Búskapur hins opinbera 1945-1980 - 01.01.1983, Síða 20

18
Réttargœsla og öryggismál.
Hér færast útgjöld vegna dómsmála, réttargæslu, tollgæslu, brunamála og
almannavarna. Útgjöld sýslumanna og bæjarfógeta eru færð hér, en hluti af
þeirra útgjöldum er vegna innheimtu opinberra gjalda sem ættu að tilheyra
opinberri stjórnsýslu.
Menntamál.
Auk almennra fræðslumála hafa verið færð hér útgjöld vegna stofnana eins og
Raunvísindastofnunar Háskólans, Stofnunar Árna Magnússonar, Orðabókar
Háskólans og Tilraunastöðvar Háskólans á Keldum.
íþróttahús sem byggð eru sem hluti af skóla, geta verið færð sérstaklega
sem íþróttahús hjá sveitarfélögum og því færst undir fjármunamyndun í
menningarmálum en útgjöld til íþróttamála færast undir menningarmál.
Heilbrigðismál.
Stærsti hluti heilbrigðisútgjalda eða 55.766 m.gkr. eru endanlega greiddar út úr
almannatryggingakerfinu. Sérstök tegunda- og viðfangsefnasundurliðun er ekki
sett fram fyrir almannatryggingakerfið heldur koma útgjöld þess eingöngu fram í
heildinni yfir opinbera búskapinn, en þar falla allar tilfærslur milli ríkis,
sveitarfélaga og almannatryggingakerfisins niður.
Tekjutilfærslur hjá ríki og sveitarfélögum eru fyrst og fremst tilfærslur til
almannatryggingakerfisins.
Fjármagnstilfærslur vegna bygginga sjúkrahúsa o.fl. frá ríkissjóði til sveitar-
félaga eru færðar undir verga fjármunamyndun hjá sveitarfélögum, að því leyti
sem tilfærsla frá ríkissjóði hefur ekki þegar verið færð hjá sveitarfélögunum í
reikningum þeirra.
Daggjöld sem greidd eru úr almannatryggingakerfinu, eru færð sem
heilbrigðismálaútgjöld. Þar af leiðandi kemur rekstrarafgangur eða halli sjúkra-
húsa, sem fjármagnaður er með daggjöldum, ekki fram í útgjöldunum fyrr en
daggjöld hafa verið leiðrétt til samræmis og getur þetta leitt til tilfærslu milli ára.
Fó eru til á þessu undantekningar.Má þar nefna Borgarspítalann í Reykjavík en
þar hefur verið tekið tillit til rekstrarafgangs eða rekstrarhalla.
Almannatryggingar og velferðarmál.
Undir samneyslu í þessum lið er m. a. færður rekstur barnaheimila. Þó ekki
rekstur leikvalla sem færður er undir menningarmál ásamt útgjöldum vegna
annarra útivistarsvæða.
Tekjutilfærslur eru fyrst og fremst frá almannatryggingakerfinu eða 51.998
m.gkr. en hjá ríkissjóði eru færðar tilfærslur vegna eftirlauna 7.169 m.gkr. og
2.848 m.gkr. vegna olíustyrkja.