Læknablaðið - 01.06.1971, Qupperneq 30

92
LÆKNABLAÐIÐ
FUNDARGERÐ AÐALFUNDAR
LÆKNAFÉLAGS ÍSLANDS 1969
Aðalfundur L.í. árið 1969 var haldinn í Domus Medica í Reykja-
vík dagana 12.-14. september 1969.
Formaður L.Í., Arinbjörn Kolbeinsson, setti fundinn 12. sept. kl.
9 f. h. í upphafi fundarins minntist hann þeirra starfsbræðra, sem
látizt höfðu, frá því að síðasti aðalfundur var haldinn. Höfðu sjö
læknar látizt á þessu tímabili, en þeir voru:
Guðmundur Guðmundsson, f. 12.12. 1898, d. 23.10. 1968,
Guðmundur Thoroddsen, f. 1.2. 1887, d. 6.7. 1968,
Guðmundur Gíslason, f. 25.2. 1907, d. 22.2. 1969,
Páll Sigurðsson, f. 23.7. 1892, d. 21.5. 1969,
Geir Jónsson, f. 21.5. 1929, d. 24.5. 1969,
Lárus Einarson, f. 5.6. 1902, d. 14.8. 1969,
Eyþcr Gunnarsson, f. 25.2. 1908, d. 21.8. 1969.
Fundarmenn risu úr sætum til að votta hinum látnu virðingu sína.
Þá var gengið til dagskrár. Fundarstjóri var kjörinn Víkingur H.
Arnórsson, Reykjavík, og ritari, Halldór Halldórsson, Akureyri.
í kjörbréfanefnd voru kosnir Sigmundur Magnússon, Reykjavík,
Brynleifur H. Steingrímsson, Selfossi, og Ólafur Sveinsson, Sauðár-
króki. Úrskurðuðu þeir kjörbréf fulltrúa lögmæt, og sátu fundinn
eftirtaldir menn:
Frá Læknafélagi Reykjavíkur: Arinbiörn Kolbeinsson, Stefán
Bogason, Friðrik Sveinsson, Sigmundur Magnússon, Árni Björnsson,
Víkingur H. Arnórsson, Gunnlaugur Snædal og einnig varafulltrúi Páll
Sigurðsson. Frá Læknafélagi Vestfjarða: Björn Önundarson, Reykjavík.
Frá Læknafélagi Norðvesturlands: Ólafur Sveinsson, Sauðárkróki.
Frá Læknafélagi Akureyrar: Halldór Halldórsson, Akureyri. Frá
Læknafélagi Norðausturlands: Ingimar Hjálmarsson, Húsavík. Frá
Læknafélagi Austurlands: Þorsteinn Sigurðsson, Egilsstöðum (gat þó
ekki mætt í upphafi fundar). Frá Læknafélagi Vesturlands: Þórður
Oddsson, Akranesi (gat þó ekki mætt í upphafi fundar). Frá Lækna-
félagi Suðurlands: Brvnleifur H. Steingrímsson, Selfossi. Frá Lækna-
félagi Norðausturlands var einnig mættur varafulltrúi, Daníel Daníels-
son, Húsavík.
Ársskýrsla Ársskýrsla L.í. fyrir starfsárið 1968-1969. Drög
Læknafélags Islands að ársskýrslunni höfðu áður verið rædd á for-
mannaráðstefnu í maí og síðan send út til svæða-
félaganna. Lokaskýrslu var dreift út til fundarmannanna, sem og
fylgiskjölum með henni. Arinbjörn Kolbeinsson formaður fór yfir
skýrsluna og ræddi flest atriði hennar stuttlega, en að öðru leyti
vísast til skýrslunnar sjálfrar.*) Samþykkti fundurinn að taka skýrslu
Domus Medica eingöngu fyrir á læknaþingi.
) Ársskýrslan birtist í Læknablaðinu 1970, 165.-216. bls.