Húsbyggingar og mannvirkjagerð 1945-1986 - 01.04.1988, Blaðsíða 28

26
nokkuð breytilegur eftir tegund bygginga og er því hæpið að bera
saman framkvæmdir í einstökum greinum. Eigi að síður gefur
rúmmetratalan vissa vísbendingu um þróunina innan hverrar greinar.
Þannig sést að á árunum upp úr 1970 eru miklar framkvæmdir við
fiskverkunar- og frystihús eftir lægð undanfarinna ára.
Framkvæmdir við síldar- og fiskimjölsverksmiðjur náðu hámarki á
síldveiðiárunum 1961-1967 og fóru eitt árið yfir 100 þús. rúmmetra,
en flest árin eftir það voru þessar framkvæmdir innan við 10 þús.
rúmmetra.
í rúmmetrum talið hafa framkvæmdir við annað iðnaðarhúsnæði
sveiflast mjög eftir tímasetningu stóriðjuframkvæmda og virkjana.
Mestar urðu framkvæmdirnar árið 1969 eða rösklega 900 þús.
rúmmetrar, en það ár lauk fyrsta áfanga álverksmiðjunnar, sem
talinn var um 820 þús. rúmmetrar. Annar toppur varð á árinu 1972
vegna stækkunar álverksmiðjunnar, en það ár voru fullgerðir um 540
þús. rúmmetrar og var álverið um helmingur þess. Með þessum
undantekningum hafa framkvæmdir við iðnaðarhúsnæði yfirleitt
verið á bilinu 200 til 400 þúsund rúmmetrar.
Framkvæmdir við verslunar- og skrifstofuhúsnæði hafa
undanfarin 15 ár numið 100 til 150 þús. rúmmetrum ár hvert. Af
einstökum árum sem skera sig úr má nefna árin 1973-1974, en þá
voru fullgerðir 170 og 200 þús. rúmmetrar. Sama er að segja um árin
1982-1983, en þau ár voru fullgerðir yfir 200 þús. rúmmetrar.
Raunar stendur 1973 upp úr, en þá voru fullgerðir 260 þús.
rúmmetrar.
Um frekari lýsingu á öðru atvinnuhúsnæði má vísa til
framangreindra taflna í töfluhluta skýrslunnar, og þar er einnig að
finna sundurliðun á fullgerðu atvinnuhúsnæði eftir landshlutum.
j