Læknablaðið - 01.06.1971, Síða 52

106
LÆKNABLAÐÍÐ
FUNDARGERÐ LÆKNAÞINGS
LÆKNAFÉLAGS ÍSLANDS 1969
Læknaþing árið 1969 var sett kl. 14 hinn 12. sept. 1969. Arinbjörn
Kolbeinsson setti þingið og tilnefndi forseta þess Árna Björnsson,
lækni í Reykjavík, en hann tilnefndi Ólaf Sveinsson, lækni á Sauðár-
króki, fundarritara, og var það samþykkt.
Arinbjörn Kolbeinsson skýrði skýrslu stjórnar Læknafélags Is-
lands, sem lá fyrir fjölrituð á þinginu. Stefán Bogason, gjaldkeri L.Í.,
las upp reikninga Læknafélags íslands, Læknablaðsins og Styrktar-
sjóðs lækna. Allir þessir reikningar voru undirritaðir af endurskoðend-
um.
Þá flutti Bjarni Bjarnason læknir skýrslu Domus Medica. Skýrði
hann frá því, að eftir er að ganga frá lóðinni í kringum húsið, en gang-
stéttar hafa verið lagðar. Einnig skýrði hann frá breytingum, sem
gerðar hafa verið á skrifstofu læknafélaganna. Voru þær að mestu
leyti fólgnar í því, að innréttingum var breytt og bókaherbergi lagt
niður, en gerður þar lítill fundasalur. Inngangi í skrifstofuna var
breytt, og virðist þetta hafa lagað skrifstofuna og starfsaðstöðu alla.
Einnig ræddi hann skattfrelsi Domus Medica, sem hann sagði, að væri
ekki lengur fyrir hendi.
Einnig fór Bjarni nokkrum orðum um reksturinn, og á síðastliðnu
ári sagði hann rekstrarhagnað hafa orðið kr. 334.530.00. Framkvæmda-
stjóri hússins, Friðrik Karlsson, gaf nokkrar upplýsingar um starf-
semina á árinu, sem af er, og kvað hana vera góða; skuldir hefðu
lækkað og væru nú um 6.8 milljónir króna.
Umræður urðu síðan um skýrslu stjórnar og reikninga. Til máls
tóku Arinbjörn Kolbeinsson, Bjarni Bjarnason, Sigmundur Magnússon
og Páll Sigurðsson. Páll Sigurðsson spurðist fyrir um starfsemi skrif-
stofu læknafélaganna og hvers vegna sjóðir Læknafélagsins hefðu
verið fluttir úr skrifstofunni. Arinbjörn Kolbeinsson sagði, að allir
þessir sjóðir væru aftur komnir í vörzlu félagsins. Kvaddi hann á
fundinn Guðjón Eyjólfsson endurskoðanda, sem skýrði reikninga L.í.
og Læknablaðsins. Halldór Halldórsson frá Akureyri spurðist fyrir um,
hvað Læknafélag íslands ætti mikinn hlut í Domus Medica og hvort
Læknafélag íslands væri fáanlegt til að byggja slíkt hús á Akureyri.
Sigmundur Magnússon skýrði hlutskipti félagsins í Domus Medica.
Að þessum viðræðum loknum var gert fundarhlé.
Eftir fundarhléið ræddi Halldór Halldórsson nokkuð um trygg-
ingu lækna og læknastúdenta, t. d. í sambandi við slys. Einnig ræddi
hann um læknabréf sérfræðinga, sem hann sagði, að bærust illa til
þeirra lækna, sem vísað hefðu á þá. Árni Björnsson og Arinbjörn Kol-
beinsson svöruðu Halldóri, og einnig skýrði Páll Sigurðsson, trygg-
ingarlæknir, nokkur tryggingarleg atriði í því sambandi.
Þá var tekin fyrir úr ársskýrslu læknadeilan á Húsavík. Var