Fréttatíminn - 30.12.2010, Blaðsíða 34

34 viðhorf Helgin 30. desember 2010-2. janúar 2011
Sætúni 8, 105 Reykjavík. Sími: 531 3300. ritstjórn@frettatiminn.is Ritstjóri: Jón Kaldal kaldal@frettatiminn.is Framkvæmdastjóri: Teitur
Jónasson teitur@frettatiminn.is Fréttastjóri: Óskar Hrafn Þorvaldsson oskar@frettatiminn.is Ritstjórnarfulltrúi: Jónas Haraldsson jonas@frettatiminn.is. Auglýsinga-
stjóri: Valdimar Birgisson valdimar@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
Fært til bókar
Nýr Davíð við stýrið?
Atli Gíslason, einn óþekktarþingmann-
anna í VG, segir að hann hafi fengið það
staðfest hjá þingmönnum Framsóknar-
flokksins að óformlegar þreifingar hafi
átt sér stað um að flokkurinn gangi
til liðs við ríkisstjórnina. Atli er einn
þriggja þingmanna VG sem sat hjá við
afgreiðslu fjárlaganna, svo sem alkunna
er. Hann segist hafa orðið hissa á því að
forystumenn ríkisstjórnarinnar skyldu
ekki frekar reyna að miðla málum en að
hlaupa beint til Framsóknarflokksins.
Orðrómur um aðkomu Framsóknar-
flokksins að ríkisstjórninni hefur verið
viðvarandi um hríð. Sigmundur Davíð
Gunnlaugsson, þá nýbakaður formaður
Framsóknarflokksins, vann undirbún-
ingsvinnuna vel fyrir Jóhönnu Sig-
urðardóttur og Steingrím J. Sigfússon
þegar hann hét því að verja minnihluta-
stjórn þeirra falli eftir að ríkisstjórn
Geirs H. Haarde hrökklaðist frá í kjölfar
búsáhaldabyltingarinnar. Framsóknar-
flokkurinn græddi hins vegar lítið á þeim
stuðningi. Sigmundur Davíð selur sig því
væntanlega dýrt ef hann kemur þeim
Jóhönnu og Steingrími til aðstoðar nú og
lítur vart við öðru en forsætinu. Því kann
tími nýs Davíðs að vera í vændum – að
vísu með Sigmundarnafninu að auki.
Umbrotaár
Völva vikunnar er fjölkunnug og spáir því
að umbrotaár sé í vændum. Hún spáir
því meðal annars að ríkisstjórnin springi,
sem og önnur sem við taki, og bylting
fylgi í kjölfarið, óeirðir og læti. Minna má
nú gagn gera. Völvan spáir því að for-
mannsdagar Jóhönnu Sigurðardóttur
séu taldir hjá Samfylkingunni og yrði
ekki hissa þótt ættarlaukur Framsóknar,
Guðmundur Steingríms-
son, tæki við á þeim
bænum. Það eru því
kannski síðustu for-
vöð fyrir Sigmund
Davíð Gunnlaugs-
son að koma sér í
ráðherrastól núna.
Völvan hefur einnig
áhuga á fjölmiðlum
og sér þar fyrir sér vesen,
stormur verði kringum DV, ský yfir 365
og að Fréttablaðið gæti sofnað. Morgun-
blaðið muni koma út á þrjóskunni en
Fréttatíminn eflist.
Stormur í pakka
Það vakti nokkra athygli er olíufélagið
N1 skellti sér í bóksölu fyrir þessi jól.
Ævisaga Jónínu Ben, skrásett af Sölva
Tryggvasyni, og Stormurinn, reynslu-
saga ráðherrans Björgvins G. Sigurðs-
sonar, voru í einkasölu á bensínstöðvum
N1 víða um land og báðar prentaðar í
stóru upplagi. Þótt sala bókanna hafi
gengið þokkalega stóð hún samt ekki
undir væntingum. Því sat olíufélagið
uppi með talsvert upplag. Forráðamenn
þess dóu þó ekki ráðalausir. Starfsmenn
félagsins eru margir, líklega um 800, og
þeir fengu Storm Björgvins ráðherra í
jólapakkann frá N1. En bókin var fráleitt
ein í pakkanum. Með lesefninu fylgdi
margs konar góðgæti.
