Boðberi K.Þ. - 01.06.1992, Blaðsíða 16

Enn um vaxtamál
Ragnar Jóhann Jónsson
Það er sjálfsagt að bera í bakkafullan lækinn að
taka vaxtamál kaupfélagsins til frekari umfjöllun-
ar, en um þau mál hefur verið fjallað töluvert í
Boðberanum á undanförnum mánuðum. Gerð
hefur verið grein fyrir vaxtakjörum kaupfélagsins
og þeirri nauðsyn félagsins að halda því fjármagni
sem það hefur á viðskiptareikningum og í Inn-
lánsdeild.
Hins vegar verður að gefnu tilefni að gera í
fáum orðum grein fyrir þeirri aðferð sem beitt er
við útreikninga á vöxtum viðskiptareikninga
félagsins. Borið hefur á því að menn hafi ekki
talið vextina rétt reiknaða miðað við stöðu sína á
hverjum tíma.
Vextirnir eru reiknaðir miðað við „vaxtastöðu“
viðkomandi viðskiptareiknings hverju sinni.
Þannig getur verið innstæða á reikningnum hluta
úr mánuði og skuld annan hluta úr mánuði, sem er
eitt vaxtatímabil. Vextirnir eru reiknaðir miðað
við stöðuna hverju sinni, en ekki meðaltalsstöðu.
Við útreikninginn ræður vaxtadagur hverrar
færslu hvenær vextir reiknast af henni, en hann er
ekki alltaf sá sami og færsludagurinn. Til dæmis er
megnið af fóðursölu félagsins með vaxtalausum
gjaldfresti og vaxtadagsetningin skráð samkvæmt
því. Á sama hátt er vaxtadagur mjólkurinnleggs
tíunda dag næsta mánaðar eftir lok innleggsmán-
aðar. Af þessu er ljóst að munur getur verið á
bókfærðri stöðu og vaxtastöðu.
Að lokum er rétt að vekja athygli á því að við-
skiptareikningar kaupfélagsins eru reikningar
sem geta bæði staðið í skuld og með innstæðu. Að
því leyti eru þeir líkir hlaupareikningum í banka-
kerfinu, nema hvað vextimir eru reiknaðir út frá
vaxtastöðunni hverju sinni og ekki er um neitt
viðskiptagjald að ræða. Einnig er rétt að nota
tækifærið og skora á fólk að kynna sér þá ávöxtun-
armöguleika sem Innlánsdeikd KÞ býður upp á,
en þeir eru sérstaklega auglýstir í þessu tölublaði
Boðberans.
Ragnar Jóhann Jónsson
“Abu
Garcia ULTR^r
veiðihjól og stangir
m Naustagil
16