Kjarninn - 26.12.2013, Blaðsíða 77

07/07 kjarninn tÖLVULEiKiR
hversu öflug þessi nýja kynslóð er. Grafík bæði leikmanna
og öll önnur umgjörð er sannarlega af næstu kynslóð og
spilunin einnig. Leikurinn er einnig til fyrir Playstation 3 og
Xbox 360 og þannig sést greinilega hvers þessi næsta kynslóð
er megnug þó að menn viti að þetta sé aðeins toppurinn á
ísjakanum.
Það tekur mörg ár fyrir hugbúnaðarhúsin að ná fullum
afköstum úr öllum þessum gígariðum og megabætum sem
í vélunum keyra. Að spila Xbox 360- eða Playstation 3-leik í
dag sem er orðinn nokkurra ára gamall fær augun í manni
til að halda að eitthvað sé að, munurinn er svo sjáanlegur
og skýr. Ef menn bera til dæmis saman GTA IV og GTA V
með sínu fimm ára aldursbili sést greinilega að þar munar
um þann tíma sem framleiðendur hafa fengið til að venjast
þróunar umhverfinu og vélunum sjálfum og læra vel inn á
hvað hentar og hvað ekki.
Framtíðin er björt og næsta ár lofar góðu. Leikir eins og
TitanFall, Quantum Break, Destiny og Watch Dogs eru dæmi
um leiki sem koma út á næsta ári, allt leikir sem byggja á
nýjum grunni en eru ekki uppfærðar útgáfur af einhverju
sem menn þekkja og hefur þénað vel. Það þarf að halda
áfram að búa til nýja leiki í stað þess að endurvinna alltaf
eldri leiki með nýrri umferð af málningu eins og mikið
hefur verið gert með Call of Duty, Battlefield, FIFA og öllum
þessum leikjum sem koma út á hverju ári og velta milljónum
dollara.