Læknablaðið - 01.08.1971, Blaðsíða 59

LÆKNABLAÐIÐ
157
gerðar eru og gera á um læknisþjónustu í nútímaþjóðfélagi. Áhalda-
snauður læknir með litla eða enga rannsóknaaðstöðu verður lítið
annað en smáskammtalæknir og sjúkrapóstafgreiðslumaður. Þetta get-
ur ekki talizt nútímalæknisþjónusta og ekki heldur hitt, ef læknir
reynir að leysa of erfið viðfangsefni við ófullnægjandi skilyrði, ef til
vill sjúklingi sínum til tjóns. Nútímalæknisþjónusta byggist á tækni-
lega flóknum vísindalegum vinnuaðferðum, sem einungis er hægt að
framkvæma við ákveðin skilyrði. Aðeins við slík skilyrði ber læknis-
þjónusta góðan árangur og verður mannúðarstarf, en hún er það ekki,
ef læknum er fyrirmunað sökum ófullnægjandi starfsaðstöðu að beita
þekkingu sinni til fulls og greiða sjúklingum sínum veg að beztu
úrræðum vísindagreinar sinnar.
Á undanförnum áratugum hafa orðið stórstígar framfarir á sviði
læknisfræðinnar og störf lækna tekið margháttuðum breytingum, og
má fullvíst telja, að slíkar breytingar haldi áfram næstu áratugi.
Einkum má vænta framfara á sviði frumeindalíffræði, lyfjafræði,
ónæmisfræði, líffræði og lífeðlisfræði. Þetta mun valda veigamiklum
breytingum á flestum sviðum lyflæknisfræði cg hafa í för með sér
aukna þörf fyrir áframhaldandi skipulega verkaskiptingu lækna og
vísindamanna á öðrum sviðum, einkum í lífeðlisfræði lífefnafræði og
ýmsum þáttum eðlisfræði. Einnig er líklegt, að tæknifræðingar og
verkfræðingar komi meira inn á svið læknisþjónu.stunnar, eftir því
sem vélvæðing og rafvæðing hennar miðar lengra áfram. Skipulagning
læknisþjónustunnar og læknastarfa verður flóknari og fjölþættari með
hverju ári. Það er hlutverk lækna að taka átt í að leysa margháttaðan
vanda, sem hin öra þróun hefur í för með sér. Skipulagsmál verða
því meðal framtíðarverkefna læknasamtakanna. Það er einnig hlut-
verk lækna í nútímaþjóðfélagi að annast þekkingarmiðlun um læknis-
fræðileg efni og skipu.lag heilbrigðismála sín á milli og veita aimenningi
og stjórnmálamönnum fræðslu um þessi atriði.
Stofnár Læknafélags íslands 1918 var á margan hátt erfiðleikaár,
en jafnframt tímamótaár á sviði þjóðmála. Margir telja yfirstandandi
ár (1968) einnig erfiðleikatíma, og margt bendir til þess, að við séum
að nálgast þjóðfélagsleg tímamót, og þau engu ómerkari en 1918, þar
sem læknastéttin fær vaxandi tækifæri til þess að „líkna og lækna“,
til þess að vísa leið til betri og bjartari framtíðar fyrir einstaklinga
og þjóðfélagið í heild.
Fylgiskjal 5
MINNI KVENNA
flutt á hálfrar aidar afmæli Læknafélags íslands, 5. október 1968, af
Guðmundi Karli Péturssyni yfirlækni
Herra veizlustjóri!
Heiðruðu ágætu konur!
Háttvirta samkoma!
Mér er mikill sómi sýndur með því að gefa mér tækifæri til að
ávarpa yður hér í dag við þetta hátíðlega tækifæri, þegar hinn mæti