Fréttatíminn - 30.12.2010, Qupperneq 29

inni í Hafnarfirði. Gunnar Rúnar hefur verið úrskurð-
aður ósakhæfur bæði af læknum í frummati og síðan
geðlæknum í yfirmati. Verjandi Gunnars Rúnars fór
fram á að réttarhöldin færu fram fyrir luktum dyrum
en dómari í málinu synjaði þeirri beiðni í fyrirtöku
rétt fyrir jól.
Handtökur Kaupþingsmanna
Hreiðar Már Sigurðsson, fyrrverandi forstjóri
Kaupþings, og Magnús Guðmundsson, forstjóri
Kaupþings í Lúxemborg, voru handteknir í byrjun maí
af embætti sérstaks saksóknara þegar þeir komu til
landsins frá Lúxemborg í yfirheyrslur vegna rann-
sóknar á meintri markaðsmisnotkun bankans. Hreið-
ar Már var úrskurðaður í tólf daga gæsluvarðhald og
Magnús í vikulangt gæsluvarðhald á grundvelli rann-
sóknarhagsmuna. Magnús missti í kjölfarið vinnu
sína sem forstjóri Banque Havilland, sem reistur var á
grunni Kaupþings í Lúxemborg. Erfiðara reyndist að
ná Sigurði Einarssyni, fyrrverandi stjórnarformanni
bankans, í yfirheyrslur. Hann neitaði að mæta og fyrir
vikið var gefin út alþjóðleg handtökuskipun á hendur
honum. Sigurður mætti til yfirheyrslu í nóvember án
þess að hann væri handtekinn.
Kosning til stjórnlagaþings
Kosið var til stjórnlagaþings í fyrsta sinn 27. nóvem-
ber síðastliðinn. Alls voru 522 frambjóðendur í kjöri.
Kosningaþátttaka var um 37% og voru margar skýr-
ingar gefnar á dræmri mætingu kjósenda á kjörstað.
Alls voru tuttugu og fimm einstaklingar kjörnir á
stjórnlagaþingið, fimmtán karlar og tíu konur. Þor-
valdur Gylfason, prófessor við Háskóla Íslands, fékk
langflest atkvæði í 1. sæti eða tæplega 7.200 atkvæði.
Salvör Nordal, forstöðumaður Siðfræðistofnunar
Háskóla Íslands, fékk rúmlega 2,800 atkvæði í fyrsta
sæti og Ómar Ragnarsson, fyrrverandi fréttamaður,
rúmlega 2.400 atkvæði. Þingið kemur saman í febrúar
á næsta ári og mun starfa í tvo mánuði að minnsta
kosti. Þinginu er ætlað að endurskoða stjórnarskrá
Íslands og undirbúa frumvarp að endurbótum á henni
sem lagt verður fyrir Alþingi.
Nýtt nafn á Íslandsbikarinn í knattspyrnu
Breiðablik varð Íslandsmeistari karla í knattspyrnu í
fyrsta sinn. Liðið endaði með 44 stig, jafnmörg og FH
en mun betra markahlutfall, og tryggði sér titilinn
með markalausu jafntefli gegn Stjörnunni í Garðabæ
í lokaumferðinni. Það var samdóma álit flestra að
Breiðabliksmenn væru vel að titlinum komnir og að
liðið hefði spilað bestu knattspyrnuna. Framherjinn
snjalli, Alfreð Finnbogason, var valinn leikmaður árs-
ins og fékk jafnframt silfurskóinn sem annar marka-
hæsti leikmaður deildarinnar. Titill Breiðabliks kemur
í kjölfar nokkurra ára uppbyggingar þar sem ungir
leikmenn, uppaldir í liðinu, voru í aðalhlutverki. Sú
uppbygging skilaði sér fyrst í bikarmeistaratitli árið
2009 og síðan Íslandsmeistaratitli þetta árið undir
styrkri stjórn Ólafs Kristjánssonar.
Stóra biskupsmálið
Sigrún Pálína Ingvarsdóttir fékk uppreisn æru
fjórtán árum eftir að hún steig fram og kærði Ólaf
Skúlason, þáverandi biskup, fyrir kynferðislega
áreitni. Dóttir Ólafs, Guðrún Ebba, steig fram og gaf
ásökunum Sigrúnar Pálínu nýtt vægi með eigin lýs-
ingum á framferði föður síns. Karl Sigurbjörnsson,
biskup Íslands, og Kirkjuráð báðu þær og fleiri konur
fyrirgefningar á þeim brotum sem framin hefðu verið
á þeim af kirkjunnar þjónum. Í því fólst að lagður var
trúnaður á orð Sigrúnar Pálínu, ólíkt því sem var uppi
á teningnum árið 1996 þegar hver kirkjunnar þjónn-
inn á fætur öðrum reyndi að ata hana auri og draga úr
trúverðugleika hennar.
S igrún Pálína Ingvars-dóttir er baráttumaður árs-
ins. Átök hennar við að fá þjóð-
kirkjuna til að horfast í augu
við kynferðisbrot sem framin
hafa verið í skjóli hennar, hafa
leitt til þess að þjóðkirkjan
markaði sér á endanum stefnu
gegn kynbundnu ofbeldi í sam-
félaginu. Kirkjan hefur einnig
falið þriggja manna óháðri
rannsóknarnefnd að fara yfir
biskupsmálið svokallaða.
Sigrún Pálína hlaut jafnrétt-
isviðurkenningu Stígamóta í
lok nóvembermánaðar vegna
baráttunnar. Hún er fyrirmynd
margra kvenna sem hafa stigið
fram að undanförnu og rakið
sögur sínar af kynferðisbrot-
um. Í Morgunblaðsgrein sagði
hún brotamenn ekki lengur
geta skákað í skjóli þagnar þótt
langt væri liðið frá brotunum.
