Dagblaðið Vísir - DV - 17.07.2007, Blaðsíða 2

ÞRIÐJUDAGUR 17. JÚLÍ 20072
INNLENDARFRÉTTIR
ritstjorn@dv.is
Fréttir DV
Hreindýraveiðar
hafnar
Hreindýraveiðitímabilið hófst
á sunnudaginn þegar heimilt var
að veiða tarfa. Fyrstu tarfarnir
voru felldir strax fyrsta daginn,
á Fljótsdalshéraði á sunnudags-
morgun. Aðeins er leyfilegt að
veiða þrjá tarfa á svæðinu. Fram
að mánaðamótum verður þó ekki
heimilt að veiða tarfa séu þeir í
fylgd með kúm eða ef veiðarnar
trufla kýr og kálfa. Veiðitímabil á
kúm hefst þann 1. ágúst og verður
heimilt að veiða hreindýr til 15.
september.
Ofsaakstur í
Reykjavík
Tveir ökumenn voru teknir
fyrir ofsaakstur í Reykjavík á laug-
ardag. Bíll annars þeirra mældist
á 160 kílómetra hraða á Sæbraut
en en hinn á 159 kílómetra hraða
í Ártúnsbrekkunni. Ökumennirnir
eru báðir karlmenn á fertugsaldri.
Annar þeirra hefur nokkrum
sinnum áður verið staðinn að
hraðakstri en þó ekkert í líkingu
við þetta. Sá hinn sami gaf lög-
reglu þá skýringu að hann hefði
verið á leið til kærustunnar sinn-
ar. Spurður frekar út í málið sagði
ökufanturinn að hann hefði haft
farsímann hennar undir höndum
og það hefði ekki mátt þola neina
bið að koma honum til skila.
Halldór Ásgrímsson fyrrverandi forsætisráðherra hvorki glæpamaður né glæpaforingi:
Biður Halldór afsökunar á ummælum
„Ég bið Halldór Ásgrímsson af-
sökunar á þeim ummælum, sem
höfð eru eftir mér í DV, að hann sé
glæpamaður og glæpaforingi,“ seg-
ir Þorsteinn Ingason útgerðarmað-
ur. Þorsteinn greindi frá því í síðasta
helgarblaði DV að kaup-
endur Búnaðarbankans,
S-hópurinn svokallaði,
hefðu fengið afslátt á
bankanum í krafti þess
að Þorsteinn ætti stór-
ar óuppgerðar kröf-
ur á bankann. Þessar
kröfur hafa aldrei verið
greiddar.
Þorsteinn
segir þessi um-
mæli hafa fall-
ið í umræðu
um það að
hann hafi verið þvingaður til þess að
gangast í ábyrgðir á skuldabréfi fyr-
ir Framsóknarflokkinn, eftir að hann
varð gjaldþrota, en áður en þrota-
búinu var skipt. „Það hríslaðist að-
eins um mig þegar ég sá þessi orð á
prenti,“ segir Þorsteinn.
„Halldór Ásgrímsson verður
hins vegar að skýra hvað lá að
baki því að ég var þvingaður
til fjárhagsskuldbindinga fyr-
ir Framsóknarflokkinn hjá
Búnaðarbankanum, bank-
anum sem gerði mig gjaldþrota með
víxilfölsunum,“ heldur hann áfram.
Þorsteinn segist standa alfarið
við þær fullyrðingar sínar að Hall-
dór Ásgrímsson fyrrverandi forsæt-
isráðherra hafi haft fjárhagslegan
ávinning af þessum víxilfölsunum
bankans. „Þennan ávinning hafði
Halldór í gegnum fjölskyldufyrirtæki
sitt Skinney-Þinganes, sem var aðili
að S-hópnum. S-hópurinn fékk af-
slátt á hlut ríkissjóðs í Búnaðarbank-
anum vegna skaðabótakröfu minn-
ar sem byggði á því skaðaverki sem
bankinn vann mér með því að falsa
víxla. Þessi afsláttur hafði engin önn-
ur áhrif en að S-hópurinn borgaði
lægra verð fyrir bankann og rann því
beint í vasa S-hópsmanna.“
Ólafur Ólafsson, stjórnarformað-
ur Samskipa og einn forsprakka S-
hópsins, hefur þvertekið fyrir að ríkið
hafi veitt afslátt af kaupverði Búnað-
arbankans og segir að menn megi
ekki sleppa ímyndunaraflinu lausu.