Fært til bókar
Verðlaunataktar
Ögmundur Jónasson, dómsmála- og
samgönguráðherra, ver sinn þingmann,
Ásmund Einar Daðason, bónda
í Dölum vestur. Ráðherrann
segir á bloggsíðu sinni að
umfjöllun Fréttablaðsins,
Vísis og Stöðvar 2 um
Dalamanninn unga hafi
verið rætin og nú bæti
Sandkorn DV um betur
með enn rætnari hætti.
Hvað veldur því að þessir
fjölmiðlar sameinast um að
rægja þennan ágæta mann? Hver
skrifar svona rugl? Hver heldur um
níðpennana á framangreindum fjöl-
miðlum? Svo spyr Ögmundur og segir
síðan: „Kannski gæti handhafi blaða-
mannaverðlauna BÍ fundið þetta út fyrir
okkur. Kannski gæti hann haft upp á
einhverjum Deep throat til að hvísla að
sér hver spunameistarinn er, ef hann er
þá ekki sjálfur í sambandi við þann sem
vefinn spinnur. Nú er að sýna verðlauna-
taktana.“ Ögmundur sendir þarna fast
skeyti að DV. Einhverjir hafa gert
því skóna að þar skjóti ráð-
herrann á verðlaunahafann
Jóhann Hauksson, blaða-
mann DV, sem vel má vera en
aðrir þykjast muna að Reynir
Traustason, ritstjóri DV, hafi
fengið verðlaunin nokkru fyrr
en Jóhann.
Munur á hægri og vinstri
Heilinn í vinstrimönnum og hægri-
mönnum er gerólíkur, samkvæmt niður-
stöðum nýrrar rannsóknar sem læknar
í London gerðu, að því er Vísir greindi
frá í gær. Rannsóknin bendir til þess að
heilamandlan, svæði í miðjum heilanum,
sé stærri í hægrimönnum en vinstri-
mönnum. Mandlan stjórnar viðbrögðum
fólks við hræðslu og kvíða. Hins vegar
hafa hægrimenn minni heilagyrðil, en það
er svæði í heilanum sem er tengt hug-
rekki og bjartsýni. Ef menn leika sér að
því að færa þetta í íslenskt samhengi má
gera því skóna að Steingrímur J. sé hug-
rakkari en Bjarni Ben og Lilja Móses-
dóttir hugrakkari en Steingrímur J., ef
við leyfum okkur að halda því fram að
uppreisnarþingmaðurinn standi vinstra
megin við flokksformanninn. Í fréttinni
kom ekkert fram um heilagerð miðju-
manna og því ómögulegt að segja hvar
Sigmundur Davíð framsóknarforingi
er staddur á þessum skala og enn síður
ættarlaukurinn Guðmundur Steingríms-
son sem mátaði sig í Samfylkingunni áður
en hann sneri heim. Spurningin er síðan
hvernig heilamandlan eða heilagyrðillinn
er í því fólki sem flakkar á milli margra
flokka. Í því sambandi væri gaman að
kíkja inn í kollinn á Kristni H. Gunnars-
syni sem kom víst við í þeim öllum nema
ef vera skyldi hjá Íhaldinu.
Sölustaðir : N1, Bónus, Hagkaup, Pósturinn, Katár,Te og ka, Epal, Hrím,
Kraum, Sirka, Melabúðin, Valfoss, Rauðakrossbúðirnar, Mál og menning,
Debenhams, Mýrin, Minja, Iða, Vínberið, Háma, Hrafnistubúðin Laugarási,
Garðheimar, Oce1, Galleri Sautján-Kringlunni og Smáralind
Allur ágóði af sölunni rennur
til Krabbameinsfélags Íslands
tb
r h
ön
nu
n
„Fáðu þér
gott fyrir gott“
Ein helsta ástæða þess að útgáfa Fréttatím-
ans hófst var sú að við sem stöndum að baki
blaðinu töldum ríka þörf vera fyrir útbreitt
blað sem enginn vafi léki á að ætti sig sjálft.
