Búskapur hins opinbera 1945-1980 - 01.01.1983, Qupperneq 16

14
yfir sjúkrasamlög, en frá árinu 1965 hafa reikningar þessir verið birtir í
„Félagsmálum“, tímariti Tryggingastofnunar ríkisins.
Eins og tekjuhliðin ber með sér, sbr. töflu 16, þá eru þar ekki færðar neinar
skatttekjur, heldur eru þær færðar hjá ríkissjóði og'þaðan sem tilfærsla til al-
mannatryggingakerfisins.
Utgjöld almannatryggingakerfisins eru nokkuð ýtarlega sundurliðuð í töfl-
unum, þannig að frekari sundurliðunar er ekki þörf. Varðandi tilfærsluliðinn
„útgjöld vegna sjúkrahúsa" þá vísast til skýringa við „búskap ríkisins" á liðnum
„tilfærslur til almannatrygginga“ (bls. 11).
5. Búskapur sveitarfélaganna.
Reikningamir fyrir árin 1945-1954 em unnir upp úr 9. hefti ritsins „Úr
þjóðarbúskapnum“, útgefnu í desember 1960 af Framkvæmdabanka íslands.
Framsetningu hefur þó verið breytt eins og áður er getið. Talnaefnið fyrir önnur
ár er unnið upp úr reikningum kaupstaða og úrvinnslu Hagstofu íslands fram til
ársins 1978 varðandi hreppa- og sýslufélög. Úrvinnsla Hagstofunnar hefur verið
birt í sérriti hennar, Sveitarsjóðareikningar, í útgáfuflokknum Hagskýrslur
íslands. Úrvinnsla úr reikningum sveitarfélaganna hefur fyrst og fremst miðast
við hina eiginlegu bæjarsjóðareikninga, þar sem skatttekjur og ráðstöfun á þeim
eru færðar. Efni áranna 1978—1980 fyrir hreppana hefur verið unnið upp úr
reikningum helstu hreppa, nokkuð breytilegt eftir árum en heildartekjur þeirra
hreppa sem unnir hafa verið eru um 40% af heildartekjum hreppa á þessum
árum. Þessi úrvinnsla var síðan notuð til viðmiðunar við áætlun vegna annarra
hreppa og sýslufélaga. Við þá áætlun hefur einnig verið lögð til grundvallar
álagning útsvara, aðstöðugjalda og fasteignaskatta, skv. skýrslum félagsmála-
ráðuneytisins á þau hreppsfélög sem ekki hafa verið tekin í úrtak Þjóðhagsstofn-
unar. Þá liggur jafnframt fyrir uppgjör Jöfnunarsjóðs en Jöfnunarsjóður er hér
sem hluti af búskap sveitarfélaganna.
Úrvinnsla þjóðhagsstofnunar úr reikningum sveitarfélaganna, eins og
henni hefur verið lýst hér, nær frá og með árinu 1978 til sveitarfélaga, sem
samtals höfðu tæp 90% af heildartekjum sveitarfélaga á öllu landinu, þannig að
aðeins hefur þurft að áætla sbr. hér að framan fyrir rúmum 10%.
Það sama á sér stað varðandi skatttekjur sveitarfélaganna í reikningum
þessum og hjá ríkissjóði, að breytt er um uppgjörsaðferð frá því að tilfæra
innheimta skatta yfir í álagða skatta. Þetta er gert árin 1971 og 1972, þ.e.a.s. hjá
Reykjavík 1971 en hjá öðrum sveitarfélögum 1972. Óinnheimtir skattar hjá
Reykjavíkurborg námu í árslok 1970 301 m.gkr. og hjá öðrum sveitarfélögum í
árslok 1971 369 m.gkr. Fjárhæðir þessar eru ekki teknar með skatttekjum af
sömu ástæðu og hjá ríkissjóði, vegna samanburðar við önnur ár. Breyting sjóðs,
lánareikninga og annarra verðbréfa hefði einnig breyst um sömu fjárhæðir.
Til nánari skýringar á reikningum sveitarfélaganna, þá verður gerð grein
fyrir einstökum liðum eftir því sem ástæða þykir til.