Húsbyggingar og mannvirkjagerð 1945-1986 - 01.04.1988, Blaðsíða 11

9
1. INNGANGUR
Þessi sjötta skýrsla í ritröð Þjóðhagsstofnunar um
þjóðhagsreikninga fjallar um byggingu íbúðarhúsa, atvinnuhúsnæðis
og annarra mannvirkja á tímabilinu 1945-1986. Skýrslan greinist I
fjóra hluta auk inngangs og viðauka. í fyrsta hluta er fjallað um
tilhögun skýrslugerðar um húsbyggingar hér á landi. í öðrum hluta er
vikið að talnaefni skýrslunnar og í þeim þriðja er fjallað almennt um
fjárfestingu í íbúðarhúsnæði. Að lokum er að finna í fjórða
hlutanum, sem er þungamiðja þessarar skýrslu, upplýsingar um bæði
íbúðar- og atvinnuhúsnæði sem ná yfir síðustu fjóra áratugina. Tölur
um íbúðarhúsnæði eru til muna ítarlegri og ná til lengri tíma en tölur
um atvinnuhúsnæði. Þannig eru birtar tölur um fjölda íbúða og
rúmmetrafjölda þeirra á tímabilinu 1954-1986 og tilraun gerð til þess
að framlengja þessar raðir allt aftur til ársins 1945.
Eins og sjá má í töfluhluta skýrslunnar er íbúðarhúsnæðið
flokkað eftir framkvæmdaáföngum á eftirfarandi hátt:
1) húsnæði í smíðum í ársbyrjun
2) byrjanir á árinu
3) fullgert á árinu, (lúkningar)
4) framkvæmt á árinu
Fyrir hvern lið eru tiltækar tölur um bæði fjölda íbúða og eins
rúmmál þeirra. í síðasta liðnum, framkvæmt á árinu, er þó einungis
reiknaður fjöldi rúmmetra. Tölur þessar eru til sundurliðaðar eftir
sveitarfélögum allt aftur til ársins 1954. Þó var ákveðið að birta ekki
ítarlegri skiptingu en eftir sýslum, kaupstöðum og stærstu
kauptúnum. í þeirri sundurliðun eru aðeins birtar tölur um fjölda og
rúmmál íbúða sem byrjað var á ár hvert, svo og fjölda íbúða sem
fullgerðar voru á árinu.
í grófari samdrætti þ.e. eftir kjördæmum, eru svo birtar tölur
um rúmmetra fullgerðra íbúða og framkvæmdir á árinu umreiknaðar
yfir í rúmmetra.
Enn víðari samanburður er svo gerður milli höfuðborgarsvæðis
annars vegar og landsbyggðar hins vegar og birtar sams konar tölur
og eftir kjördæmum, en að auki koma þar fram tölur um fjölda
íbúða í smíðum í ársbyrjun og rúmmetrafjölda þeirra íbúða.
Efnið um atvinnuhúsnæðið er mun minna að umfangi. Aðeins
eru birtar tölur um rúmmetra húsnæðis, enda segðu fjöldatölur lítið í
þessu sambandi. Þá eru aðeins birtar tölur um fullgert
atvinnuhúsnæði en ekki skipt eftir framkvæmdaáföngum nema árin
1985 og 1986 eins og fram kemur í töflum 6.1 og 6.2. Slíkar tölur
eru þó til, þótt efnið hafi ekki verið unnið með þeim hætti. Með
atvinnuhúsnæði er hér átt við hvers konar mannvirki, sem mæld
verða í rúmmáli og notuð eru í atvinnustarfseminni. Sem dæmi má
nefna verslunarhúsnæði, vörugeymslur og geyma, sundlaugar, skóla
og kirkjur, raforkuver o.fl. Hefðbundin mæling húsa byggist á
utanmáli veggja (grindarmáli timburhúsa). Rúmmál steinsteypunnar
er því hluti af rúmmáli hússins.
L