Læknablaðið - 15.03.1992, Blaðsíða 6

80
LÆKNABLAÐIÐ
Figure I. Number of individuals with culture confirmed
salmonella infection in lceland 1960-1988.
og höfðum við því aðeins óljósa hugmynd
um uppruna sýkinganna. Hópsýkingar hafa
komið upp öðru hvoru og er faraldurinn
í Búðardal vorið 1987 enn í fersku minni
(4). Jákvæðum salmonellaræktunum hefur
fjölgað á sýklafræðideild Landspítalans
undanfarin ár, en það gæti bent til vaxandi
tíðni salmonellasýkinga hér á landi (5,6)
(mynd 1).
Tilgangur rannsóknarinnar var að kanna tíðni
salmonellasýkinga með tilliti til uppruna og
útbreiðslu og hvaða salmonellategundir smitist
helst hér á landi. Ýmsar spumingar hafa
vaknað um mikilvægi þessara sýkinga hér
á landi fyrir menn með tilliti til afleiðinga;
veikinda, sjúkrahúslegu og vinnutaps. Einnig
er fróðlegt að vita hvort þessar sýkingar
tengist neyslu ákveðinna innlendra matvæla.
EFNIVIÐUR OG AÐFERÐIR
Rannsóknin var afturvirk faraldsfræðileg
könnun á salmonellasýkingum í mönnum
og náði til allra einstaklinga á Islandi
með jákvæðar salmonellaræktanir árið
1988. Sýklafræðideild Landspítalans var
eina stofnunin hér á landi sem leitaði að
salmonellum í saur og fóru öll sýni þangað
þegar grunur lék á salmonellasýkingu.
Farið var yfir gögn sýklafræðideildar
Landspítalans, en þar eru allir einstaklingar
með jákvæðar salmonellaræktanir skráðir.
Reynt var að hafa samband við alla um síma.
Þegar um böm var að ræða eða fólk sem
gat einhverra hluta vegna ekki svarað fyrir
sig sjálft var talað við aðstandendur. Við
innlögn á sjúkrahús var farið yfir sjúkraskrár
og einnig rætt við viðkomandi lækni ef nánari
upplýsinga var þörf.
Sjúklingar voru spurðir um einkenni; orsök
sýkingarinnar; hvar smitaðir; hvort innlagðir á
sjúkrahús; hvort fleiri voru smitaðir í nánasta
umhverfi; fjölda ræktana og hvort þær voru
jákvæðar eða neikvæðar; hvemig sjúklingum
var fylgt eftir og um lyfjameðferð. Einnig var
spurt hvort sjúklingur hafi verið frá vinnu og
um fylgikvilla sýkingarinnar.
Vinnutap var miðað við 16-67 ára og fjarvist
úr skóla ekki talin með.
NIÐURSTÖÐUR
Árið 1988 ræktaðist Salmonella sp. frá 130
einstaklingum. Allir nema einn voru með
jákvæðar saurræktanir, en sá sjúklingur var
með blóðsýkingu án þess að bakterían fyndist
í saur. Þar að auki voru þrír með jákvæðar
blóðræktanir auk jákvæðra saurræktana. Tveir
þeirra vom lagðir inn á sjúkrahús.
Fullnaðarupplýsingar fengust um alla nema
fimm (96.2%). Tveir voru bandarískir