Þorsteinn segist hafa búist við þess-
um viðbrögðum.
sigtryggur@dv.is
Útgerðarmaðurinn Þorsteinn
Ingason vinnur að því að fá hlut
sinn leiðréttan. Hann vill 500
milljónir í skaðabætur
fyrir að hafa verið
þvingaður til þess að
gangast í ábyrgðir fyrir
Framsóknarflokkinn.
Framsóknarráð-
herrann Þorsteinn
sagði Halldór
Ásgrímsson vera
glæpaforingja. Hann
segir þetta vera
fast að orði
kveðið og
biður
Halldór
afsökunar.
Vatnsskortur á
Reykhólum
Mikill vatnsskortur hefur
gert vart við sig á Reykhólum
syðst á Vestfjörðum. Á heima-
síðu sveitarfélagsins er tilkynn-
ing frá bæjarstjóra hreppsins
þar sem þeim tilmælum er
beint til fólks að fara sparlega
með vatnið. Miklir þurrkar
hafa verið á landinu undan-
farnar vikur en auk þess kom
upp bilun hjá vatnsveitunni
sem nú er verið að lagfæra.
Er þeim fyrirmælum beint til
fólks að stilla vökvun á görðum
sínum í hóf.
Dópaðir
undir stýri
Fjórir ökumenn voru tekn-
ir fyrir að aka undir áhrifum
fíkniefna á höfuðborgarsvæð-
inu um helgina. Nítján ára piltur
var stöðvaður fyrir þessar sakir
í miðborginni á föstudag. Með
honum í bíl voru aðrir tveir piltar
og stúlka á sama reki en á vett-
vangi fundust ætluð fíkniefni.
Sama dag var hálffertugur
karlmaður stöðvaður við lög-
reglustöðina á Hverfisgötu en í
bíl hans fundust ætluð fíkniefni.
Farþegi í bíl mannsins var sömu-
leiðis handtekinn enda eftirlýstur
vegna ýmissa mála.
Á laugardag var liðlega tvítug-
ur piltur stöðvaður í Kópavogi
og honum gert að hætta akstri,
grunaður um fíkniefnamisferli.
Á sunnudag var svo 17 ára pilt-
ur tekinn í Ártúnsbrekku undir
áhrifum fíkniefna.
Veðurstofa Íslands logar í eineltismálum og flótti er brostinn á meðal veðurfræðinga.
Fjórir reyndir veðurfræðingar hafa hætt störfum og eitt eineltismál hefur verið kært.
Málið hefur ratað inn á borð hjá Vinnueftirlitinu, Félagi íslenskra náttúrufræðinga og
SFR. Veðurfræðingar lýsa áhyggjum af framtíð Veðurstofunnar.
Starfsandi á Veðurstofu Íslands er í
molum og veðurfræðingar flýja nú
stofnunina. Fjórir veðurfræðingar eru
hættir störfum og einn til viðbótar
hefur ákveðið að taka sér eins árs leyfi.
Þeir veðurfræðingar sem rætt hef-
ur verið við lýsa áhyggjum af framtíð
Veðurstofunnar og segja hana mikil-
vægt öryggistæki fyrir landsmenn.
Þær skýringar eru gefnar á upp-
sögnunum að stjórnendur Veður-
stofunnar gangi fram gegn starfs-
mönnum með þeim hætti að það
teljist einelti. Ein kæra hefur þegar
verið lögð fram í eineltismáli.
Mál Veðurstofu Íslands hafa bor-
ist inn á borð til Vinnueftirlitsins,
Félags íslenskra náttúrufræðinga og
Stéttarfélags í almannaþjónustu.