Mál Sigrúnar Pálínu, sem
fyrst árið 1986 sakaði Ólaf
Skúlason, þáverandi biskup,
um að hafa reynt að nauðga sér
1979, komst aftur í kastljós fjöl-
miðla á árinu. Það styrkti bar-
áttu Sigrúnar Pálínu mjög að
dóttir séra Ólafs studdi hana
og lýsti barnaníði, sem hún
varð fyrir af hendi föður síns, á
fundi með kirkjunnar mönnum
ári eftir að hún bað um fund-
inn.
Biskupsmálið vakti mikla
athygli í fjölmiðlum nú í haust.
Sigrún Pálína fékk uppreisn
æru, eftir að hafa flúið land í
kjölfar fyrra fjölmiðlamálsins.
 baráttukonan Sigrún Pálína ingvarSdóttir
Rauf þagnarmúrinn um kynferðisbrot
H ann hóf árið sem vinsælasti leik-ari ársins og aðalstjarna mest
sóttu íslensku bíómyndar síðustu
ára en lýkur því á stóli borgarstjóra
Reykjavíkur. Jón Gnarr er örugg-
lega eini borgarstjóri norrænnar
höfuðborgar sem hefur komið fram
á sprellanum á hvíta tjaldinu. Þegar
Jón kynnti Besta flokkinn til leiks
síðla hausts 2009 sagði hann ástæð-
urnar fyrir stofnun flokksins vera að
hann langaði að fá vel launað starf,
að komast í áhrifastöðu þar sem
hann gæti hjálpað vinum og vanda-
mönnum með ýmislegt og bætti svo
við: „Mig langar líka að vera með að-
stoðarmann.“ Allir þessir draumar
hans rættust. Sigur Besta flokks-
ins í kosningunum í höfuðborginni
var ævintýralegur og skráir nafn
Jóns í sögubækurnar
um ókomna tíð. Sigur
flokksins var táknmynd
óþols almennings gagn-
vart hinu hefðbundna
stjórnmálavafstri. Ótrú-
legt en satt; Jón og Besti
f lokkurinn hafa komið
með meiri festu og yfirveg-
un inn í ráðhúsið en íbúar í
borginni máttu búa við kjör-
tímabilið á undan. Það verður
spennandi að sjá hvort starfið
stígur Jóni á endanum til höf-
uðs. Það er þekkt úr sögu
Reykjavíkur að skemmti-
kraftur taki að sér stjórn
borgarinnar en gleymi sér
svo við að reisa sér minn-
isvarða; Perlu og höll.
 maður árSinS Jón gnarr
Dreymdi um aðstoðarmann
t exta- og lagasmiðurinn Bragi Valdi-mar Skúlason er menningarfrömuður
ársins að mati Fréttatímans. Bragi Valdimar
átti hreint ótrúlegt ár og hlýtur að finna
fyrir dulítilli pressu á að gera betur á því
næsta. Nánast hvert einasta lag sem hann
samdi texta við fór í efsta sæti á hinum
ýmsu lagalistum. Hann samdi textann við
vinsælasta lag ársins, Það geta ekki allir ver-
ið gordjöss með Páli Óskari og Memfismafí-
unni. Hann samdi textann við lagið Gamli
grafreiturinn með Klassart sem sat nokkrar
vikur í efsta sæti lagalista Rásar 2. Smellur
Hjálma, Gakktu alla leið, er með texta eftir
hann og öll lögin nema eitt á nýrri plötu
Sigurðar Guðmundssonar og Memfis-
mafíunnar. Auk þess er hann aðalsprautan í
textagerð Baggalúts sem gaf út feikivinsæla
jólaplötu. Textar Braga þykja vera listasmíð.
Tungutakið er slíkt að Bragi kemst á bekk
með þeim sem hvað mikilvægastir eru sem
útverðir íslenskrar tungu. Þegar menn
semja texta við öll vinsælustu lögin á Íslandi
er eins gott að textarnir séu góðir – og það
eru þeir svo sannarlega hjá Braga.
 menningarfrömuðurinn
bragi valdimar SkúlaSon
Einn af útvörðum
íslenskrar tungu
 frumkvöðlarnir Simmi og Jói
Viðskiptaævintýrin gerast enn
H amborgarafabrikka þeirra Sigmars Vilhjálmssonar og Jó-hannesar Ásbjörnssonar er sönnun þess að það er engin
ástæða til að láta kreppu og svartnætti stöðva sig. Það hefur örugg-
lega engum dottið í hug í byrjun árs að það vantaði nýjan veitingastað
í Reykjavík, nema auðvitað
Simma og Jóa.
Þegar þeir félagar sögðu upp
dagvinnunni og upplýstu að
þeir hygðust opna hamborgara-
stað í Höfðatúni veltu ýmsir því
fyrir sér hvort þeir væru búnir
að tapa glórunni. Sú reyndist
alls ekki raunin. Hvert skref,
hver skrúfa, hver borgari og
hver sósudropi var úthugsaður
og nákvæmlega unninn niður í
minnstu smáatriði hjá Simma og Jóa við útfærslu á staðnum, ímynd
og matseðli. Allir frumkvöðlar, sama á hvaða sviði þeir eru, geta tekið
þá sér til fyrirmyndar þegar kemur að því að undirbúa og gangsetja
nýjar viðskiptahugmyndir.
Gengi Hamborgarafabrikkunnar hefur verið eins og í lygasögu.
Staðurinn er þegar orðinn stofnun í veitingastaðalandslaginu.
Ljósmynd/Nordic Photos
annáll 29 Helgin 30. desember 2010-2. janúar 2011