lyflækningum með sérstöku tilliti til farsótta. Hann er
fæddur að Þórunúpi í Hvolhreppi í Rangárvallasýslu 1. apríl 1929,
varð stúdent frá M. R. 1950, cand. med. frá Háskóla íslands í janúar
1958, fékk almennt lækningaleyfi á íslandi 22. júlí 1960 og sænskt
lækningaleyfi 15. maí 1964. Hann var námskandídat í Reykjavík
1958—1959, síðan aðstoðarlæknir við sjúkrahúsið á Akranesi 7 mánuði
og þá héraðslæknir í Bolungarvík 15 mánuði. Hann hélt til Svíþjóðar
1961 og var þar við sárnám í 6 ár í lyflækningum, einkum farsóttum
og smitsjúkdómum, lengst af í Eskilstuna, en einnig um tíma í Stokk-
hólmi og Jönköping. Hann hefur starfað við Rannsóknarstöð Hjarta-
verndar í Reykjavík frá 1. apríl 1967. Ritgerðir: Extrem hyperglycemi
och hyperosmolaritet utan ketoacidos (Nord. med. 1967); Kliniska
erfarenheter av ett nytt antibiotikum: Doxycyklin (Opusc. Med. 1967).
★
Baldur Johnsen var hinn 11. marz 1968 viðurkenndur sérfræð-
ingur í líffærameinafræði, og féll jafnframt úr gildi sérfræðingsviður-
kenning hans í hagnýtri heilbrigðisfræði.
★
Jakob V. Jónasson hefur verið ráðinn sérfræðingur við geðdeild
Borgarspítalans, og Ólafur H. Ólafsson og Þorgeir Jónsson hafa verið
ráðnir aðstoðarlæknar við sömu deild.
★
Guðmundur Jónmundsson cand. med. hefur verið settur héraðs-
læknir í Vopnafjarðarhéraði, og jafnframt Þórshafnarhéraði, frá 1.
maí 1968.
★
Ingimar S. Hjálmarsson hefur verið settur héraðslæknir í Raufar-
hafnarhéraði frá 16. marz 1968 með setu á Húsavík.
★
Gísli G. Auðunsson, héraðslæknir í Húsavíkurhéraði, heíur verið
settur til að gegna Kópaskershéraði ásamt sínu eigin héraði frá 16.
marz 1968.
★
ísleifur Halldórsson, héraðslæknir í Hvolshéraði, hefur verið settur
til að gegna Helluhéraði ásamt sínu eigin héraði frá 19. janúar 1968.
★
Eiríkur Bjarnason augnlæknir opnaði lækningastofu í Reykjavík
í desember 1967.
★
Ragnheiður Guðmundsdóttir augnlæknir opnaði lækningastofu í
Reykjavík í febrúar 1968.