Móttökur lesenda benda eindregið til þess
að það hafi verið rétt mat.
Það hefur tekið Fréttatímann innan við
þrjá mánuði að byggja upp 70 pósentna
lestur í höfuðborginni. Sá árangur er
framar björtustu vonum. Ekki þarf að efast
um að það hafi gefið blaðinu byr undir báða
vængi að hvorki Jón Ásgeir Jóhannesson
né Davíð Oddsson koma við sögu í eigenda-
eða stjórnendahópnum. Án
þess að á þessa alkunnu
fjandmenn sé hallað, þá eru
engar ýkjur að segja að þeir
séu svo fyrirferðarmiklir
karakterar að þeir fari lang-
leiðina með að sliga þau fé-
lög sem þeir tengjast, sem
er auðvitað sérstakur galli
þegar kemur að fjölmiðlun
og trúverðugleika.
Fyrstu þrír mánuðirnir í lífi Fréttatímans
hafa sem sagt verið afbragð. Næsta verk-
efni er að freista þess að tryggja tilveru
blaðsins til lengri tíma. Völvur Vikunnar og
DV spá Fréttatímanum gæfuríkri framtíð
en ekki spákona Fréttablaðsins, hvernig
svo sem á því stendur. Við sem vinnum á
Fréttatímanum leyfum okkur að fagna spá
hins reyndari meirihluta þessara þriggja
lesara í framtíðarhorfur lands og þjóðar.
Það hefur komið á daginn að auglýs-
endur fagna því að eiga val milli tveggja
útbreiddra blaða á eftirsóttasta auglýsinga-
tíma vikunnar, sem er í kringum helgar.
Það er kröftugum áhuga auglýsenda að
þakka að Fréttatíminn hefur getað fært
lesendum þykkan og hitaeiningaríkan
lestrarpakka um hverja helgi.
Á sumum slóðum er grunnt á þeim mis-
skilningi að hagsmunir lesenda og auglýs-
enda geti ekki farið saman. Hið sanna er
að auglýsendur hafa svo til gjörvalla fjöl-
miðlasöguna verið helstu kostendur fram-
leiðslu ritstjórnarefnis. Gildir það jafnt um
nýgræðing eins og Fréttatímann og blað
á borð við New York Times. Þessi mikli og
virti risi vestrænnar dagblaðaútgáfu sækir
um það bil þrjá fjórðu hluta tekna sinna í
auglýsingasölu.
Þumalputtareglan er um það bil þannig
að því fleiri auglýsingar sem seljast, því
fleiri síður fá lesendur. Og það fer ekki á
milli mála að það er nóg af hungruðum
lestrarhestum í landinu. Þar til Frétta-
tíminn kom til sögunnar hafði hins vegar
möguleikum þeirra á lesefni um helgar
snarfækkað. Á aðeins tveimur árum slógu
Morgunblaðið og Fréttablaðið bæði af
sunnudagsútgáfu, á sama tímabili hvarf 24
stundir af sviðinu og áður hafði DV fært
helgarútgáfu sína yfir á föstudaga.
Í þessu lestrargati er Fréttatíminn að
koma sér fyrir. Við vitum að baráttan verð-
ur hörð en við erum bjartsýn. Takk fyrir
frábærar móttökur og gleðilegt nýtt ár.
Fyrstu skref Fréttatímans
Takk fyrir frábærar móttökur
Jón Kaldal
kaldal@frettatiminn.is
E
Getur þú
styrkt barn?
www.soleyogfelagar.is
Getur þú
s yrkt barn?
www.soleyogfelagar.is
Þú getur nálgast Fréttatímann frítt á
þjónustustöðvum N1 um land allt
HELGARBLAÐ