Kjarninn - 26.12.2013, Blaðsíða 103

01/01 kjarninn SJÖ SPURNiNGaR
G
uðlaug Kristjánsdóttir var kjörin formaður
Bandalags háskólamanna á aðalfundi í maí
2008. Hún er sjúkraþjálfari að mennt og starf-
aði sem slíkur lengst af á LSH og á eigin stofu.
Guðlaug var virk í félagsstörfum fyrir Stéttar-
félag sjúkraþjálfara, síðast sem formaður félagsins frá 2005-
2008. Hún var í þriðja sæti á framboðslista Bjartrar framtíðar
í Suðvesturkjördæmi fyrir síðustu alþingiskosningar.
Hvað er það jákvæðasta sem gerðist á Íslandi árið 2013?
Jafnt og þétt hafa borist jákvæðar og uppörvandi fréttir af góðu gengi sprota-
fyrirtækja og hugvitsfólks vítt og breitt, í tækni, listum og lækningum – og öllu
þar á milli. Þarna eigum við gífurleg sóknarfæri til framtíðar litið og gaman að
sjá þann árangur sem stuðningur við nýsköpun er farinn að skila.
Hvað var það neikvæðasta sem gerðist á Íslandi árið 2013?
ég held ég verði að nefna afturhvarf til áherslna og gilda, við stjórn landsins,
sem mögulega reyndust okkur vel í fortíð en eiga ekki lengur við. ég tel það
lítt sannfærandi nálgun í efnahagsmálum að hverfa frá nýjum lausnum en
leita aftur til meðala sem hafa áður verið reynd – og brugðist. Eins eru uppi
áform um þverrandi stuðning við nýsköpun, sem er afar miður. Þar er ekki nóg
að halda í horfinu, heldur þarf að bæta í.
Hvaða hlutum er brýnast að breyta til að styrkja stöðu
þjóðarinnar og gera samfélagið betra?
Efnahagslega þarf að opna landið og losa það úr höftum. Horfa þarf til
framtíðar hvað vinnumarkaðinn snertir, efla rannsóknir og nýsköpun til þess
að nýta sóknarfæri í atvinnulífinu. Það þarf að stórbæta samkeppnisstöðu
landsins um menntað vinnuafl, launaleiðrétting háskólamenntaðra er eitt af
verkefnunum þar.
Hvernig metur þú stöðu landsins í lok árs, og hvort telur þú að
staða Íslands muni hafa versnað eða batnað í lok árs 2014?
Staðan núna í árslok er því miður allt of lík því sem hún var í fyrra og
verður væntanlega keimlík á næsta ári, sé horft til stóru stærðanna eins og
gjaldeyris hafta og verðbólguþróunar.
Hvernig stendur ríkisstjórnin sig að þínu mati, hvað hefur hún
gert vel og hvað ekki?
Því miður sýnist mér þessi ríkisstjórn ekki setja á oddinn að höndla ný tæki-
færi til að efla íslenskt atvinnulíf. Fyrstu vísbendingar benda t.d. til gamaldags
hugsunar í vinnumarkaðsmálum frekar en viðleitni til að halda hér í ungt fólk
með menntun.
Hvar sérð þú helstu tækifæri Íslands á næsta ári/árum?
Framtíðartækifæri Íslands byggja ótvírætt á framsækinni hugsun í atvinnu-
málum, eflingu þess hluta vinnumarkaðar sem byggir á menntun, nýsköpun
og þróun. Við þurfum að líta á þekkingu sem útflutningsvöru, selja hana úr
landi án þess að fólkið fylgi með. Grunnur að árangri í slíkri stefnubreytingu er
langtímahugsun og samstarf þvert á alla pólitík.
Er framtíðin björt fyrir land og þjóð?
ég er bjartsýn í eðli mínu og segi því já. Ef við einsetjum okkur að leita
samræmis fremur en misræmis förum við létt með að framkvæma hér
kraftaverk á degi hverjum. Land og þjóð geymir nefnilega ótæmandi orku
og aðlögunarhæfni sem vel er hægt að virkja til góðs ef okkur tekst að stilla
strengina saman.
Guðlaug
Kristjánsdóttir
formaður BHM svarar
Deildu með
umheiminum
sjö spurninGar
stórbæta þarf
samkeppnisstöðu