Læknablaðið - 01.08.1971, Blaðsíða 44

148
LÆKNABLAÐIÐ
2. Heilbrigðisráðstefna
Föstudag 4. október setti formaður félagsins annan þátt afmælis-
hátíðarinnar. Það var ráðstefna um heilbrigðismál, þar sem fjallað
var um heimilislækningar í strjálbýli og þéttbýli. Formaður gat þess
í setningarræðu sinni, að þetta væri önnur heilbrigðisráðsteína, sem
L.í. beitti sér fyrir, hin fyrsta hefði verið í nóvember 1967, og hefði
þar verið fjallað um allmarga þætti heilbrigðisþjónustunnar, en nú
hefði verið valinn aðeins einn, heimilislækningar. Byggðist þetta á
tvennu: í fyrsta lagi, að ábendingar hefðu komið fram eftir fyrstu
heilbrigðismálaráðstefnu, að heppilegra væri að taka þar fyrir af-
mörkuð svið og gera þeim sem bezt skil, í öðru lagi hefði það þótt
vel viðeigandi að fjalla um heimilislækningar á afmæli Læknafélags
Islands, því að það er sá þáttur, sem aðrar lækningar byggjast á, en
jafnframt sá þáttur, sem Læknafélag Islands hefur mest afskipti af.
Áður en gengið var til dagskrár, ávarpaði heilbrigðismálaráðherra,
Jóhann Hafstein, ráðstefnuna og skýrði meðal annars frá því, að
ákveðið væri _að leggja fram nýtt frumvarp á Alþingi um breytingu
á stjórnarráði íslands, þar sem gert væri ráð fyrir trygginga- og heil-
brigðismálaráðuneyti. Sömuleiðis skýrði hann frá því, að í ráði væri
að gera breytingar á læknaskipunarlögunum, þannig að auðveldara
yrði að koma á fót læknamiðstöðvum en nú er samkvæmt gildandi
lögum.
Dagskrá ráðstefnunnar (fskj. 2). Fundarstjóri fyrri daginn var
Páll Gíslason yfirlæknir og fundarritari Friðrik Sveinsson.
Laugardag 5. október kl. 10.00 var heilbrigðismálaráðsteínan sett
að nýju. Fundarstjóri var dr. med. Gunnlaugur Snædal. Mættu þá til
ráðstefnunnar fulltrúar frá Noregi, Finnlandi og Svíþjóð, en brezki
fulltrúinn, dr. James Cameron, hafði komið-' daginn áður, en hann
flutti erinai um framhaldsmenntun brezkra lækna. Á ráðstefnunni
þennan morgun tók dr. Odd Bjercke, fulltrúi Norðmanna, einnig þátt
í umræðunum og sagði frá ýmsu í sambandi við störf og framhalds-
menntun norskra lækna.
Herbergi höfðu verið pöntuð fyrir hina erlendu gesti á Hótel
Holti. Hverjum gesti var sent á hótelherbergið kveðja frá Læknafélagi
íslands ásamt korti og bæklingi um ísland. Einnig fylgdi ágrip af sögu
Læknafélags íslands, sem Páll V. G. Kolka hafði samið, og var það
í enskri þýðingu, gerðri af Sigfúsi Gunnlaugssyni (fskj. 3).
3. Afmælishátíð
Á laugardagseftirmiðdag bárust L.í. fagurlega skreyttar blóma-
körfur og blómvendir frá eftirtöldum aðilum: heilbrigðismálaráðherra,
Jóhanni Hafstein; borgarstjóra, Geir Hallgrímssyni; Tannlæknafélagi
íslands, Lyfjafræðingafélagi íslands og Hjúkrunarfélagi íslands. Skeyti
bárust frá þessum aðilum: Ólafi Þorsteinssyni lækni; frú Helgu og
Bjarna Snæbjömssyni lækni; Tannlæknafélagi íslands og William
Warner Co., Ltd., Englandi.
Þá sendi heildverzlun Guðna Ólafssonar gjafapakka með lyfja-
sýnum. Var upphaflega ætlunin, að þeim yrði raðað við diska boðs-
gesta, en það reyndist ekki unnt, sérstaklega þar sem salurinn var