Veðurstofan skrapar botninn
Í könnun sem Stéttarfélag í al-
mannaþjónustu, SFR, gerði í sam-
vinnu við VR um stofnanir ársins
2007 var Veðurstofa Íslands í 93.
sæti meðal 99 ríkisstofnana sem
tóku þátt. Árni Stefán Jónsson, for-
maður SFR, segir að óþægilegt sé að
tjá sig um málefni einstakra stofn-
ana. „Málefni Veðurstofunnar hafa
ekki komið inn á borð til okkar með
formlegum hætti. Við höfum hins
vegar verið beðin að vera vakandi
yfir málum Veðurstofu Íslands,“ seg-
ir Árni.
Hann staðfestir að væringar hafi
verið inni á Veðurstofunni á und-
anförnum árum. „Veðurstofan kom
ansi illa út í könnuninni okkar. Það
endurspeglar að þarna eru erfileik-
ar innandyra,“ segir Árni.
Starfsmaður hjá Vinnueftirlit-
inu staðfesti að vandamál Veður-
stofunnar væru til athugunar þar á
bæ. Hólmfríður K. Gunnarsdóttir
hjá rannsókna- og heilbrigðisdeild
Vinnueftirlitsins vildi lítið tjá sig um
málið. „Við getum aldrei tjáð okkur
um mál einstakra stofnana. Við erum
bundin trúnaði,“ segir hún.
Flótti í stéttinni
Á síðustu mánuðum hafa fjór-
ir veðurfræðingar ákveðið að hætta
störfum á Veðurstofunni vegna erf-
iðs vinnuumhverfis. Einar Svein-
björnsson hætti störfum fyrir 1. apr-
íl síðastliðinn. Elín Björk Jónasdóttir
sagði upp og hætti störfum þann 1.
júní. Hún hefur af mörgum sam-
starfsmönnum sínum verið talin
efnilegasti veðurfræðingurinn inn-
an stofnunarinnar. Guðmundur Haf-
steinsson nýtti sér svokallaða 95 ára
reglu opinberra starfsmanna og hætti
við fyrsta tækifæri, 62 ára gamall.
Ásdís Auðunsdóttir er á leiðinni
í eins árs leyfi að eigin ósk. Unnur
Ólafsdóttir fór í sambærilegt eins
árs leyfi fyrir nokkru og ákvað að
koma ekki aftur til starfa.
Margir fleiri hafa hætt störfum
á Veðurstofu Íslands, og þeir sem
rætt var við telja alveg skýrt að flótti
sé kominn í stétt veðurfræðinga.
Yfirmenn beita einelti
Starfsfólk segir þetta bága ástand
innan Veðurstofu Íslands fyrst og
fremst sprottið af framkomu yfir-
manna í garð undirmanna sinna.
Magnús Jónsson hefur nú ver-
ið Veðurstofustjóri í þrettán ár, og
segja starfsmenn hann ekki hafa
reynt að bæta þetta ástand.
Þóranna Pálsdóttir, sviðsstjóri
veðursviðs, hefur verið kærð fyrir
einelti á vinnustað gagnvart veður-
fræðingi. Niðurstaða hefur fengist
í málið en henni er haldið leyndri.
Hvorki náðist í Magnús Jónsson
né Þórönnu Pálsdóttur við vinnslu
fréttarinnar.
SigtrYggur Ari jóHAnnSSon
blaðamaður skrifar: sigtryggur@dv.is
„Veðurstofan kom ansi
illa út í könnuninni okk-
ar. Það endurspeglar
að þarna eru erfiðleikar
innandyra.“
MEGN ÓÁNÆGJA Á
VEÐURSTOFUNNI Veðurstofa Íslands Flótti er brostinn á í stétt veðurfræðinga á Veðurstofu Íslands. Eitt eineltismál innan stofnunarinnar hefur þegar verið kært, en niðurstöðum er haldið leyndum. Fjórir veðurfræðingar hættu í vor. Mun fleiri
hafa hætt á undanförnum árum. DV-MYND GÚNDI