Læknablaðið : fylgirit - 01.09.1977, Blaðsíða 19

Læknablaðið : fylgirit - 01.09.1977, Blaðsíða 19
13 Einnig ber lækni að hafa fyrirvara, er hann dæmir horfur, svo sem batahorfur, eftir tölfræðilegum líkum. 28. grein: Gerðadómur úrskurðar ágreiningsmái, sem kunna að rísa milli lækna eða milli læknis og læknafélags og varða við Codex Ethicus, verði þau ekki jöfnuð á annan hátt. Sami gerðadómur úrskurðar einnig mál, sem til hans er skotið sam- kvæmt 19. gr. laga L.í. frá 26. júní 1965 og varða bein eða ðbein brot á nefndum lögum eða lögum aðildarfélaga L.I. úrskurðum gerðadóms verður ekki áfrýjað, en vísað getur hann frá sér þeim málum, sem hann telur sér óviðkomandi eða álítur, að vísa beri til almennra dómstóla. í gerðadómi sitja fimm menn. Einn kýs læknadeild Háskðlans, og er hann formaður dómsins. Tvo kýs L.í. á hverjum aðalfundi, og skal annar þeirra vera héraðslæknir. Þá kýs hvor málsaðili einn lækni í dóminn, og skal hann vera félagi í L.í. Varamenn skulu kosnir jafnmargir og af sömu aðiljum. Ef dómara er rutt eða hann er forfallaður, tekur varamaður sæti í hans stað í dóminum. Nú lætur annar málsaðili eða báðir undir höfuð leggjast að nefna í dóm, og skulu þá hinir föstu dómendur tilnefna dómara fyrir hans (eða þeirra) hönd. Allar kærur og erindi til gerðadóms skal senda stjðrn L.l. Skylt er gerðadómi að tryggja svo sem framast er auðið óvilhalla úrskurði. Fari málsaðili fram á, að einum hinna föstu dómenda sé" rutt, á hann rétt á að það sé gert. Skal þá sá varamaður, sem dðmurinn kveður til, taka hans sæti. Nú er formanni rutt, og velur dómurinn sér þá formann. Gerðadómur tryggir málsaðiljum jafnræði til að kynna sér allt, sem varðar málavexti og málsmeðferð, og jafnræði til að láta uppi álit sitt. Ekki mega dðmendur afla sér gagna, sem máli skipta, nema þeir láti báðum aðiljum í té vitneskju um þau, áður en dóm- ur gengur. Rett hefur gerðadðmur til að stefna báðum málsaðiljum fyrir sig, enda geta þeir og krafist, að svo sé gert. Ferðir ¦ sínar kosta þeir sjálfir, svo og þeirra dðmenda, sem þeir hafa kosið sér, ef þeir búa utan Reykjavíkur. Um málsmeðferð hlítir gerðadðmur að öðru leyti þeim réttarfars- reglum, sem í gildi eru, svo fremi málsaðiljar hafa ekki komið sér saman um annað. Þó er honum heimilt að hafa hliðsjðn af sanngirni, ef úrskurður yrði bersýnilega vafasamur að öðrum kosti Gerðadómur skal dæma í hverju máli, sem hann fær til meðferðar, svo fljðtt sem verða má og eigi síðar en innan missiris frá því málsaðiljar kusu dómendur, nema málsaðiljar komi sér saman um lengri frest. Stjðrn L.I. ber að fylgjast með framvindu máls og gera allt, sem er í hennar valdi, til að koma í veg fyrir óeðlilegan drátt á afgreiðslu þess.

x

Læknablaðið : fylgirit

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Læknablaðið : fylgirit
https://timarit.is/publication/991

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.